Roma 7:10 - En Taar Weru a nunuwu' é Tontemboan

¹⁰ wo eng kasiwakana aku maté. En ulitna, en ukum Torat musti makawali ang katouan, taan eng kasiwakana makawalike' taré am papaté.

Roma 7:10 ပူးပေါင်းရင်းမြစ်များ

Roma 10:5

Indior aipatico i Musa in andumoro' é tou sé nianggap wutul ampa'paan mengakiit in ukum Torat tana'i: “Sé tou le'tek mengaéma' in ukum Torat, séra menonou oka akar ing kauré-uré ampa'paan in ukum Torat itu.”

Roma 4:15

En ukum Torat itu makawalike' sé tou in ukumen i Amang Kasuruan, ampa'paan ra'ica kawooan éra méma' in itu. Taan sa woo en ukum Torat ra'ica iwéé i Amang Kasuruan, ra'ica wana tou e mengaéma' ing kameséaan.

Roma 7:9

Indior, an tutuwku ra'ipé' makailek in ukum Torat, pawerotenku aku menonou ang karapi in loor. Taan an tutuw kinailekankuo en ukum Torat, eng kamesé-meséaan tumo'tolo menonou an owakku,

2 Korintus 3:7

An tutuw em perjanjian uré si makawali am papaté itu aipatic am batu maké im pupulat, en sendot i Amang Kasuruan menéla-nélang an amo i Musa. En télangna itu masendot keli wo kala'meren oka mai akar sé tou Israel ra'ica makawoo suméré in amo i Musa, mandé ka'i en sendot an amona itu meka'pu-ka'puo en télangna. Anaé, sa en perjanjian uré si makawali am papaté itu nisahkan ang karapi in sendot tuméla-télang an amo i Musa,

Galatia 3:12

Taan en ukum Torat ra'ica mengatuur am paémanen, taan mengatuur am pengaémaan asé im pakasa in atoran ang karapi i makakii-kiit. Si Amang Kasuruan icumua in tana'i, “Si tou mengaéma' in ukum Torat menonou oka ampa'paan mengaéma' in ukum Torat.”