Roma 7:4 - En Taar Weru a nunuwu' é Tontemboan

⁴ Taniitu ka'i kamu, é poo-poowku. Indior kamu kinawasa in ukum Torat. Taan intarépé' kamu tanu imatéo mewali-wali wo in owak i Kristus akar kamu aicawekaro an ukum Torat. Wo kamu mamualio anu i Kristus si tinou sumawel an uner é tou imaté wosama' eng katouanta awéan torona a si Amang Kasuruan.

Roma 7:4 ပူးပေါင်းရင်းမြစ်များ

Matius 26:26

An tutuw i Yesus wo sé murit-Na ang karoro'an i makan, indon-Na e roti wo kumua mangé makapulu'sama', wo te'bi-te'biin-Na e roti itu, wo yéké-Na a sé murit-Na wo kumua, “Indono, kaneno, si anioo en owak-Ku.”

Markus 4:20

Wo en lulumbo sé irumongkor an tana' kemel ayandé sé tou iluminga wo tumerima in Taar itu wo mua'. Awéan sé imua' telu ngapulu' lumepet, awéan sé enem ngapulu' lumepet, wo awéan ka'i sé sangaatus lumepet.”

Yohanes 15:8

Sa kamu mua' keli, si Amang-Ku oka em parayo-rayo wo pasiri-siriin. Wo in taniitu kamu mééo tuus sapaoka icamuo sé murit-Ku.”

Yohanes 3:29

Ang kinawéngan, si pengantén tuama makaanu si pengantén wéwéné. Wo si karapi i pengantén tuama si makatulung an duruna arui tutuw sia luminga in suarana. Taniitu ka'i mai wo yaku si Yohanes, intarépé' aku mendam in arui keli ampa'paan keli tou mai a si Yesus.

Yohanes 6:51

Yakuo eng kakanen si mawéé ing katouan si tumumpao mai an sorga owo. Sa si tou kuman ing kakanen anio', sia menonou oka akar ing kauré-uré. Eng kakanen si wéé-Ku itu, siituo en owak-Ku si iwéé-Ku oka a sé tou ang kayo'baan wosama' séra ro'na menonou akar ing kauré-uré.”

Roma 6:11

Taniituo ka'i kamu, maweroto mio' in tana'i: kamu imatéo mewali-wali wo si Kristus Yesus akar kamu icawekar asi kawasa ing kamesé-meséaan wo intarépé' menonou torona i Amang Kasuruan ampa'paano i Kristus Yesus.

Roma 6:14

Anaé, kamu ra'io toro pakakawasané' ing kamesé-meséaan, ampa'paan kamu ra'io menonou makiit in ukum Torat, taan kamu menonou asi upus aitambér i Amang Kasuruan.

Roma 6:2

Tantu ra'- ica toro! Ampa'paan kita tanu tou imatéo si ra'io pakakawasan ing kamesé-meséaan. Ampa'paan in ituo, kita ra'io menonou mengéma-ngéma' ing kamesé-meséaan.

Roma 6:22

Taan intarépé' kamu aicawekaro ang kamesé-meséaan wo imamualio ata i Amang Kasuruan. Akar kamu makéré im buéna i menonou le'nas torona i Amang Kasuruan wo eng kasiwakana kamu makéré oka ing katouan akar ing kauré-uré.

Roma 7:3

Anaé, ang kauré i penanaanna menonoué', sia nianggap mabersina sa sia kawéngen i tuama walina. Taan sa si penanaanna imatéo, sia aicawekaro asi ukum itu. Anaé, sa sia kawéngen i tuama walina, sia ra'io nianggap mabersina.

Roma 7:6

Taan intarépé' kita aiwekaro asi atoran in ukum Torat, ampa'paan kita imatéo mewali-wali wo si Kristus akar kita ra'io pakakawasan in ukum si cumawasa icita indior. Ampa'paan ituo kita intarépé' sumelewir a si Amang Kasuruan ang karapi ing katouan weru si aituru' i Roh Le'nas, ra'ica ang karapi ing katouan uré kiit in aipatic an ukum Torat.

Roma 8:2

Ampa'paan kita sé meesao ang karapi Kristus Yesus, tumerima i Roh i Amang Kasuruan si méé mai ing katouan weru ai cita. Wo kawasa a si Roh i Amang Kasuruan itu, mekar icita asi kawasa ing kamesé-meséaan si makawali icita am papaté.

1 Korintus 10:16

An tutuw kita melep in anggor am perjamuan le'nas wo kumua i makapulu'sama' a si Amang Kasuruan, eng kaangéanna, kita imeesao wo si Kristus am papaté-Na. Wo an tutuw kita kuman i roti si aite'bi-te'bi', eng kaangéanna, kita meesao ang karapi in owak i Kristus.

2 Korintus 11:2

Kamu icae'bowku tanuoka si Amang Kasuruan manganat icamu. Kamu tanuoka si esa mangala'un si ra'ipé' sumangkum ako tumekel ang karapi i tuama, si aijanjikuo icawéng wo si esa tuama, siao si Kristus.

Galatia 3:13

Si Kristus itumu'buso icita asi kutuk in ukum Torat. Ampa'paan tutuw Sia aisalip, tinanggong-Nao eng kutuk itu sawel icita. Awéan en aipatic, “Si tou niukum im patén wo airantong ang kayu salip, sia itu kaputé i makéré in ukuman patén i Amang Kasuruan.”

Galatia 5:18

Taan sa iwaya miow e Roh Le'nas merénta in owak iow, kamu ra'ica menonou pakaakinen in ukum Torat.

Efesus 2:15

Ampa'paan eng kepaté-Na tanu tou, en atoran-atoran wo em perénta-perénta an ukum Torat binatal-Nao wosama' sé tou Yahudi wo sé tou ra'ica Yahudi mamuali esa bangsa weru, si meesa ang karapi-Na. Tanu siituo si Kristus iméma' ing kaeluran.

Filipi 1:11

Isombayangku ka'i wosama' pengéma-ngémaan iow sé nianggap wutul i Amang Kasuruan ampa'paan si Yesus Kristus imatawoi ang katouan iow. Wo in taniitu si Amang Kasuruan oka si parayo wo pasiriin.

Filipi 4:17

Icuaku en itu ai camu ra'ica ampa'paan yaku maarap ka'i im patawang iow. Taan en icasalé'ku, kamu tumerima ing kamang lumepe-lepet asi Casuruan ampa'paan kamu sumuuno ing kasiyaan an sorga.

Kolose 1:10

Wo in taniitu kamu patus menonou an dior-Na wo maarui in até-Na am baya-waya wo ro'na méé im buéna loor am pakasa im pengaémaan wo makaawes makatuus si Amang Kasuruan.

Kolose 1:22

Taan intarépé' kamu niéma'o i Amang Kasuruan meelurano sumawel wo Sia ampa'paan im papaté in owak i Kristus, wosama' kamu menonou le'nas wo ra'ica wana kaséaan wo ra'ica wana e ro'na itudu an dior-Na.

Kolose 1:6

Wo en Abar Kaaruien itu aicaseraro am bisa-wisa ang kayo'baan wo em buéna kinaséréano ang katouan é tou. Taniituo ka'i wo icamu, tumo'tolai kamu luminga in Abar itu wo wutu-wutul makailek in upus aitambér-Na, kamu kinamango i Amang Kasuruan.

Kolose 2:14

Eng kamesé-meséaanta itu tanu surat utang si pinatican andumoro' in tuduan ing kamesé-meséaanta. Taan intarépé' en surat utangta itu binatalo i Amang Kasuruan ampa'paan aipaku-Nao ang kayu salip.

Kolose 2:20

Kamu imatéo mewali-wali wo si Kristus, wo aiwekaro ang kawasa é roh ing kayo'baan anio'. Taan kéitu réén kamu imenonoué' tanu sé tou pakakawasan ing kayo'baan anio'? Kéitu réén kamu makiité' in atoran-atoran ing kayo'baan anio'? Tanumai,

Ibrani 10:10

Ampa'paan ing kasalé'an i Amang Kasuruan tanu siitu, kita line'naso torona ing kauré-uré an tutuw i Yesus Kristus rumagés in owak-Na wayake' i makasa.

1 Petrus 2:24

Sia in esa imuléngo ing kamesé-meséaanta an owak-Na, an tutuw-Na imaté ang kayu salip. Wo in taniitu kita icawekar asi kawasa ing kamesé-meséaan, wo menonou e méma' ing kasalé'an i Amang Kasuruan. Sé péla-péla'-Na ituo e iméma' icita masama'.

Wahyu 19:7

Mayo kita maaru-arui wo masalé-salé', wo rumayo wo sumiri' Sia! Ampa'paan eng kawéngan i Toyaang i Domba an endonao, wo si pengantén wéwéné ka'i tu'tulo.

Wahyu 21:9

Kekawus in itu, mai si esaan asé pitu malaékat si makatimboi im pitu paelepan si mawuta-wuta im pitu kawangkuran sosomoi. Icuana a yaku, “Mayoo am bia'i, ituru'ku oka ai co si pengantén wéwéné, penanaan i Toyaang i Domba.”