Roma 4:17 - En Taar Weru a nunuwu' é Tontemboan

¹⁷ Ampa'paan icua i Amang Kasuruan a si Abraham in tana'i, “Aitantu-Kuo ko mamuali amang é tou keli.” Tanu siituo en janji i Amang Kasuruan a si Abraham. Wo si Abraham maéman a si Amang Kasuruan si tumou sumawel sé tou imatéo wo ka'i si méma' im baya-waya asaloke' i nunuwu'-Na pakasa waya mamuali.

Roma 4:17 ပူးပေါင်းရင်းမြစ်များ

Matius 3:9

Tioo kamu mawasa ro'na icawekar an ukuman ampa'paan kamu taranak i Abraham. Icuaku mangé ai camu, sé watu anio' ro'na émaan i Amang Kasuruan mamuali taranak i Abraham.

Yohanes 5:21

Si Amang tumou sumawel sé tou imaté wo émaan-Na séra menonou akar ing kauré-uré. Taniitu ka'i Aku Toyaang-Na, si séike' en icasalé'-Ku, émaan-Ku oka sia menonou akar ing kauré-uré.

Yohanes 5:25

En ulitna icua-Ku mangé ai camu, awéan oka en témpona wo an témponao, sapaoka sé imatéo, luminga oka in suara i Toyaang i Amang Kasuruan, siituo en suara-Ku. Wo sé tou luminga in suara-Ku menonou oka.

Yohanes 6:63

Sé tou ra'ica makawoo méma' in owakna menonou akar ing kauré-uré. Wayake' i Roh i Amang Kasuruan e méma' si tou ro'na menonou akar ing kauré-uré. E nunuwu' sé aicua-Ku itu, nunuwu' i Roh-Na wo sé nunuwu' itu iméma' sé tou menonou oka akar ing kauré-uré.

Kisah Para Rasul 15:18

si cumuao im basa-Na itu indioré'wo.’ ”

Roma 3:29

Si Amang Kasuruan itu ra'ica Kasuruan é tou Yahudike', taan Sia itu ka'i Kasuruan é tou walina,

Roma 4:18

En janji i Amang Kasuruan itu uli-ulit émanen i Abraham, mandé ka'i sia ra'io wana arapan makéré taranak. Ampa'paan in ituo sia mamuali amang é tou keli. Tanu in aipatic ang Kitap Le'nas, “Sé taranakmu mamuali oka keli ulit.”

Roma 4:2

Si Abraham nianggap wutul i Amang Kasuruan ra'ica ampa'paan mengaéma' sé loor. Sa sia nianggap wutul i Amang Kasuruan ampa'paan mengaéma' sé loor, sia awéan alasan e rumayo in owakna in esa. Taan sia ra'ica toro rumayo in owakna an dior i Amang Kasuruan.

Roma 8:11

Sa e Roh i Amang Kasuruan si tumou sumawel si Yesus an uner é tou maté maento' an untep in owak iow, eng kaangéanna en owak iow si ro'na maté itu, touen oka ka'i sumawel i Roh i Amang Kasuruan si tumouo sumawel si Yesus Kristus an uner é tou maté.

Roma 9:11

Wo ra'ipé' itumou sé rua toyaang itu, si Amang Kasuruan tumantuo im pawasa-wasa-Na. En itu ra'ica ampa'paan im pengaémaan é rua toyaang itu, ampa'paan an tutuw sé rua toyaang itu ra'ipé' maéma' sé loor wo sé léwo',

Roma 9:26

Wo ka'i aipatic in tana'i, “An tampa kinuanan a sé tou ‘kamu ra'ica tou-Ku’, am bitu séra tuulen oka ‘toya-toyaang i Amang Kasuruan si menonou.’ ”

1 Korintus 1:28

Si Amang Kasuruan ka'i sumisir tou sé paweroten ing kayo'baan tou wawa', sé ra'ica pasiriin wo sé ra'ica wana torona. Sinisir-Na séra e méma' sé tou paweroten ing kayo'baan tou pasiri-siriin, émaan-Na uli-ulit ra'ica wana torona.

1 Korintus 15:45

Ang Kitap Le'nas cumua in tana'i, “Si tou kataré-taré si Adam mamuali mahluk i menonou,” taan si Adam en sosomoi mamuali Roh si mawéé ing katouan.

1 Timotius 6:13

Intarépé', an dior i Amang Kasuruan si méé mai waya ing katouan wo ka'i an dior i Yesus Kristus si cumua ing kasairian loor an dior i Pontius Pilatus, pangilekenku ai co,

Ibrani 11:12

Mandé si Abraham an tutuw itu matu'ao keli wo en owakna tanuoka mapatéo, taan sia makéré keli taranak ra'io karékénan ka'i, tanu sé sumesendot an langit wo i rangi'ngis an tembir in ta'sic.

Ibrani 11:3

Ampa'paan awéan paémanen akar ro'na kaangéanta sapaoka en tana' wo en langit wo pakasa sé an untepna niéma' i nunuwu' i Amang Kasuruan. Anaé, pakasa sé ro'na kaséréanta, niéma' asé sapa sé ra'ica kaséréanta.

Ibrani 11:7

Ampa'paan si Nuh awéan paémanen, sia kinuanan i Amang Kasuruan sapa sé mamuali oka sa, sé ra'ipé' sumangkum ako sinéréna, wo ang karapi ing katale'tekanna émaanna esa kapal wangker en lumowir sé pamaléna asi sonop wangko'. Wo in taniitu ituru'na sapaoka sé tou ang kayo'baan patus ukumen, wo sia in esa tinerima i Amang Kasuruan tanu tou nianggap wutul ampa'paan im paémanenna.

1 Petrus 2:10

Indior kamu ra'ica tou i Amang Kasuruan, taan intarépé' kamu imamualio tou-Na. Wo indior kamu ra'ipé' itumerima ing kaupusan i Amang Kasuruan taan intarépé' kamu tumerimao ing kaupusan-Na.

2 Petrus 3:8

Taan é poo-poow sé icaupusku, awéan esa si musti pena'né-na'néien iow sapaoka am beren i Amang Kasuruan sangando meputé in sangariwu ngata'un, kuma'pa sangariwu ngata'un meputé wo en sangando.