Roma 7:22 - En Taar Weru a nunuwu' é Tontemboan

²² An untep in atéku, icasalé'ku keli méma' in ukum i Amang Kasuruan,

Roma 7:22 ပူးပေါင်းရင်းမြစ်များ

Yohanes 4:34

Icua i Yesus ai séra, “Eng kakanen-Ku mengaéma' ing kasalé'an i Amang Kasuruan si mutusai Aku wo lumekep in tawoien si aiwéé-Na a Yaku.

Roma 2:29

Taan sé wutu-wutul patuulen tou Yahudi, sé tou imamualio Yahudi an untep in aténa. Wo sé wutu-wutul patuulen sunat, ra'ica ampa'paan sinunato kumiit in atoran sé aipatic an ukum Torat, taan ampa'paan en até éra rinobao i Roh i Amang Kasuruan. Sé tou tanu siitu makéré oka i rarayo asi Amang Kasuruan ra'ica a sé tou owo.

Roma 8:7

Wo sé tou pakakawasané' ing kasalé'an in owak in esa, séra menséké'an wo si Amang Kasuruan, ampa'paan séra ra'ica le'tek an ukum i Amang Kasuruan. En ulitna en ukum itu ra'ica kaémaan éra.

2 Korintus 4:16

Ampa'paan in ituo kami ra'ica mateké' en até. Mandé ka'i en owak ami makauré makalembi, taan e roh ami susur in endo pemeru-merun wo makaketerke'.

Efesus 3:16

Pekiupusenku a si Amang Kasuruan si parayo-rayo wo pasiri-siriin itu, wosama' en até miow wutu-wutul keteren-Na ang karapi ing kawasa i Roh-Na,

Kolose 3:9

Tioo kamu mengatowo a si esa wo si esa, ampa'paan eng katouan uré wo em peri uré itu aitela'uo miow.

Ibrani 8:10

Taan intarépé', si anioo em perjanjian si émaan-Ku oka ang karapi é tou Israel, asé endo mengangai sa. Iweta'-Ku oka en ukum-ukum-Ku a ngaas éra, wo ipatic-Ku oka en itu an untep in até éra. Yaku mamuali oka Amang Kasuruan éra, wo séra mamuali oka tou-Ku.

1 Petrus 3:4

Taan sa kamu masalé' uli-ulit kaséréan pasung, eng kapasungan iow itu musti kumesot an untep in até owo, tanumai: makaperi ko'kos en até wo elur. Siituo eng kapasungan akar ing kauré-uré wo sosor em bééna an dior i Amang Kasuruan.