Roma 7:7 - En Taar Weru a nunuwu' é Tontemboan

⁷ Sa taniitu, sapa e ro'na icuata? Ra'ica réén loor en atoran an ukum Torat itu? Tantu loor! Wo ampa'paan taré in ukum Torat ituo, kinailekankuo en andumoro' ing kamesé-meséaan. Wo ra'ica kailekanku e mengasalé' in anu é tou itu suméa', sa an ukum Torat ra'ica icumua, “Tioo mengasalé' in anu é tou.”

Roma 7:7 ပူးပေါင်းရင်းမြစ်များ

Matius 5:28

Taan icua-Ku ai camu, sa awéan tuama suméré si wéwéné wo icasalé'nao, si tuama itu mabersinao wo si wéwéné itu an untep in até.

Lukas 12:15

Wo icua-Na a sé pakasa in tou sé imali'us am bitu, “Maté-téiro mangé wo mareti-retio kamu oréoka kamu mamuali tou longi'. Ampa'paan eng katouan é tou, ra'ica asalo mamangén ang kasiyaan, mandé ka'i eng kasiyaanna itu ilumébé-lébéo.”

Lukas 20:16

Sia maai oka wo paténna sé tou matawoi in umana itu wo en umana itu ipapatawoina a sé tou walina.” Kelinga éra in itu wo icua é tou keli itu a si Yesus, “En itu tioo mamuali ai cami!”

Kisah Para Rasul 20:33

Yaku ra'ica kawisa masalé' i mas, pérak kuma'pa karai asi séike' mangé.

Roma 13:9

An ukum Torat aipatic in tana'i: “Tioo mengabersina, tioo mengapaté tou, tioo mengarombit, wo ka'i tioo mengasalé' in anu é tou walina.” Sé perénta-perénta itu wo ka'i sé perénta-perénta walina pineesao a si perénta anio', “Mengaupus angé sé kakélé tou tanu kamu mengaupus in owak iow in esa.”

Roma 3:20

Ampa'paan ra'ica wana tou mandé esake' sé nianggap wutul an dior i Amang Kasuruan ampa'paan mengaéma' in ukum Torat. Taan, ampa'paano taré in ukum Torat ituo sé tou makailek ing kamesé-meséaan.

Roma 3:5

An tutuw kita mengaéma' sé ra'ica wutul, em peri wutul i Amang Kasuruan kaséré-séréan. Wo sapa en icuata sa kita icae'bow-Na ampa'paan kita mengaéma' sé ra'ica wutul? Icuata réén Sia marapitke'? En itu pakawerotke' é tou.

Roma 4:1

Anaé, kita ro'na kumua andumoro' i Abraham si apo'ta tou Yahudi tumambisa réén sia nianggap wutul i Amang Kasuruan?

Roma 4:15

En ukum Torat itu makawalike' sé tou in ukumen i Amang Kasuruan, ampa'paan ra'ica kawooan éra méma' in itu. Taan sa woo en ukum Torat ra'ica iwéé i Amang Kasuruan, ra'ica wana tou e mengaéma' ing kameséaan.

Roma 5:20

En ukum Torat itu aiwéé mai i Amang Kasuruan a sé tou wo eng kasiwakana eng kamesé-meséaan é tou makaawes eng kakeli ampa'paan séra ra'ica le'tek maéma' in ukum itu. Taan mandé eng kamesé-meséaan makaawes eng kakeli, en upus aitambér i Amang Kasuruan makalepe-lepet eng kakeli.

Roma 6:15

Anaé, sapa en icuata? Ro'napé' réén kita mengéma-ngéma' ing kamesé-meséaan ampa'paan kita ra'io pakakawasan in ukum Torat wo ampa'paan kita intarépé' menonouo an upus aitambér i Amang Kasuruan? Tantu ra'ica!

Roma 7:11

Ampa'paan en ukum Torat itu pinaké ing kamesé-meséaan e muwak yaku wo makawali yaku am papaté.

Roma 7:13

Sa taniitu, en atoran loor itu réén e makawali yaku am papaté? Tantu ra'ica! Taan eng kamesé-meséaano e makawali mai im papaté itu. Wo sé loor itu pinaké ing kamesé-meséaan e makawali yaku am papaté, wosama' kaséré-séréan eng kawasa ing kamesé-meséaan itu léwo' keli. Anaé, ampa'paano in atoran-atoran itu, uli-ulit tumuru'o sapaoka sé kamesé-meséaan itu léwo' keli.

Roma 7:5

Ampa'paan, indior kita menonoué' makiit ing kasalé'anta sé léwo'. An tutuw itu kita pakakawasané' ing kasalé'an léwo' itu, wo kailekanta en itu suméa' ampa'paan aipatic an ukum Torat, taan eng kasalé-salé'an itu tatap matawoi an owakta akar kita méma' ing kamesé-meséaan si makawali cita am papaté.

Roma 7:8

Taan an tutuw kinailekankuo en atoran itu, eng kamesé-meséaan awéan témpo en tumou ing kasalé-salé'an léwo' sé membalinaan an owakku. Ampa'paan sa ra'ica wana en ukum Torat en tumuru' ing kamesé-meséaanku, eng kamesé-meséaan itu ra'ica wana kawasa an owakku.

1 Korintus 15:56

Eng kiki'ci' im papaté siituo eng kamesé-meséaan wo eng kawasa ing kamesé-meséaan siituo en ukum Torat.

Efesus 5:3

Tioo kamu kawera-werake' in cabul, mengéma-ngéma' sé karican oka mai, kuma'pa masalé-salé'ke' in anu é tou walina. Ipepaarke' ka'i en itu ra'ica toro, ampa'paan ra'ica patus émaan é tou le'nas.

Kolose 3:5

Ampa'paano in itu tiya'o waya eng kasalé-salé'an in owak ang katouan iow, tanumai, mabersina, najis, kasalé'an in owak andumoro' in cabul, kasalé'an léwo', longi' am baya-waya si ro'na ipeputé wo i mengaapo' a sé opo-opo'.

1 Tesalonika 4:5

Tioo kamu menonou kumiit ing kasalé'an in owak sé ra'ica wutul, wayake' sé tou ra'ica makatuus si Amang Kasuruan si mengaéma' in tanu siitu.

Ibrani 7:19

Ampa'paan en ukum Torat ra'ica ro'na méma' si séike' e mamuali lekep an dior i Amang Kasuruan. Taan intarépé' kita winéano mai i Amang Kasuruan arapan lébé loor, si méma' icita rumuru mangé ai Sia.