Roma 7:5 - En Taar Weru a nunuwu' é Tontemboan

⁵ Ampa'paan, indior kita menonoué' makiit ing kasalé'anta sé léwo'. An tutuw itu kita pakakawasané' ing kasalé'an léwo' itu, wo kailekanta en itu suméa' ampa'paan aipatic an ukum Torat, taan eng kasalé-salé'an itu tatap matawoi an owakta akar kita méma' ing kamesé-meséaan si makawali cita am papaté.

Roma 7:5 ပူးပေါင်းရင်းမြစ်များ

Matius 15:19

Ampa'paan an até owo lumembo mai waya em bewerot léwo', mengapaté tou, mengasina, mengacabul, mengarombit, mengasairi in towo wo mengaojat.

Yohanes 3:6

En owakta anio' tumou asi matu'ata, taan e rohta itumou asi Roh i Amang Kasuruan owo.

Roma 1:26

Ampa'paano séra mengaéma' in taniitu, akar séra iwaya i Amang Kasuruan kumiit ing kasalé'an in owak éra sé kalawiin keli. Sé wéwéné ra'io kiim tumekel mewali-wali ang karapi é tuama tanu ing kanaramen, taan masalé-salé'ke' tumekel mewali-wali ang karapi é kakélé éra wéwéné.

Roma 3:20

Ampa'paan ra'ica wana tou mandé esake' sé nianggap wutul an dior i Amang Kasuruan ampa'paan mengaéma' in ukum Torat. Taan, ampa'paano taré in ukum Torat ituo sé tou makailek ing kamesé-meséaan.

Roma 4:15

En ukum Torat itu makawalike' sé tou in ukumen i Amang Kasuruan, ampa'paan ra'ica kawooan éra méma' in itu. Taan sa woo en ukum Torat ra'ica iwéé i Amang Kasuruan, ra'ica wana tou e mengaéma' ing kameséaan.

Roma 5:20

En ukum Torat itu aiwéé mai i Amang Kasuruan a sé tou wo eng kasiwakana eng kamesé-meséaan é tou makaawes eng kakeli ampa'paan séra ra'ica le'tek maéma' in ukum itu. Taan mandé eng kamesé-meséaan makaawes eng kakeli, en upus aitambér i Amang Kasuruan makalepe-lepet eng kakeli.

Roma 6:13

Wo tioo isarakan iow sé an owak iow mamuali pakakas eng kawasan ing kamesé-meséaan e méma' ing kaléwo-léwo'an. Taan isarakano mio' en owak iow a si Amang Kasuruan ampa'paan kamu ra'io pakakawasaan im papaté wo menonou ang katouan weru. Wo isarakano mio' pakasa sé an owak iow a si Amang Kasuruan em pakén torona méma' in sususuien wutul-Na.

Roma 6:19

Em pakawerot iow tanu tou ra'ica rior makailek, anaé aku maké in andéan ata, wosama' kamu rior makailek sapa em peangé-angénku. Indior kamu sumarakano waya ing katouan iow mamuali ata ing kasamekan wo ing kaléwo-léwo'an akar kamu mengéma-ngéma' in léwo'. Taniituo ka'i intarépé', musti isarakan iow waya eng katouan iow mamuali ata mengaéma' im butul akar makawali icamu ang katouan le'nas.

Roma 6:21

An tutuw itu sapa em buéna kinéréan iow? Tantu ra'ica wana! Kamu intarépé' malawi' mawerot in itu. Ampa'paan pakasa en itu asalo makawali am papaté.

Roma 6:23

Ampa'paan em buéna i mengéma-ngéma' ing kamesé-meséaan, makéré oka ukuman icatané a si Amang Kasuruan akar ing kauré-uré. Taan eng kamang aitambér i Amang Kasuruan, siituo eng katouan akar ing kauré-uré. Wo eng kamang aitambér-Na itu tinerimata ampa'paan si Kristus Yesus, Apo'ta.

Roma 7:23

taan an owakku awéané' kawasa walina mapetokol wo ing kasalé'anku eng kumiit in ukum i Amang Kasuruan itu. Ang kasomoiana aku rinantéo ing kawasa ing kamesé-meséaan si an untep in owakku.

1 Korintus 15:56

Eng kiki'ci' im papaté siituo eng kamesé-meséaan wo eng kawasa ing kamesé-meséaan siituo en ukum Torat.

2 Korintus 10:3

Kami wutu-wutul menonoué' ang kayo'baan, taan kami maraméji ra'ica mengakiit im basa ing kayo'baan.

Galatia 3:10

Taan sé tou rumaméji mamuali wutul an dior i Amang Kasuruan ang karapi i mamangén asi mengaéma' in ukum Torat, séra itu kutuken oka tanu ukuman i Amang Kasuruan. Ampa'paan ang Kitap Le'nas aipatic in tana'i, “Si séi si ra'ica le'tek mengaéma' im pakasa in atoran ang kitap Torat, sia itu ukumen oka im patén i Amang Kasuruan.”

Galatia 5:24

Si séike' sia si mamualio tou i Kristus Yesus, pinaténao em peri-perina sé ra'ica loor wo pakasa ing kasalé'an in owakna ang kayu salip.

Efesus 2:11

Poo-poow, ta'néieno mangé tambisa eng katouan iow indior. Ketouke' mai icamu tou ra'ica Yahudi, anaé icamu patuulen é tou Yahudi “tou ra'ica sinunat”, ampa'paan patuulen éra en owak éra “tou sinunat”. Sé tou sinunat itu mengatirayo ampa'paan séra mengakiit in atoran sunat, mandé ka'i en itu asalo tuus an owak éra si niéma' ing kama in tou.

Efesus 2:3

En ulitna indior icita im baya ka'i meputé wo sé tou ra'ica le'tek itu, ampa'paan kita makiité' ing kasalé'an in owak sé ra'ica wutul, asalo maarui in owak wo asalo memero-merot in léwo'. Kita anio' sé tou patus ukumen i Amang Kasuruan kaputé é tou walina.

Kolose 3:5

Ampa'paano in itu tiya'o waya eng kasalé-salé'an in owak ang katouan iow, tanumai, mabersina, najis, kasalé'an in owak andumoro' in cabul, kasalé'an léwo', longi' am baya-waya si ro'na ipeputé wo i mengaapo' a sé opo-opo'.

Titus 3:3

Kailekanmu é Titus, indior kita ra'ipé' makailek sapa-sapa. Ampa'paan in itu kita ra'ica le'tek a si Amang Kasuruan, icasélé'kow wo kinatawéranke' mengaéma' in léwo', kita mamuali ata ing kasalé'an ing kayo'baan si asalo maarui in owak in esa, kita menonou mengéma-ngéma'ke' in léwo', kokanat a sé tou walina, bengis, mengkasuutan asi esa wo sé walina.

Yakobus 1:15

Wo sa eng kasalé'an itu kiniitannao, sia iméma'o ing kamesé-meséaan. Wo sa eng kamesé-meséaan itu icumawasao isia, eng kasiwakanna sia makéré oka im papaté.

Yakobus 4:1

Kéitu réén kamu meindo-indoan roma' wo meréndé-réndéran? Ra'ica réén ampa'paan ing kasalé-salé'an sé ra'ica loor imapetokol an owak iow?

1 Yohanes 3:4

Wo si tou mengaéma' ing kamesé-meséaan, sia ka'i sumunduro im perénta i Amang Kasuruan. Ampa'paan sa sumundur im perénta-Na, en itu kamesé-meséaan.