Roma 5:20 - En Taar Weru a nunuwu' é Tontemboan

²⁰ En ukum Torat itu aiwéé mai i Amang Kasuruan a sé tou wo eng kasiwakana eng kamesé-meséaan é tou makaawes eng kakeli ampa'paan séra ra'ica le'tek maéma' in ukum itu. Taan mandé eng kamesé-meséaan makaawes eng kakeli, en upus aitambér i Amang Kasuruan makalepe-lepet eng kakeli.

Roma 5:20 ပူးပေါင်းရင်းမြစ်များ

Matius 20:9

Wo mai sé tou itumawoi tumo'tol asi jam lima im bawaando, en tinerima éra mekélé esa dinar.

Matius 9:13

Anaé, pangéréno eng kaangéan si aicua i Amang Kasuruan anio': En icasalé'-Ku ra'ica raragés, taan kaupusan, ampa'paan Aku maai ra'ica tumowa sé tou wutul taan sé tou iméma' ing kamesé-meséaan.”

Lukas 7:47

Icua-Ku ai co, en upusna wangko' itu, itumuru'o sapaoka eng kamesé-meséaanna sé kumeli-keli itu niampungano. Taan sa si tou niampungan wayake' im pira, eng kaupusanna ka'i wayake' im pira.”

Yohanes 10:10

Si rombit maai asaloke' i rumombit, wo mengapaté wo en luméwo'. Taan Aku mai wosama' séra makéré ing katouan si wuta ing kamang.

Yohanes 15:22

Sa Aku ra'ica mai ang kayo'baan wo ra'ica aicua-Ku ai séra en sususuien i Amang Kasuruan, tantu séra ra'ica perlu kumélong Yaku, anaé séra ra'ica iméma' ing kamesé-meséaan. Taan intarépé' Aku ang kayo'baano wo aicua-Kuo en sususuien itu ai séra, taan Aku aicélong érake'. Anaé, ra'ica wana alasan séra kumua sapaoka séra ra'ica méma' ing kamesé-meséaan.

Roma 4:15

En ukum Torat itu makawalike' sé tou in ukumen i Amang Kasuruan, ampa'paan ra'ica kawooan éra méma' in itu. Taan sa woo en ukum Torat ra'ica iwéé i Amang Kasuruan, ra'ica wana tou e mengaéma' ing kameséaan.

Roma 6:1

Sa taniitu, sapapé' en icuata intarépé'? Ro'napé' réén kita mengéma-ngéma' ing kamesé-meséaan wosama' en upus aitambér i Amang Kasuruan mengawe-ngawes ai cita?

Roma 6:14

Anaé, kamu ra'io toro pakakawasané' ing kamesé-meséaan, ampa'paan kamu ra'io menonou makiit in ukum Torat, taan kamu menonou asi upus aitambér i Amang Kasuruan.