Roma 5:16 - En Taar Weru a nunuwu' é Tontemboan

¹⁶ Wo em buéna ing kamang aitambér i Amang Kasuruan itu ra'ica puté wo ing kasiwakan ing kamesé-meséaan niéma' i Adam. Ampa'paan ing kameséaan i esa tou, akar pakasa en tou meséa'o akar patus makéré ukuman asi Amang Kasuruan. Taan ampa'paan ing kaupusan i Amang Kasuruan akar sé tou maéma' ing kamesé-meséaan ro'na anggapen-Na wutul an dior-Na.

Roma 5:16 ပူးပေါင်းရင်းမြစ်များ

Matius 6:14

Sa ampungan iow eng kameséaan sé niéma' é tou ai camu, si Amang iow an sorga ka'i méé oka ing kaampungan ai camu.

Roma 8:1

Intarépé', kita sé meesao ang karapi i Kristus Yesus ra'io ka'i ukumen i Amang Kasuruan.

1 Korintus 11:32

Taan sa kita ukumen i Amang Kasuruan, em peangé-angénna en sumusui ai cita e méma' im butul, wosama' kita ra'ica makéré in ukuman akar ing kauré-uré an tutuw Sia mukum sé tou ang kayo'baan sé ra'ica makatuus Sia.

Galatia 3:10

Taan sé tou rumaméji mamuali wutul an dior i Amang Kasuruan ang karapi i mamangén asi mengaéma' in ukum Torat, séra itu kutuken oka tanu ukuman i Amang Kasuruan. Ampa'paan ang Kitap Le'nas aipatic in tana'i, “Si séi si ra'ica le'tek mengaéma' im pakasa in atoran ang kitap Torat, sia itu ukumen oka im patén i Amang Kasuruan.”

Yakobus 2:10

Ampa'paan si séi eng kumiit im pakasa in ukum i Amang Kasuruan taan esake' en da'ica émaanna, sia sumangkalo pakasa in ukum itu.