Roma 7:24 - En Taar Weru a nunuwu' é Tontemboan

²⁴ Oré wéta' aku anio'! Si séi e ro'na lumowir yaku ang kawasa ing kamesé-meséaan anio' si makawali yaku am papaté?

Roma 7:24 ပူးပေါင်းရင်းမြစ်များ

Matius 5:4

Pakakamangen sé tou mala'lu-la'lu, ampa'paan séra itu iboren oka.

Matius 5:6

Pakakamangen sé tou maarem wo maré'om ing kasalé'an i Amang Kasuruan, ampa'paan séra aruien oka.

Lukas 4:18

“E Roh i Amang Kasuruan a Yakuo ampa'paan Aku sinisir-Nao eng kumua in Abar Kaaruien a sé tou lengéi, wo Yaku ka'i ayutuso i Amang Kasuruan eng kumua a sé tou tana'i: sé tou ayuntep am bui iwekar-Na oka, sé tou wola émaan-Na oka ro'na maséré, sé tou paoko-okoien émaan-Na oka icawekar,

Roma 6:6

Kailekanta, sapaoka em perita uré imatéo mewali-wali wo si Kristus ang kayu salip, wosama' en owakta ra'io pakakawasan ing kamesé-meséaan. Wo in taniitu kita ra'io mamuali ata ing kamesé-meséaan.

Roma 8:13

Ampa'paan, sa kamu menonou mengakiit ing kasalé'an in owak in esa, kamu makéré oka ukuman icatané a si Amang Kasuruan akar ing kauré-uré. Taan sa yento' miow mengéma-ngéma' ing kasalé'an in owak maké ing kawasa i Roh-Na, kamu menonou oka ang karapi-Na akar ing kauré-uré.

Roma 8:2

Ampa'paan kita sé meesao ang karapi Kristus Yesus, tumerima i Roh i Amang Kasuruan si méé mai ing katouan weru ai cita. Wo kawasa a si Roh i Amang Kasuruan itu, mekar icita asi kawasa ing kamesé-meséaan si makawali icita am papaté.

Roma 8:23

Wo ra'ica sé niéma' i Amang Kasuruan ituke' sé mangimbulu, icita in esa ka'i mangimbulu an untep in atéta. En ulitna kita sé tumerimao i Roh Le'nas si wéwéé kataré-taré i Amang Kasuruan. Taan intarépé' kita mangento-ngento'pé' in oras i Amang Kasuruan imekar icita ang kawasa ing kamesé-meséaan wo ing kawenduan wo mai mangkai icita mamuali toya-toyaang-Na.

Roma 8:26

Taniitu ka'i kita, kita tawangen i Roh i Amang Kasuruan an tutuw kita ra'ica keter. Ampa'paan ra'ica kailekanta tumambisa en ulitna kita masombayang. Taan e Roh itu in esa masombayang a si Amang Kasuruan torona icita, ang karapi imangimbulu sé ra'- ica icaroma' i nunuwu' é tou.

Kolose 2:11

Wo kamu sé meesao wo si Kristus, kamu itu tanu sinunato. Wo en sunat itu ra'ica sunat e niéma' é tou, taan en sunat si niéma' i Kristus, ampa'paan em peri ing kamesé-meséaan an owak iow pinokolo i Kristus.

2 Timotius 4:18

Iwekar-Na oka ka'i aku asé tou sé mawasa-wasa in léwo' e méma' yaku icawangkur. Lowiren-Na oka ka'i aku akar muntep an sorga, asi tampa Sia Makakawasa tanu Kolano. Siao em patus iparayo-rayo wo pasiri-siriin akar ing kauré-uré! Ulit.

Titus 2:14

Aiwéé-Nao en owak-Na mamuali raragés en tumu'bus waya ing kaléwo-léwo'anta wo émaan-Na kita mamuali tou-Na le'nas wo re'dem mengaéma' in loor.

Ibrani 2:15

Wo in taniitu sé tou iwekar-Na ang kaindé'an im papaté. Ampa'paan indior sé tou pakakawasan ing kaindé'an im papaté ang kauré éra menonou.

Wahyu 21:4

Wo pisin-Na oka waya en dano im beren éra, wo ra'io wana ka'i em papaté. Ra'io wana ka'i e mala'lu kuma'pa e maamé' kuma'pa eng kawenduan, ampa'paan am baya-waya sé uré itu lumangkoio.”