Roma 7:1 - En Taar Weru a nunuwu' é Tontemboan

¹ Poo-poowku! Kamu im baya makaileko in ukum. Anaé, tantu kailekan iow sapaoka en ukum itu kumawasa a si esa tou ang kauré i tou itu menonoué'.

Roma 7:1 ပူးပေါင်းရင်းမြစ်များ

Roma 1:13

Poo-poow esa paémanen, icasalé'ku wosama' kailekan iow sapaoka aku mawasa-wasao woo masalé' maangé meta'up wo icamu, taan akar intarépé' awéané' en sumépe'd. Icasalé'ku, wosama' en tawoienku an uner iow ka'i awéan wuéna, tanu en tawoienku an uner é tou ra'ica Yahudi an tampa walina awéano wuéna.

Roma 10:1

Poo-poow an esa paémanen, icasalé'ku keli sé poo-poowku tou Israel lowiren, wo uli-ulit aku masombayang a si Amang Kasuruan torona éra.

Roma 10:4

Wo en ukum Torat linekepo i Kristus. Anaé, sa sé tou maéman ai Sia, séra nianggap wutul i Amang Kasuruan.

Roma 6:14

Anaé, kamu ra'io toro pakakawasané' ing kamesé-meséaan, ampa'paan kamu ra'io menonou makiit in ukum Torat, taan kamu menonou asi upus aitambér i Amang Kasuruan.

Roma 6:3

Tantu kailekan iow sapaoka an tutuw kita nibaptis, kita pineesao wo si Kristus Yesus. Eng kaangéan in itu, kita pineesao ang karapi im papaté-Na.

Roma 7:6

Taan intarépé' kita aiwekaro asi atoran in ukum Torat, ampa'paan kita imatéo mewali-wali wo si Kristus akar kita ra'io pakakawasan in ukum si cumawasa icita indior. Ampa'paan ituo kita intarépé' sumelewir a si Amang Kasuruan ang karapi ing katouan weru si aituru' i Roh Le'nas, ra'ica ang karapi ing katouan uré kiit in aipatic an ukum Torat.

Roma 9:3

Séra itu poo-poowku kaputé wo yaku. Yaku in esa tu'tulo ing kutuken i Amang Kasuruan wo ipetané asi Kristus sa en itu ro'na méma' sé tou Israel itu malowir an ukuman ing kamesé-meséaan.

1 Korintus 9:8

Sé aicuaku itu, ra'ica asalo kumiit im pakawerot é tou, taan aisusui ang Kitap Le'nas ka'i tanu siitu.

Galatia 4:21

Éi kamu sé masalé' menonou makiit in ukum Torat, ra'ica réén kaangéan iow sapa sé aipatic ang Kitap Le'nas itu?