Roma 7:14 - En Taar Weru a nunuwu' é Tontemboan

¹⁴ Kailekanta sapaoka en ukum Torat itu asi Roh i Amang Kasuruan owo, taan aku anio' tou makiité' ing kasalé'an in owakku in esa. Yaku mamualio ata ing kamesé-meséaan.

Roma 7:14 ပူးပေါင်းရင်းမြစ်များ

Matius 16:23

Wo si Yesus suméléng wo kumua a si Petrus, “Tumayango ko é sétang! Icoo si esaan watu masangkil Yaku, ampa'paan ico ra'ica mawerot in sapa em paweroten i Amang Kasuruan, taan sapa em paweroten é tou.”

Matius 18:25

Taan ampa'paan si ata itu ra'io makawoo mér in utangna wo iru'du' i colano sé touna e mangkér si ata itu, ang karapi sé toyaang wo si penanaanna wo pakasa sé anuna wosama' en utangna itu ro'na kawéranna.

Matius 5:22

Taan icua-Ku ai camu, si séi si mae'bow a si poowna musti ukumen. Wo si séi e mengawa'ba' si poowna, musti isaru' an dior é Mahkamah Agama. Wo si séi ka'i e makua si poowna bodok, sia patus itiya' an api ra'ica mape'de-pe'del.

Matius 5:28

Taan icua-Ku ai camu, sa awéan tuama suméré si wéwéné wo icasalé'nao, si tuama itu mabersinao wo si wéwéné itu an untep in até.

Lukas 5:8

An tutuw i Simon Petrus suméré in itu, sia kumundu an dior i Yesus wo kumua, “Tuang, itela'uo mai aku ampa'paan yaku anio' tou kelian kamesé-meséaan.”

Lukas 7:6

Wo si Yesus mangé mewali-wali wo iséra. An tutuw Sia tawio icateka' am balé i kikiiten itu wo iru'du' na itu sé kara-karapina mangé a si Yesus, icua i perwira itu, icuao mio' in tana'i, “Tuang, nomoo makepé-kepé mai am baléku ampa'paan pawerotenku ra'ica patus aku tumerima si Tuang am baléku.

Roma 3:9

Anaé tana'i, kailekanta sapaoka kita tou Yahudi ra'ica wana eng kalébéan sa ipeputé wo sé tou walina. Ampa'paan tarépé' kita tumuduo sé tou Yahudi wo ka'i sé tou ra'ica Yahudi, sapaoka séra im baya kinawasao ing kamesé-meséaan.

Roma 6:6

Kailekanta, sapaoka em perita uré imatéo mewali-wali wo si Kristus ang kayu salip, wosama' en owakta ra'io pakakawasan ing kamesé-meséaan. Wo in taniitu kita ra'io mamuali ata ing kamesé-meséaan.

Roma 7:18

Kailekanku ra'ica wana sé loor an owakku, iciit ing katouanku in tou. An owakku awéan eng kasalé'an e méma' sé loor, taan en itu ra'ica kawooanku iméma'.

Galatia 4:3

Taniitu ka'i mai wo icita: An tutuw kita ra'ipé' makatuus si Kristus, kita pakaatané' é roh sé makakawasa ing kayo'baan anio'.

Efesus 3:8

An uner im pakasa é tou le'nas, yakuo si wawa' keli, taan ampa'paan in upus aitambérai itu, yaku sinisiro eng kumua a sé tou ra'ica Yahudi andumoro' ing kawangko' i Kristus si ra'io ka'i cakua,

Ibrani 4:12

En Taar i Amang Kasuruan itu menonou wo makakawasa. Wo en Taar itu ilumébé mai ing katelew in sa'bel rua telewa, ro'na tumopok rarem keli akar tumané i mu'kur wo e roh, wunak wo wuku-wuku in du'i, wo ro'na kailekan-Na waya sé an untep im bewerot wo im paaté-atén é tou.