Roma 7:11 - En Taar Weru a nunuwu' é Tontemboan

¹¹ Ampa'paan en ukum Torat itu pinaké ing kamesé-meséaan e muwak yaku wo makawali yaku am papaté.

Roma 7:11 ပူးပေါင်းရင်းမြစ်များ

Roma 3:20

Ampa'paan ra'ica wana tou mandé esake' sé nianggap wutul an dior i Amang Kasuruan ampa'paan mengaéma' in ukum Torat. Taan, ampa'paano taré in ukum Torat ituo sé tou makailek ing kamesé-meséaan.

Roma 7:13

Sa taniitu, en atoran loor itu réén e makawali yaku am papaté? Tantu ra'ica! Taan eng kamesé-meséaano e makawali mai im papaté itu. Wo sé loor itu pinaké ing kamesé-meséaan e makawali yaku am papaté, wosama' kaséré-séréan eng kawasa ing kamesé-meséaan itu léwo' keli. Anaé, ampa'paano in atoran-atoran itu, uli-ulit tumuru'o sapaoka sé kamesé-meséaan itu léwo' keli.

Roma 7:8

Taan an tutuw kinailekankuo en atoran itu, eng kamesé-meséaan awéan témpo en tumou ing kasalé-salé'an léwo' sé membalinaan an owakku. Ampa'paan sa ra'ica wana en ukum Torat en tumuru' ing kamesé-meséaanku, eng kamesé-meséaan itu ra'ica wana kawasa an owakku.

Efesus 4:22

Ampa'paan in ituo tela'uo mio' em peri ing katouan uré. Eng katouan uré tanu siitu ra'ica loor, ampa'paan makiitke' ing kasalé'an in owak sé ra'ica wutul si mengasélé'kow icamu wo luméwo' ing katouan iow.

Ibrani 3:13

Taan aweso taré kamu mensin-sina'uan angé susur in endo, ang kauré ro'napé' patuulen ‘endo anio'’. Wo in taniitu ra'ica wana ai camu eng kumeté oka in até ampa'paan kinauwakan ing kamesé-meséaanna.

Yakobus 1:22

Tioo kamu asaloke' mengalinga in Taar i Casuruan, taan musti pengaémaan iow. Sa en Taar itu ra'ica pengaémaan iow, en itu meputéke' kamu imuwako in owak iow in esa.

Yakobus 1:26

Sa si tou maanggap sia maapo' makiit ing kasalé'an i Casuruan, taan sia ra'ica matéir im ba'ba'na, sia itu imuwako in owakna in esa. Em pakaapo'na itu ra'ica wana torona.