Roma 4:14 - En Taar Weru a nunuwu' é Tontemboan

¹⁴ Ampa'paan sa sé touke' le'tek maéma' in ukum Torat en tumerima in aijanji i Amang Kasuruan, eng kaangéanna em paémanen éra a si Amang Kasuruan ra'ica wana en torona wo en janji itu ka'i ra'- ica mamuali.

Roma 4:14 ပူးပေါင်းရင်းမြစ်များ

Roma 3:31

Sa taniitu, ra'io réén wana eng katoronaan en ukum Torat itu ampa'paan kita maémano a si Yesus? Ra'ica taniitu! Taan ampa'paano taré kita maéman, en ukum Torat itu émaanta i mauli-ulit.

Roma 4:16

Anaé, en janji i Amang Kasuruan itu, iwéé-Na ampa'paan sé tou maéman ai Sia. Itambér-Na en itu ampa'paan ing kaupusan-Na wosama' pakasa sé taranak i Abraham makéré in janji itu. Wo en janji itu ra'ica toronake' é tou Yahudi sé menonou makiit in ukum Torat, taan ka'i torona im pakasa sé tou maéman a si Amang Kasuruan, meputé si Abraham maéman ai Sia. Ampa'paan in ituo si Abraham mamuali amangta im pakasa é tou maéman.

1 Korintus 1:13

Wuéienku ai camu, ro'na réén si Kristus pengawéténgen? Tantu ra'ica? Wo ka'i andumoro'ku, yaku réén en aisalip en lumowir icamu? Ra'ica? Wo an tutuw iow nibaptis, maké réén i ngaranku? Tantu ra'ica?

Galatia 2:21

Ra'ica icélongku en upus aitambér i Amang Kasuruan. Ampa'paan sa awéan tou sé nianggap wutul an dior-Na ampa'paan makiit in ukum Torat, tantu em papaté i Kristus ra'ica wana en torona.

Galatia 5:4

Sa kamu rumaméji nianggap-Na wutul ampa'paan mengaéma' in ukum Torat, kamu aicatanéo wo si Kristus. Wo in taniitu icélong iow en upus aitambér i Amang Kasuruan.

Filipi 3:9

wo meesa ang karapi-Na. Anaé, aku ra'ica nianggap wutul i Amang Kasuruan ampa'paan i rumaméji makiit in ukum Torat, taan aku nianggap wutul ampa'paan maéman a si Kristus. Ampa'paan sé tou nianggap wutul i Amang Kasuruan kiit im paémanen éra.

Ibrani 7:19

Ampa'paan en ukum Torat ra'ica ro'na méma' si séike' e mamuali lekep an dior i Amang Kasuruan. Taan intarépé' kita winéano mai i Amang Kasuruan arapan lébé loor, si méma' icita rumuru mangé ai Sia.

Ibrani 7:28

Iciit in ukum Torat, si imam wangko' pengaangkaien asé tou biasa sé ra'ipé' lekep. Taan kekawus in ukum Torat, si Amang Kasuruan mangkai si Toyaang-Na maké in sumpa, wo si Toyaang-Na niéma'o mamuali Imam Wangko' si lekep akar ing kauré-uré.