Roma 7:9 - En Taar Weru a nunuwu' é Tontemboan

⁹ Indior, an tutuwku ra'ipé' makailek in ukum Torat, pawerotenku aku menonou ang karapi in loor. Taan an tutuw kinailekankuo en ukum Torat, eng kamesé-meséaan tumo'tolo menonou an owakku,

Roma 7:9 ပူးပေါင်းရင်းမြစ်များ

Matius 19:20

Wo icua i tou wo'bas itu a si Yesus, “Pakasa em perénta itu niéma'kuo waya. Sapapé' sé ra'ipé' niéma'ku?”

Lukas 15:29

Taan sinowatnake' taré si amangna, ‘Ta'uno aku mawendu-wendu matawoi wo maselewir a si amang wo ra'ipé' kawisa aku kumélong im perénta i amang, sapao en aiwéé i amang a yaku? Mandé esake' mémbé' teké', ra'ipé' kawisa iwéé i amang a yaku e méma' ing kasalé-salé'an wo sé kara-karapiku!

Lukas 18:21

Wo icua i tou itu, “Pakasa em perénta itu niéma'kuo waya an tutuwku i wo'basé'.”

Roma 10:5

Indior aipatico i Musa in andumoro' é tou sé nianggap wutul ampa'paan mengakiit in ukum Torat tana'i: “Sé tou le'tek mengaéma' in ukum Torat, séra menonou oka akar ing kauré-uré ampa'paan in ukum Torat itu.”

Roma 7:10

wo eng kasiwakana aku maté. En ulitna, en ukum Torat musti makawali ang katouan, taan eng kasiwakana makawalike' taré am papaté.

Roma 7:11

Ampa'paan en ukum Torat itu pinaké ing kamesé-meséaan e muwak yaku wo makawali yaku am papaté.

Roma 7:4

Taniitu ka'i kamu, é poo-poowku. Indior kamu kinawasa in ukum Torat. Taan intarépé' kamu tanu imatéo mewali-wali wo in owak i Kristus akar kamu aicawekaro an ukum Torat. Wo kamu mamualio anu i Kristus si tinou sumawel an uner é tou imaté wosama' eng katouanta awéan torona a si Amang Kasuruan.

Roma 7:6

Taan intarépé' kita aiwekaro asi atoran in ukum Torat, ampa'paan kita imatéo mewali-wali wo si Kristus akar kita ra'io pakakawasan in ukum si cumawasa icita indior. Ampa'paan ituo kita intarépé' sumelewir a si Amang Kasuruan ang karapi ing katouan weru si aituru' i Roh Le'nas, ra'ica ang karapi ing katouan uré kiit in aipatic an ukum Torat.

Roma 7:8

Taan an tutuw kinailekankuo en atoran itu, eng kamesé-meséaan awéan témpo en tumou ing kasalé-salé'an léwo' sé membalinaan an owakku. Ampa'paan sa ra'ica wana en ukum Torat en tumuru' ing kamesé-meséaanku, eng kamesé-meséaan itu ra'ica wana kawasa an owakku.

Roma 8:7

Wo sé tou pakakawasané' ing kasalé'an in owak in esa, séra menséké'an wo si Amang Kasuruan, ampa'paan séra ra'ica le'tek an ukum i Amang Kasuruan. En ulitna en ukum itu ra'ica kaémaan éra.

Galatia 2:19

Ampa'paan aku tanu si tou imatéo asi ukum Torat wosama' aku menonou torona i Amang Kasuruan. Yaku aisalipo mewali-wali wo si Kristus.

Galatia 3:10

Taan sé tou rumaméji mamuali wutul an dior i Amang Kasuruan ang karapi i mamangén asi mengaéma' in ukum Torat, séra itu kutuken oka tanu ukuman i Amang Kasuruan. Ampa'paan ang Kitap Le'nas aipatic in tana'i, “Si séi si ra'ica le'tek mengaéma' im pakasa in atoran ang kitap Torat, sia itu ukumen oka im patén i Amang Kasuruan.”