Roma 5:21 - En Taar Weru a nunuwu' é Tontemboan

²¹ Anaé, kita musti maté ampa'paan kita mengaéma' ing kamesé-meséaan. Taan si Amang Kasuruan itumambéro mai in upus-Na ai cita ampa'paano i Yesus Kristus Apo'ta akar kita nianggap wutul i Amang Kasuruan wo makéré ing katouan akar ing kauré-uré.

Roma 5:21 ပူးပေါင်းရင်းမြစ်များ

Matius 25:46

Sé tou léwo' anio' ukumen oka an tampa in okoien akar ing kauré-uré, taan sé tou nianggap wutul i Amang Kasuruan makéré oka ing katouan akar ing kauré-uré.’ ”

Yohanes 1:14

Wo en Taar itu mamualio tou wo Sia mento' an unerta. Wo sinérétao eng kawangko'-Na itu, si tinerima-Nao asi Amang owo ampa'paan Sia Toyaang-Na in Esa-esa. Ampa'paan en Taar si mamualio tou itu, kinailekantao andumoro' in upus aitambér i Amang Kasuruan wo in sususuien wutul-Na.

Yohanes 10:28

Wo iwéé-Ku ai séra eng katouan akar ing kauré-uré, wo séra ra'ica iwaya-Ku maté akar ing kauré-uré. Wo ra'ica ka'i wana esaan tou e ro'na mandét iséra ang kama-Ku.

Roma 4:13

Si Amang Kasuruan jumanjio a si Abraham wo a sé tara-taranakna, sapaoka iwéé-Na oka eng kayo'baan anio' mamuali anu éra. Si Amang Kasuruan jumanji tanu siitu ra'ica ampa'paan si Abraham le'tek mengaéma' in ukum Torat, taan ampa'paan sia maéman a si Amang Kasuruan akar sia nianggap-Na wutul.

Roma 5:12

Eng kamesé-meséaan mai ang kayo'baan anio' ampa'paano i esa tou, siao si Adam wo ampa'paan ing kamesé-meséaan ituo akar awéan em papaté. Eng kasiwakana, em papaté itu sangkumen waya é tou, ampa'paan pakasa en tou iméma'o ing kamesé-meséaan.

Roma 5:14

Mandé in taniitu, pakasa en tou tumo'tolai an jaman i Adam akar an jaman i Musa, kinawasao im papaté. Mandé ka'i sé tou itu ra'ica iméma' ing kamesé-meséaan tanu si niéma' i Adam, séra ka'i kasake' i maté. Si Adam aipeputé wo Sia si maai oka sa, Sia ituo si Kristus.

Roma 5:17

Anaé, ampa'paan ing kamesé-meséaan i esa tou siao si Adam, akar pakasa sé tou patus maté. Taan e niéma' i esa tou Siao si Yesus Kristus, uli-ulit en lébé wangko' mai. Ampa'paano Sia, sé tou tinambéranai i Amang Kasuruan in upus-Na lumepe-lepet wo nianggap-Na wutul an dior-Na. Séra sé maéman a si Yesus Kristus itu, menonou oka akar ing kauré-uré wo kumawasa ing kayo'baan ampa'paano Sia.

Roma 6:12

Anaé, tioo iwaya en owak iow si ro'na maté itu, kawasané' ing kamesé-meséaan, wosama' kamu ra'ica kumiit ing kasalé'an in owak sé léwo'.

Roma 6:14

Anaé, kamu ra'io toro pakakawasané' ing kamesé-meséaan, ampa'paan kamu ra'io menonou makiit in ukum Torat, taan kamu menonou asi upus aitambér i Amang Kasuruan.

Roma 6:16

Tantu kailekan iow, sa kamu imééo in owak a si esa tou e méma' ing kasalé'anna, kamu mamualio ata i tou itu. Taniituo ka'i sa kamu kumiit ing kasalé'an ing kamesé-meséaan, kamu mamualio ata ing kamesé-meséaan, eng kasiwakanna kamu tumerima im papaté. Sa kamu le'tek a si Amang Kasuruan, kamu mamuali ata-Na wo nianggap-Na wutul an dior-Na.

Roma 6:23

Ampa'paan em buéna i mengéma-ngéma' ing kamesé-meséaan, makéré oka ukuman icatané a si Amang Kasuruan akar ing kauré-uré. Taan eng kamang aitambér i Amang Kasuruan, siituo eng katouan akar ing kauré-uré. Wo eng kamang aitambér-Na itu tinerimata ampa'paan si Kristus Yesus, Apo'ta.

Roma 8:10

Taan sa si Kristus an owak iow, mandé ka'i en owak iow maté ampa'paan ing kamesé-meséaan, e roh miow kasake' menonou ampa'paan kamu nianggapo wutul i Amang Kasuruan.

Titus 2:11

Ampa'paan si Amang Kasuruan itumambéro mai in upus-Na en lumowir waya sé tou.

Ibrani 4:16

Ampa'paan in ituo, mayoo kita ang karapi in da'ica wana eng kaindé'an sumaru im palukutan pasiri-siriin i Casuruan si maturu' in upus tatambér. Wo in taniitu, kawisake' kita mapatawang, tantu wéé-Na oka mai eng kaupusan wo tumambérai in upus en itumawang icita.

1 Petrus 5:10

Taan eng kawenduan si pendamen iow itu ra'ica uré. Kekawus in itu, émaan oka i Amang Kasuruan em paémanen iow makaleke-lekep wo émaan-Na oka en até miow makaketer wo émaan-Na ka'i kamu mauli-ulit maéman ai Sia. Ampa'paan Sia itu Amang Kasuruan si palemboian waya ing kamang aitambér wo itumowao icamu maéman a si Kristus, wosama' kamu kumiit mendam i rarayo wo en sisiri'-Na akar ing kauré-uré.

2 Petrus 1:1

En surat anio' a yaku owo, Simon Petrus. Yaku anio' ata wo ruru'du'an i Yesus Kristus. Ipaticku en surat anio' ai camu sé maémano a si Yesus Kristus kaputé ami. Si Yesus Kristus itu Amang Kasuruan wo Lumolowirta. Sia iméma' icamu maéman ampa'paan si pengaémaan-Na wutul wo ra'ica marapit.

1 Yohanes 2:25

Wo si anioo en aijanji-Nao in esa ai cita: kita menonou oka akar ing kauré-uré.