Roma 6:22 - En Taar Weru a nunuwu' é Tontemboan

²² Taan intarépé' kamu aicawekaro ang kamesé-meséaan wo imamualio ata i Amang Kasuruan. Akar kamu makéré im buéna i menonou le'nas torona i Amang Kasuruan wo eng kasiwakana kamu makéré oka ing katouan akar ing kauré-uré.

Roma 6:22 ပူးပေါင်းရင်းမြစ်များ

Matius 13:40

Anaé, kaputé ing kuung itu niumung wo tunun an api, taniituo ka'i e mamuali asi endo kaka'puan ing kayo'baan.

Matius 13:43

Asi témpo itu sé tou wutul sumendot oka tanu si yéndo ang Kakolanoan i Amang éra. Si séi e makalunteng, lumingao sumama-sama'.”

Matius 19:29

Wo si tou itumela'- uo im baléna, sé metuari wo isia tuama kuma'pa wéwéné, si amangna kuma'pa si inangna, kuma'pa sé toyaangna kuma'pa umana ampa'paano ing kumiit Yaku, terimanna oka waya en iitu sangaatus lumepet wo makéré oka ing katouan akar ing kauré-uré.

Matius 25:46

Sé tou léwo' anio' ukumen oka an tampa in okoien akar ing kauré-uré, taan sé tou nianggap wutul i Amang Kasuruan makéré oka ing katouan akar ing kauré-uré.’ ”

Yohanes 15:16

Ra'ica icamu en isumisir Yaku, taan Yakuo en isumisir icamu mamuali murit-Ku. Kamu winéan-Kuo tawoien, wosama' kamu mangé wo méé wua'na kumeli-keli sé ra'ica maka'pu. Anaé, sapake' em pangileken iow a si Amang-Ku a ngaran-Ku, en itu iwéé-Na oka ai camu.

Yohanes 15:2

Pakasa em pangana sé a Yaku sé ra'ica mengawua' pokolen-Na, wo pakasa em pangana sé a Yaku sé mengawua' weresin-Na wosama' em bua'na makaawes eng kakeli.

Yohanes 4:36

Sé tou mengaupu' mato'tolo tumerima in laasana. Séra maumung im bua'na, siituo sé tou sé maémano wo makéré ing katouan akar ing kauré-uré. Anaé, sé tou muras wo sé maupu' mewali-wali maarui.

Yohanes 8:32

wo kakailekan oka miow en sususuien wutul, wo en sususuien wutul itu e iméma' icamu anio' ra'io ka'i ang kakawasaan tanu ata.”

Roma 6:14

Anaé, kamu ra'io toro pakakawasané' ing kamesé-meséaan, ampa'paan kamu ra'io menonou makiit in ukum Torat, taan kamu menonou asi upus aitambér i Amang Kasuruan.

Roma 6:18

Kamu ka'i aiwekaro ang kawasa ing kamesé-meséaan wo intarépé' kamu mamualio ata sé mengaéma' im butul.

Roma 6:21

An tutuw itu sapa em buéna kinéréan iow? Tantu ra'ica wana! Kamu intarépé' malawi' mawerot in itu. Ampa'paan pakasa en itu asalo makawali am papaté.

Roma 7:25

Makapulu'sama' a si Amang Kasuruan ampa'paan Siao en lumowir yaku ampa'paano i Yesus Kristus Apo'ta. Anaé tana'i, en atéku masalé' kumiit in ukum i Amang Kasuruan, taan en owakku pakakawasané' ing kamesé-meséaan.

Roma 7:4

Taniitu ka'i kamu, é poo-poowku. Indior kamu kinawasa in ukum Torat. Taan intarépé' kamu tanu imatéo mewali-wali wo in owak i Kristus akar kamu aicawekaro an ukum Torat. Wo kamu mamualio anu i Kristus si tinou sumawel an uner é tou imaté wosama' eng katouanta awéan torona a si Amang Kasuruan.

Roma 8:2

Ampa'paan kita sé meesao ang karapi Kristus Yesus, tumerima i Roh i Amang Kasuruan si méé mai ing katouan weru ai cita. Wo kawasa a si Roh i Amang Kasuruan itu, mekar icita asi kawasa ing kamesé-meséaan si makawali icita am papaté.

1 Korintus 7:22

Ampa'paan si esa ata si tinowao eng kumiit si Casuruan, mandé sia itu atapé' taan sia meputé wo si tou ra'ica pakakawasan é tou walina an dior i Casuruan. Taniitu ka'i si tou ra'ica pakakawasan é tou walina si tinowao i Kristus, sia itu meputéo ata i Kristus.

2 Korintus 3:17

Si Casuruan ituo e Roh. Wo am bisa en awéan Roh i Casuruan, am bitu ka'i awéan kaloasan.

Galatia 1:10

Tioo mengawerot sa aku rumaméji marui in até é tou. Yaku rumaméji marui in até i Amang Kasuruan. Sa aku asaloke' rumaméji marui in até é tou, yaku anio' ra'ica ata i Kristus.

Galatia 5:13

Poo-poow, kamu tinowao i Amang Kasuruan mamuali tou sé ra'io ka'i pakakawasan in ukum Torat. Taan tioo pakén iow eng kaloasan itu imamuali alasan i menonou ang kamesé-meséaan. Taan aweso taré kamu si esa wo sé walina mensen-selewirano mangé ang karapi in upus.

Galatia 5:22

Taan sé tou pakaakinen i Roh Le'nas, wuéna ing katouanna tanu sé anio': awéan upus, kaaruian, kaeluran, katalesenan, kasamaan in até, kalooran, kale'tekkan,

Efesus 5:9

ampa'paan sa kamu menonou an sendot em pengaémaan iow asalo andumoro' sé loor, sé ra'ica marapit wo sé wutul.

Filipi 1:11

Isombayangku ka'i wosama' pengéma-ngémaan iow sé nianggap wutul i Amang Kasuruan ampa'paan si Yesus Kristus imatawoi ang katouan iow. Wo in taniitu si Amang Kasuruan oka si parayo wo pasiriin.

Filipi 4:17

Icuaku en itu ai camu ra'ica ampa'paan yaku maarap ka'i im patawang iow. Taan en icasalé'ku, kamu tumerima ing kamang lumepe-lepet asi Casuruan ampa'paan kamu sumuuno ing kasiyaan an sorga.

Kolose 1:10

Wo in taniitu kamu patus menonou an dior-Na wo maarui in até-Na am baya-waya wo ro'na méé im buéna loor am pakasa im pengaémaan wo makaawes makatuus si Amang Kasuruan.

Kolose 4:12

Si Epafras méé ka'i mai in siri' ai camu. Sia esaan an jamaat iow wo ata i Yesus Kristus. Kamu penomba-nombayangna wosama' em paémanen iow a si Kristus Yesus makaenté-enté' tanu tou wangkoo wosama' kamu ka'i wutu-wutul makailek sapa waya sé icasalé' i Amang Kasuruan.

Titus 1:1

En surat anio' a yaku owo, Paulus. Yaku anio' ata i Amang Kasuruan wo ruru'du'an i Yesus Kristus. Yaku ayutus en tumawang sé tou sinisiro i Amang Kasuruan wosama' em paémanen éra makaketer wo ro'na makailek in sususuien wutul. En sususuien itu en tumawang iséra tumambisa menonou mengaapo' a si Amang Kasuruan.

Ibrani 12:14

Rumaméjio menonou meelu-eluran ang karapi é pakasa in tou, wo rumaméji ka'i menonou le'nas. Ampa'paan sa si tou ra'ica menonou le'nas, sia ra'ica suméré si Amang Kasuruan sa.

Yakobus 1:1

Siri' a yaku owo Yakobus, ata i Amang Kasuruan wo i Apo' Yesus Kristus. Aipaticku en surat anio' a sé sangapulu' rua suku Israel am panangkéian sé maémano a si Yesus Kristus.

1 Petrus 1:9

Maaru-aruio mangé kamu ampa'paan en angéan im paémanen iow itu tinerimao miow, siituo eng kalowiran i mu'kur iow an ukuman ing kamesé-meséaan.

1 Petrus 2:16

Kamu anio' tou sé ra'io pakakawasan ing kamesé-meséaan ampa'paan kamu aiwekaro i Amang Kasuruan ang kakawasaan ing kamesé-meséaan, taan tioo pepaké-pakén eng kaloasan itu en tumutuw ing kaléwo-léwo'an iow. Taan menonouo mio' kamu tanuoka ata-Na.

Wahyu 7:13

Wo esaan asé matu'a itu mamuéi a yaku, “Si séi réén séra sé makapaké in juba kulo' itu? Am bisa owo réén séra wo mai?”