Roma 5:12 - En Taar Weru a nunuwu' é Tontemboan

¹² Eng kamesé-meséaan mai ang kayo'baan anio' ampa'paano i esa tou, siao si Adam wo ampa'paan ing kamesé-meséaan ituo akar awéan em papaté. Eng kasiwakana, em papaté itu sangkumen waya é tou, ampa'paan pakasa en tou iméma'o ing kamesé-meséaan.

Roma 5:12 ပူးပေါင်းရင်းမြစ်များ

Roma 3:23

Pakasa en tou iméma'o ing kamesé-meséaan, akar séra ra'ica makéré im bagéan a rarayo wo in sisiri' i Amang Kasuruan.

Roma 5:18

Anaé, eng kamesé-meséaan i esa tou eng kasiwakana pakasa en tou meséa' wo patus ukumen. Taniitu ka'i, ampa'paan im paémaan wutul i esa Tou, pakasa en tou nianggap wutul i Amang Kasuruan an dior-Na akar séra makéré ing katouan weru.

Roma 5:19

Anaé, ampa'paano si esa tou ra'ica le'tek a si Amang Kasuruan, pakasa en tou imamualio tou ang kamesé-meséaan, taniitu ka'i ampa'paano i esa Tou si le'tek a si Amang Kasuruan, pakasa en tou nianggap wutul i Amang Kasuruan an dior-Na.

Roma 5:21

Anaé, kita musti maté ampa'paan kita mengaéma' ing kamesé-meséaan. Taan si Amang Kasuruan itumambéro mai in upus-Na ai cita ampa'paano i Yesus Kristus Apo'ta akar kita nianggap wutul i Amang Kasuruan wo makéré ing katouan akar ing kauré-uré.

Roma 6:21

An tutuw itu sapa em buéna kinéréan iow? Tantu ra'ica wana! Kamu intarépé' malawi' mawerot in itu. Ampa'paan pakasa en itu asalo makawali am papaté.

Roma 6:23

Ampa'paan em buéna i mengéma-ngéma' ing kamesé-meséaan, makéré oka ukuman icatané a si Amang Kasuruan akar ing kauré-uré. Taan eng kamang aitambér i Amang Kasuruan, siituo eng katouan akar ing kauré-uré. Wo eng kamang aitambér-Na itu tinerimata ampa'paan si Kristus Yesus, Apo'ta.

1 Korintus 15:56

Eng kiki'ci' im papaté siituo eng kamesé-meséaan wo eng kawasa ing kamesé-meséaan siituo en ukum Torat.

Efesus 2:3

En ulitna indior icita im baya ka'i meputé wo sé tou ra'ica le'tek itu, ampa'paan kita makiité' ing kasalé'an in owak sé ra'ica wutul, asalo maarui in owak wo asalo memero-merot in léwo'. Kita anio' sé tou patus ukumen i Amang Kasuruan kaputé é tou walina.

Yakobus 1:15

Wo sa eng kasalé'an itu kiniitannao, sia iméma'o ing kamesé-meséaan. Wo sa eng kamesé-meséaan itu icumawasao isia, eng kasiwakanna sia makéré oka im papaté.

Yakobus 3:2

Kita im baya mengaéma' ing kaséaan am baya-waya. Si tou makawoo tuméir im ba'ba'na akar ra'ica suméa' rumoma', sia itu tou lekep si ro'na kumawasa waya in owakna.