Roma 7:25 - En Taar Weru a nunuwu' é Tontemboan

²⁵ Makapulu'sama' a si Amang Kasuruan ampa'paan Siao en lumowir yaku ampa'paano i Yesus Kristus Apo'ta. Anaé tana'i, en atéku masalé' kumiit in ukum i Amang Kasuruan, taan en owakku pakakawasané' ing kamesé-meséaan.

Roma 7:25 ပူးပေါင်းရင်းမြစ်များ

Matius 1:21

Sia makéré oka esa toyaang tuama wo ngarananmu si toyaang itu ‘Yesus’, ampa'paan Sia oka en lumowir sé tou-Na ang kamesé-meséaan éra.”

Roma 6:14

Anaé, kamu ra'io toro pakakawasané' ing kamesé-meséaan, ampa'paan kamu ra'io menonou makiit in ukum Torat, taan kamu menonou asi upus aitambér i Amang Kasuruan.

Roma 6:17

Anaé, makapulu'sama' a si Amang Kasuruan! Ampa'paan indior kamu ata ing kamesé-meséaan, taan intarépé' kamu icumiito ang karapi in lekep en até an sususuien sé aisusuio ai camu.

Roma 8:2

Ampa'paan kita sé meesao ang karapi Kristus Yesus, tumerima i Roh i Amang Kasuruan si méé mai ing katouan weru ai cita. Wo kawasa a si Roh i Amang Kasuruan itu, mekar icita asi kawasa ing kamesé-meséaan si makawali icita am papaté.

1 Korintus 15:57

Taan makapulu'sama' a si Amang Kasuruan, ampa'paan niéma'-Na mai kita imuntung sumundur im papaté ampa'paano i Apo'ta, Yesus Kristus.

2 Korintus 9:15

Mayoo kita kumua i makapulu'sama' a si Amang Kasuruan ampa'paan ra'io icakua en aiwéé-Na itu.

Efesus 5:20

Mengua-nguao mangé i makapulu'sama' am baya-waya a si Amang Kasuruan, Amangta, ang karapi i ngaran i Yesus Kristus Apo'ta.

Filipi 3:3

Taan icitao sé tou wutu-wutul sinunat, ra'ica iséra. Ampa'paan icitao sé tou mengaapo' a si Amang Kasuruan si pakaakinen i Roh-Na, wo mengatirayo ampa'paan meesa wo si Kristus Yesus, wo ra'ica mengamangén a si sapa sé kaséréan tanumai atoran in sunat.

Filipi 4:6

Tioo maindé-indé' andumoro' in sapa-sapake' mangé, taan icuao mangé eng kasalé'anmu an sombayangmu a si Amang Kasuruan am pakasa ing kaadaan wo mekiupus ang karapi ing kumua makapulu'sama' ai Sia.

Kolose 3:17

Wo sapake' mangé en émaan iow kuma'pa icua miow, émaano mangé waya en itu kumiit ing kasalé'an i Apo' Yesus, ang karapi i makua makapulu'sama' a si Amang Kasuruan, Amangta, ampa'paano i Yesus Kristus.

1 Petrus 2:5

Kamu ka'i tanu im batu menonou itu. Ampa'paan in ituo iwééo mio' en owak iow pakén i Amang Kasuruan e mamuali paento'an-Na. Wo in taniitu kamu imamualio imam-imam le'nas e rumagés ing katouan iow a si Amang Kasuruan. Wo e raragés aiwéé miow itu tinerima-Na ampa'paano sé niéma' i Yesus Kristus ai cita im baya.

1 Petrus 2:9

Taan kamu anio' bangsa sé sinisiro i Amang Kasuruan, imam sé maselewir a si Amang Kasuruan si Colanota, bangsa sé line'nas-Nao wo ka'i mamuali anu-Na. Kamu im baya imamuali tanu siitu wosama' ro'na ipakua-kua miow a sé tou andumoro' sé kakaya'kaan sé niéma'o i Amang Kasuruan. Siao en tumowa icamu kumesot ang kariréimbengan wo muntep asi sendot-Na wangko'.