Roma 4:2 - En Taar Weru a nunuwu' é Tontemboan

² Si Abraham nianggap wutul i Amang Kasuruan ra'ica ampa'paan mengaéma' sé loor. Sa sia nianggap wutul i Amang Kasuruan ampa'paan mengaéma' sé loor, sia awéan alasan e rumayo in owakna in esa. Taan sia ra'ica toro rumayo in owakna an dior i Amang Kasuruan.

Roma 4:2 ပူးပေါင်းရင်းမြစ်များ

Roma 15:17

Anaé, ro'na aku rumayo in owak andumoro' in tawoienku torona i Amang Kasuruan ampa'paan aku meesao wo si Kristus Yesus.

1 Korintus 1:29

Wo in taniitu ra'ica wana mandé esake' tou e ro'na rumayo in owakna an dior i Amang Kasuruan.

1 Korintus 1:31

Anaé, ampa'paan pakasa sé niéma'o i Amang Kasuruan ai cita, kakailekantao sapa eng kaangéan si aicua ang Kitap Le'nas tana'i, “Si tou matirayo in owakna, musti tumirayo sapa sé niéma' i Casuruan ai sia.”

1 Korintus 4:7

Si séi réén iméma' icamu lumébémai wo sé tou walina? Awéan réén sé mamualio anu miow wo ra'ica asi Amang Kasuruan owo? Pakasa sé anu miow itu asi Amang Kasuruan owo, sa taniitu kéitu réén kamu marayo-rayo in owak tanuoka kéndo' sé mamualio anu miow itu ra'ica aiwéé i Amang Kasuruan?

1 Korintus 9:16

Sa aku makua in Abar Kaaruien i Amang Kasuruan, yaku ra'ica toro marayo in owak. En itu musti tawoienku, ampa'paan aku airu'du' i Amang Kasuruan. Icawangkur aku sa ra'ica ipakuaku en Abar Kaaruien andumoro' i Yesus Kristus itu.

2 Korintus 11:12

Sapa em pinengaéma'ku intarépé' si ra'ica tumerima in tatawang ai camu pengéma-ngémaanku oka. Wo in taniitu sé ruru'du'an wangko' itu ra'io toro ka'i rumayo in owak wo kumua em pengaémaan éra meputé wo sé niéma' ami.

2 Korintus 11:30

Sa aku musti tumirayo in owakku in esa, yaku asalo mengatirayo sé andumoro' sé ra'ica keter an owakku.

2 Korintus 5:12

En anio' icami ra'ica rumaméji marayo-rayo in owak ami ai camu. Taan en icasalé' ami asalo iméé témpo ai camu e rumayo icami wosama' kailekan iow en sumowat sé tou sé asalo imarayo in owak andumoro' sé pakasérén, ra'ica sé an untep in até.

Galatia 3:22

Taan ang Kitap Le'nas aipatic pakasa in tou ang kakawasaan ing kamesé-meséaan. Ampa'paano in itu wayake' sé tou maéman a si Yesus Kristus e ro'na tumerima in janji i Amang Kasuruan itu.

Efesus 2:9

Eng kalowiran itu ra'ica wuéna in tinawoi miow, anaé ra'ica wana esaan tou ka'i e ro'na tumirayo in owakna in esa.

Filipi 3:9

wo meesa ang karapi-Na. Anaé, aku ra'ica nianggap wutul i Amang Kasuruan ampa'paan i rumaméji makiit in ukum Torat, taan aku nianggap wutul ampa'paan maéman a si Kristus. Ampa'paan sé tou nianggap wutul i Amang Kasuruan kiit im paémanen éra.