Roma 8:15 - En Taar Weru a nunuwu' é Tontemboan

¹⁵ Ampa'paan e Roh aiwéé i Amang Kasuruan ai camu itu, ra'ica méma' icamu mamuali ata akar kamu menonou ang kaindé'an. Taan e Roh aiwéé i Amang Kasuruan itu, méma' icamu mamuali toya-toyaang i Amang Kasuruan. Wo e Roh i Amang Kasuruan itu maakin icita akar patowanta si Amang Kasuruan, “Amang, o Amangku!”

Roma 8:15 ပူးပေါင်းရင်းမြစ်များ

Matius 25:25

En caindé'ku oréoka en doit i tuang icatala, anaé en doit itu ayenepku an untep in tana'. Nio', indono sumawel en doit i tuang.’

Markus 14:36

Icua i Yesus, “O Abba, o Amang. Kailekan-Ku, pakasa ro'na émaan i Amang. Sa woo ro'na angkaieno mai eng kawenduan anio' a Yaku. Taan ra'ica iciit ing kasalé'an-Ku, iciito ing kasalé'an i Amang.”

Lukas 11:2

Wo icua i Yesus ai séra, “Sa kamu sumombayang, icuao mio' in tana'i, ‘Amang ami an sorga, e ngaran-Mu le'nas wo iparangka-rangka'. Mayoo si Amang Kumawasa tanu Kolano ami.

Lukas 22:42

“O Amang-Ku, sa woo ro'na, angkaien woo mai eng kawenduan anio' a Yaku. Taan ra'ica iciit ing kasalé'an-Ku e mamuali, mandéo kasalé'anke' i Amang e mamuali.” [

Lukas 8:28

Keséréna si Yesus, sia mangko' wo kumundu an dior-Na. Icuana in taangko', “Sapa en urusan-Mu wo yaku, éi Yesus Toyaang i Amang Kasuruan Si Rumangka-rangka'? Pekiupusenku ai Co tioo okoien-Mu aku!”

Lukas 8:37

Wo pakasa sé tou an sangkum ing Gerasa mekiupus a si Yesus wosama' itela'- u-Na en tampa éra. Icua éra in taniitu ampa'paan séra im pakasa uli-ulit maindé'. Anaé, si Yesus sumaké sumawel an londéi wo maréng.

Yohanes 16:8

Sa Sia mayo, ituru'-Na oka a sé tou ang kayo'baan andumoro' ing kamesé-meséaan wo andumoro' si wutul, wo andumoro' in ukuman i Amang Kasuruan si maai oka.

Yohanes 20:17

Icua i Yesus ai sia, “Tioo timboienmu en owak-Ku, ampa'paan Aku ra'ipé' imangé a si Amang-Ku. Taan mangéo taré ko a sé poo-poow-Ku, wo icuao mangé ai séra sapaoka intarépé' Aku maangém a si Amang-Ku wo ka'i Amangmu, siituo si Amang Kasuruan-Ku wo ka'i Amang Kasuruanmu.”

Kisah Para Rasul 16:29

Kelinga in itu, si capala im bui rumu'du' tou maali palaab. Wo sia tuméron angé an untep im bui, ang karapi i mege'ge-ge'ger sia kumundu an dior i Paulus wo si Silas.

Kisah Para Rasul 2:37

An tutuw éra luminga waya in itu, en até éra mendam i manesel wo séra mamuéi a si Petrus wo sé ruru'du'an walina, “Poo-poow, sapa réén e musti émaan ami?”

Roma 8:16

Wo e Roh i Amang Kasuruan itu kumetero in atéta sapaoka kita toya-toyaang i Amang Kasuruan.

Roma 8:23

Wo ra'ica sé niéma' i Amang Kasuruan ituke' sé mangimbulu, icita in esa ka'i mangimbulu an untep in atéta. En ulitna kita sé tumerimao i Roh Le'nas si wéwéé kataré-taré i Amang Kasuruan. Taan intarépé' kita mangento-ngento'pé' in oras i Amang Kasuruan imekar icita ang kawasa ing kamesé-meséaan wo ing kawenduan wo mai mangkai icita mamuali toya-toyaang-Na.

Roma 8:26

Taniitu ka'i kita, kita tawangen i Roh i Amang Kasuruan an tutuw kita ra'ica keter. Ampa'paan ra'ica kailekanta tumambisa en ulitna kita masombayang. Taan e Roh itu in esa masombayang a si Amang Kasuruan torona icita, ang karapi imangimbulu sé ra'- ica icaroma' i nunuwu' é tou.

Roma 9:4

Séra itu sinisiro i Amang Kasuruan wo niangkaio mamuali toyaang-Na in esa wo tumerimao ka'i i rarayo wo in sisiri'-Na. Séra jinanjian i Amang Kasuruan ing kamangen, wo winéan-Nao ukum Torat. Wo aicuao i Amang Kasuruan ai séra tumambisa maapo' ai Sia, wo ka'i séra winéan-Nao in janji-janji.

1 Korintus 2:12

Wo e roh ai cita ra'ica aiwéé ing kayo'baan anio', taan e Roh si asi Amang Kasuruan owo wosama' kakailekanta pakasa sé loor sé aitambér i Amang Kasuruan ai cita.

2 Korintus 11:4

Ampa'paan kamu pakasérén talesenke' tumerima si esa tou mai wo masusui ai camu andumoro' in sususuien si ra'ica meputé wo sé ipasusui ami andumoro' i Yesus. Wo kamu ka'i tumerima i roh si ra'ica meputé wo i Roh Le'nas kuma'pa Abar Kaaruien si wutu-wutul ra'ica meputé wo in abar kaaruien si sumangkumo tinerima miow ai cami.

Galatia 2:4

Awéan sé tou tanuoka woo maémano a si Yesus Kristus taan séra towo. Icasalé' éra pakasa sé tuama sunaten. Séra muntep ang karapi i maene- enep an jamaat en tumi'tir sa awéan tou sé ra'io ka'i mengakiit in ukum Torat ampa'paan maéman a si Yesus Kristus. Icasalé' éra wosama' sé tou maéman kasake' pakawa'kesen in ukum Torat wo kinawasa in ukum itu.

Galatia 5:1

Si Kristus iméma'o icita ra'io ka'i ang kakawasaan in ukum Torat, wosama' kita ra'io pakawa'kesen in ukum Torat. Ampa'paano in itu timboieno sumama-sama' eng kaloasan itu, wo tioo maréng menonou tanuoka ata si pakawa'kesen in ukum Torat.

Efesus 1:5

Si Amang Kasuruan mengaupus icita, ampa'paan in ituo tumo'tolke' mai indior aitantu-Nao kita mamuali toya-toyaang-Na ampa'paan i Yesus Kristus. Wo siituo en aitantu-Na kumiit ing kasalé'an-Na.

2 Timotius 1:7

Ampa'paan si Amang Kasuruan ra'ica méé i Roh-Na ai cita wosama' kita maindé', taan iwéé-Na e Roh-Na wosama' en atéta maketer, wo ro'na mengaupus sé tou walina wo ka'i iméma' icita ro'na kumawasa in owakta in esa.

Ibrani 2:15

Wo in taniitu sé tou iwekar-Na ang kaindé'an im papaté. Ampa'paan indior sé tou pakakawasan ing kaindé'an im papaté ang kauré éra menonou.

Yakobus 2:19

Percayan iow sapaoka waya in esa si Amang Kasuruan, en itu loor! Taan sé sétang ka'i mercaya andumoro' in itu wo séra gume'ger in indé'.

1 Yohanes 4:18

Sa kita awéan upus, kita ra'ica wana eng kaindé'an, ampa'paan en upus si lekep itu kuma'pu ing kaindé'an. Sé tou makapendam in indé', ampa'paan sia maanggap in owakna patus in ukumen. Anaé, si tou maindé' tanu siitu ra'ipé' mendam in upus i Amang Kasuruan si lekep itu.