Roma 6:2 - En Taar Weru a nunuwu' é Tontemboan

² Tantu ra'- ica toro! Ampa'paan kita tanu tou imatéo si ra'io pakakawasan ing kamesé-meséaan. Ampa'paan in ituo, kita ra'io menonou mengéma-ngéma' ing kamesé-meséaan.

Roma 6:2 ပူးပေါင်းရင်းမြစ်များ

Lukas 20:16

Sia maai oka wo paténna sé tou matawoi in umana itu wo en umana itu ipapatawoina a sé tou walina.” Kelinga éra in itu wo icua é tou keli itu a si Yesus, “En itu tioo mamuali ai cami!”

Roma 5:11

Wo ra'ica siituke'! Kita ka'i maaru-arui ampa'paan ing kasamaan i Amang Kasuruan si aituru' i Apo'ta Yesus Kristus, akar kita intarépé' menonou meelurano sumawel wo Sia.

Roma 6:15

Anaé, sapa en icuata? Ro'napé' réén kita mengéma-ngéma' ing kamesé-meséaan ampa'paan kita ra'io pakakawasan in ukum Torat wo ampa'paan kita intarépé' menonouo an upus aitambér i Amang Kasuruan? Tantu ra'ica!

Roma 7:4

Taniitu ka'i kamu, é poo-poowku. Indior kamu kinawasa in ukum Torat. Taan intarépé' kamu tanu imatéo mewali-wali wo in owak i Kristus akar kamu aicawekaro an ukum Torat. Wo kamu mamualio anu i Kristus si tinou sumawel an uner é tou imaté wosama' eng katouanta awéan torona a si Amang Kasuruan.

Roma 7:6

Taan intarépé' kita aiwekaro asi atoran in ukum Torat, ampa'paan kita imatéo mewali-wali wo si Kristus akar kita ra'io pakakawasan in ukum si cumawasa icita indior. Ampa'paan ituo kita intarépé' sumelewir a si Amang Kasuruan ang karapi ing katouan weru si aituru' i Roh Le'nas, ra'ica ang karapi ing katouan uré kiit in aipatic an ukum Torat.

Galatia 2:19

Ampa'paan aku tanu si tou imatéo asi ukum Torat wosama' aku menonou torona i Amang Kasuruan. Yaku aisalipo mewali-wali wo si Kristus.

Galatia 6:14

Taan aku wutu-wutul ra'ica masalé' rumayo in sapa-sapake', si casalé'ku irayo asalo papaté i Apo'ta Yesus Kristus ang kayu salip. Ampa'paan tutuw i Yesus imaté ang kayu salip, pakasa sé kasalé'an in owakku sé léwo' imatéo ang kayu salip-Na, wo aku tanu imatéo asé kasalé'anku in léwo'.

Kolose 2:20

Kamu imatéo mewali-wali wo si Kristus, wo aiwekaro ang kawasa é roh ing kayo'baan anio'. Taan kéitu réén kamu imenonoué' tanu sé tou pakakawasan ing kayo'baan anio'? Kéitu réén kamu makiité' in atoran-atoran ing kayo'baan anio'? Tanumai,

Kolose 3:3

Ampa'paan kamu tanu imatéo wo eng katouan iow aicaenep mewali-wali wo si Kristus ang karapi i Amang Kasuruan.

1 Petrus 1:14

Kamu musti le'tek a si Amang Kasuruan meputé si toyaang le'tek a si amangna, wo ra'io toro kawasan ing kasalé'an in owak sé ra'ica wutul sé an owak iow indior an tutuw iow ra'ipé' makatuus si Casuruan.

1 Petrus 2:24

Sia in esa imuléngo ing kamesé-meséaanta an owak-Na, an tutuw-Na imaté ang kayu salip. Wo in taniitu kita icawekar asi kawasa ing kamesé-meséaan, wo menonou e méma' ing kasalé'an i Amang Kasuruan. Sé péla-péla'-Na ituo e iméma' icita masama'.

1 Yohanes 3:9

En tou si mamualio toyaang i Amang Kasuruan, sia itu ra'- io mengéma-ngéma' ing kamesé-meséaan ampa'paan em peri i Amang Kasuruan menonou an owakna. Sia ra'io ka'i mengéma-ngéma' ing kamesé-meséaan, ampa'paan sia imamualio toyaang-Na.