Roma 8:19 - En Taar Weru a nunuwu' é Tontemboan

¹⁹ Wo ra'ica icitake' in tou, taan pakasa sé niéma' i Amang Kasuruan ang kayo'baan anio' lumeloo keli mengento-ngento' in oras i Amang Kasuruan tumuru' mai in darayo wo in sisiri' a sé toyaang-Na.

Roma 8:19 ပူးပေါင်းရင်းမြစ်များ

Matius 5:9

Pakakamangen sé tou sé maali-ali ing kaeluran a sé tou walina, ampa'paan séra tuulen oka toya-toyaang i Amang Kasuruan.

Yohanes 1:12

Taan sé tou tumerima wo mercaya ai Sia, séra wéan oka hak wosama' mamuali toya-toyaang i Amang Kasuruan.

Kisah Para Rasul 3:21

Sia itu musti mento' an sorga akar mai en témpona si Amang Kasuruan méma' im pakasa mamuali weru. Pakasa en itu aicua-Nao indioré' owo, imaké sé nabi sé sinisir-Na.

Roma 8:14

Pakasa en tou sé paakinen i Roh i Amang Kasuruan, séra toya-toyaang i Amang Kasuruan.

Roma 8:16

Wo e Roh i Amang Kasuruan itu kumetero in atéta sapaoka kita toya-toyaang i Amang Kasuruan.

Roma 8:18

Émanenku sapaoka eng kawenduan pasangkumenta intarépé', ra'ica ro'na ipeputé wo i rarayo wo in sisiri' si iwéé oka ai cita asi endo mengangai.

Roma 8:23

Wo ra'ica sé niéma' i Amang Kasuruan ituke' sé mangimbulu, icita in esa ka'i mangimbulu an untep in atéta. En ulitna kita sé tumerimao i Roh Le'nas si wéwéé kataré-taré i Amang Kasuruan. Taan intarépé' kita mangento-ngento'pé' in oras i Amang Kasuruan imekar icita ang kawasa ing kamesé-meséaan wo ing kawenduan wo mai mangkai icita mamuali toya-toyaang-Na.

Roma 9:26

Wo ka'i aipatic in tana'i, “An tampa kinuanan a sé tou ‘kamu ra'ica tou-Ku’, am bitu séra tuulen oka ‘toya-toyaang i Amang Kasuruan si menonou.’ ”

1 Korintus 1:7

Wo in taniitu sé kamang aitambéro mai i Roh Le'nas ai camu ra'ica maina' mandé esake' ang karoro'an iow maento-ento' si Apo'ta Yesus Kristus maai sumawel.

1 Korintus 1:8

Sia oka ka'i e méma' mai im paémanen iow kasake' keter akar ing kaka'puan ing kayo'baan, akar kamu kéréan-Na ra'ica wana kaséaan asi endo si Apo'ta Yesus Kristus maai sumawel.

2 Korintus 6:18

Wo Aku mamuali oka Amangmu, wo kamu mamuali oka toya-toyaang-Ku, taniituo en aicua i Amang Kasuruan si Makakawasa.”

Galatia 3:26

Kamu im baya imamualio toya-toyaang i Amang Kasuruan ampa'paan maéman a si Yesus Kristus.

Filipi 1:20

En icasalé'ku wo em paarapenku wosama' aku ra'- ica papalawi' mengaéma' in tawoien si aiwéé i Amang Kasuruan. Wo em butulna en casalé'ku sapaoka intarépé' aku kasake' ra'ica maindé' mengakua andumoro' i Kristus kaputé indior. Anaé aku menonou kuma'pa maté ra'ica sapa-sapa, em penting keli si Kristus em parayo wo pasiriin am pakasa sé pengaémaanku.

Kolose 3:4

Si Kristuso em palemboian ing katouan iow. Wo sa Sia maai sumawel ang kayo'baan ang karapi i rarayo wo in sisiri'-Na, kamu ka'i kaséréan oka wo pekiit irayo wo in siriin mewali-wali wo Sia.

Ibrani 12:27

Si nunuwu' “makasapé'” eng kaangéanna pakasa sé niéma'-Na asi cayo'baan anio' ipangéro' oka wo materi, wosama' sapa sé ra'ica toro ipaéro' siituo sé matela'u.

1 Petrus 1:13

Keliano e niéma' i Amang Kasuruan ai camu, ampa'paan in ituo tu'tuleno mio' em bewerot iow e méma' andumoro' sé loor wo tumang in owak ra'ica méma' andumoro' in léwo' wo ituliro mio' waya em paarapen iow asi kamang si tambér oka mai i Amang Kasuruan ai camu an tutuw i Yesus Kristus maai sumawel.

1 Petrus 1:7

Asé pangepé'an ituo e méé tuus sapaoka kamu uli-ulit maéman a si Casuruan. E mas ro'na maléwo' mandé niéma'o tulén tinunu an api. Em paémanen iow lumébé mai im bééna i mas, anaé musti ujin ka'i ing kelian pangepé'an wosama' makaketer akar kamu makéré oka i rarayo wo in sisiri' wo pengasiriin asi endo i Yesus Kristus mai sumawel.

1 Yohanes 3:1

Weroteno mio' sumama-sama', wangko' ulit en upus i Amang Kasuruan ai cita, akar cita patuulen toya-toyaang-Na. Wo ulit kita anio' toya-toyaang i Amang Kasuruan. Ampa'paano in itu sé tou makiit ing kayo'baan léwo', séra ra'ica makatuus cita' ampa'paan séra ra'ica makatuus si Amang Kasuruan.

1 Yohanes 3:2

Poo-poow sé icaupusku, intarépé' kita toya-toyaang i Amang Kasuruan, taan ra'ipé' kailekanta tuu tambisa e mamuali ai cita sa. Taan eng kailekanta, an tutuw i Kristus maai sumawel, kita mamuali oka tanu Sia wo wutu-wutul kaséréanta oka en owak-Na.

Wahyu 21:7

Si séi e muntung, kéréanna oka waya en anio'. Wo Yaku mamuali oka Amang Kasuruanna, wo sia mamuali oka toyaang-Ku.