Roma 6:21 - En Taar Weru a nunuwu' é Tontemboan

²¹ An tutuw itu sapa em buéna kinéréan iow? Tantu ra'ica wana! Kamu intarépé' malawi' mawerot in itu. Ampa'paan pakasa en itu asalo makawali am papaté.

Roma 6:21 ပူးပေါင်းရင်းမြစ်များ

Roma 1:32

Kailekan éra, sa kumiit in ukum i Amang Kasuruan sé tou mengaéma' in tanu siitu patus ukumen patén. Taan séra mengaéma'ke' taré andumoro' in itu wo ka'i paénan érake' taré sé tou walina sé maéma' in tanu siitu.

Roma 5:12

Eng kamesé-meséaan mai ang kayo'baan anio' ampa'paano i esa tou, siao si Adam wo ampa'paan ing kamesé-meséaan ituo akar awéan em papaté. Eng kasiwakana, em papaté itu sangkumen waya é tou, ampa'paan pakasa en tou iméma'o ing kamesé-meséaan.

Roma 6:16

Tantu kailekan iow, sa kamu imééo in owak a si esa tou e méma' ing kasalé'anna, kamu mamualio ata i tou itu. Taniituo ka'i sa kamu kumiit ing kasalé'an ing kamesé-meséaan, kamu mamualio ata ing kamesé-meséaan, eng kasiwakanna kamu tumerima im papaté. Sa kamu le'tek a si Amang Kasuruan, kamu mamuali ata-Na wo nianggap-Na wutul an dior-Na.

Roma 6:23

Ampa'paan em buéna i mengéma-ngéma' ing kamesé-meséaan, makéré oka ukuman icatané a si Amang Kasuruan akar ing kauré-uré. Taan eng kamang aitambér i Amang Kasuruan, siituo eng katouan akar ing kauré-uré. Wo eng kamang aitambér-Na itu tinerimata ampa'paan si Kristus Yesus, Apo'ta.

Roma 7:5

Ampa'paan, indior kita menonoué' makiit ing kasalé'anta sé léwo'. An tutuw itu kita pakakawasané' ing kasalé'an léwo' itu, wo kailekanta en itu suméa' ampa'paan aipatic an ukum Torat, taan eng kasalé-salé'an itu tatap matawoi an owakta akar kita méma' ing kamesé-meséaan si makawali cita am papaté.

Roma 8:13

Ampa'paan, sa kamu menonou mengakiit ing kasalé'an in owak in esa, kamu makéré oka ukuman icatané a si Amang Kasuruan akar ing kauré-uré. Taan sa yento' miow mengéma-ngéma' ing kasalé'an in owak maké ing kawasa i Roh-Na, kamu menonou oka ang karapi-Na akar ing kauré-uré.

Roma 8:6

Sa em pakawerot é tou pakakawasané' ing kasalé'an in owak in esa, eng kasiwakana makéré im papaté. Taan sa em pakawerot é tou pakakawasan i Roh i Amang Kasuruan, eng kasiwakana makéré oka ing katouan wo ing kaeluran.

2 Korintus 4:2

Ra'ica kiim ami iméma' in tawoien anio' maké ing kanaramen sé ipaene-enep wo sé kalawiin. Wo ra'ica kiim ami matawoi ang karapi imauwak wo mengasélé'kow in Taar i Amang Kasuruan. Taan sé ipakua ami andumoro' sé wutul an dior i Casuruan, wo in taniitu icami maarap wosama' pakasa in tou numilai sumama-sama' ai cami an dior i Amang Kasuruan iciit in até weresi éra.

2 Korintus 7:11

Anaé, intarépé' séréno sapa sé imamuali ai camu ampa'paano ing kawenduan si casalé' i Amang Kasuruan itu. En itu, iméma' icamu lébé mauli-ulit kumiit ing kasalé'an i Amang Kasuruan; wo kamu rumaméji méé tuus sapaoka kamu ra'ica meséa'; kamu masuut wo maindé' mengaéma' ing kamesé-meséaan; kamu lébé lumelo wo makaincaya' méma' sapa sé loor wo ra'ica marapit ; wo kamu méé ukuman a sé tou meséa'. Anaé, kamu itumuru'o in tuus, kamu ra'ica meséa' am pakasa in itu.

Filipi 3:19

Sé tou menonou tanu siitu ukumen oka i Amang Kasuruan akar ing kauré-uré. Séra menonou asaloke' makiit ing kasalé'an in owak éra in esa. Séra tirayo mengaéma' in sapa sé kalawiin. Séra mawerotke' andumoro' sé ang kayo'baan anio'.

Ibrani 10:29

Anaé, ro'nao kawerotanta tambisa eng kauter in ukuman a sé tou sé maepes im beren asi Toyaang i Amang Kasuruan wo maanggap ra'ica wana wééna en enda' perjanjian si ro'na meresi ing kamesé-meséaan éra, wo sé mengaroros i Roh e mawéé in upus tatambér ai cita.

Ibrani 6:8

Taan, sa en tana' itu asalo pengatowan ing kuung wo rukut tutunéan, en tana' itu ra'ica wana torona. Wo en tana' itu matawio icutuk i Amang Kasuruan, ang kasomoianna pakatunu-tunun.

Yakobus 1:15

Wo sa eng kasalé'an itu kiniitannao, sia iméma'o ing kamesé-meséaan. Wo sa eng kamesé-meséaan itu icumawasao isia, eng kasiwakanna sia makéré oka im papaté.

Yakobus 5:20

Ta'néien iow en anio': Si tou e makin sumawel si tou meséa' tumela'u in lalan sélé'kow, niéma'nao e mu'kur i tou itu lowiren oka am papaté wo niéma'nao eng kamesé-meséaan i tou itu niampungan.

1 Petrus 4:17

Ampa'paan intarépé' an témponao pakasa in tou akimen i Amang Kasuruan wo eng kataré akimen-Na, sé tou-Na in esa. Wo sa kita sé tou-Na eng kataré akimen-Na, tambisa réén e mamuali sa a sé tou sé ra'ica maéman in Abar Kaaruien-Na?

1 Yohanes 2:28

Anaé intarépé', toya-toyaangku, menonouo mangé meesa wo si Kristus, wo in taniitu, kita ra'ica oka maindé' wo ra'ica malawi' meta'up wo Sia an tutuw-Na maai sumawel.

Wahyu 16:6

Ampa'paan sé tou le'nas wo ka'i sé nabi pinatéo éra. Winéan-Muo enda' en elepen éra. En ukuman ituo em patus teriman éra.”

Wahyu 20:14

Kekawus in itu, em papaté wo eng kakolanoan im papaté iténdél an untep in ta'sic api. En ta'sic api ituo en tampa ukuman si patuulen papaté karua.