Roma 7:18 - En Taar Weru a nunuwu' é Tontemboan

¹⁸ Kailekanku ra'ica wana sé loor an owakku, iciit ing katouanku in tou. An owakku awéan eng kasalé'an e méma' sé loor, taan en itu ra'ica kawooanku iméma'.

Roma 7:18 ပူးပေါင်းရင်းမြစ်များ

Matius 15:19

Ampa'paan an até owo lumembo mai waya em bewerot léwo', mengapaté tou, mengasina, mengacabul, mengarombit, mengasairi in towo wo mengaojat.

Lukas 11:13

Anaé, sa kamu sé léwo' makailek mawéé sé loor a sé toyaang iow, wopé'taré si Amang iow an sorga! Iwéé-Na oka mai e Roh Le'nas a sé tou sé imangilek ai Sia.”

Yohanes 3:6

En owakta anio' tumou asi matu'ata, taan e rohta itumou asi Roh i Amang Kasuruan owo.

Roma 13:14

Taan aweso taré kita menonou meputé im peri sé aituru' i Apo' Yesus Kristus. Wo ra'io toro makiit im peri é tou sé maéma' ing kamesé-meséaan e marui ing kasalé'an in owakna in esa.

Roma 7:15

Ampa'paan yaku in esa ra'ica makailek sapa em pengaémaanku. Sé icasalé'ku woo émaan, en itu ra'ica pengaémaanku; taan sé icasuutku woo émaan, siitu taré sé pengaémaanku.

Roma 7:19

Ra'ica pengaémaanku sé loor sé icasalé'ku émaan; taan aku mengaéma'ke' sé léwo', sé ra'ica kiimku émaan.

Roma 7:25

Makapulu'sama' a si Amang Kasuruan ampa'paan Siao en lumowir yaku ampa'paano i Yesus Kristus Apo'ta. Anaé tana'i, en atéku masalé' kumiit in ukum i Amang Kasuruan, taan en owakku pakakawasané' ing kamesé-meséaan.

Roma 7:5

Ampa'paan, indior kita menonoué' makiit ing kasalé'anta sé léwo'. An tutuw itu kita pakakawasané' ing kasalé'an léwo' itu, wo kailekanta en itu suméa' ampa'paan aipatic an ukum Torat, taan eng kasalé-salé'an itu tatap matawoi an owakta akar kita méma' ing kamesé-meséaan si makawali cita am papaté.

Galatia 5:17

Ampa'paan eng kasalé'an léwo' an owak tatapke' mensunduran wo ing kasalé'an i Roh Le'nas. Wo eng kasalé'an i Roh Le'nas mensunduran wo ing kasalé'an léwo' an owak. Sé rua itu mensali'si'anke', akar ra'ica kaémaan iow in andumoro' sé loor sé wutu-wutul icasalé' miow émaan.

Galatia 5:24

Si séike' sia si mamualio tou i Kristus Yesus, pinaténao em peri-perina sé ra'ica loor wo pakasa ing kasalé'an in owakna ang kayu salip.

Filipi 2:13

Kamu ro'na menonou tanu siitu ampa'paan si Amang Kasuruan in esao si matawoi an até miow, akar kamu ro'na menonou kiit ing kasalé'an-Na wo ro'na imaéma' sé icasalé'-Na.

Filipi 3:12

Yaku ra'ica kumua sapaoka eng katouanku mamualio kaputé ing katouan i Kristus Yesus kuma'pa eng katouanku makakii-kiito. Taan aku tatap rumaméji wosama' aku ro'na menonou kaputé ing katouan-Na ampa'paan yaku sinisir-Nao mamuali anu-Na.

Titus 3:3

Kailekanmu é Titus, indior kita ra'ipé' makailek sapa-sapa. Ampa'paan in itu kita ra'ica le'tek a si Amang Kasuruan, icasélé'kow wo kinatawéranke' mengaéma' in léwo', kita mamuali ata ing kasalé'an ing kayo'baan si asalo maarui in owak in esa, kita menonou mengéma-ngéma'ke' in léwo', kokanat a sé tou walina, bengis, mengkasuutan asi esa wo sé walina.

1 Petrus 4:2

Anaé, eng kauré kamu menonou ang kayo'baan anio', pakéno en témpo si matela'u itu e méma' ing kasalé'an i Amang Kasuruan, ra'ica méma' ing kasalé'an é tou.