Roma 4:11 - En Taar Weru a nunuwu' é Tontemboan

¹¹ Anaé, an tutuw i Abraham ra'ipé' sinunat, sia maémano a si Amang Kasuruan. En sunat itu asalo tuus sapaoka si Abraham tinerima i Amang Kasuruan wo nianggap-Na wutul ampa'paan maéman ai Sia. Anaé, si Abraham tinerima i Amang Kasuruan an tutuw sia ra'ipé' sinunat. Ampa'paan in ituo sia mamuali amang im pakasa é tou maéman mandé ka'i sé tou maéman itu ra'ica sinunat. Wo ampa'paano im paémanen éra, séra nianggap wutul i Amang Kasuruan.

Roma 4:11 ပူးပေါင်းရင်းမြစ်များ

Matius 16:16

Isowat i Simon Petrus, “Si Guruo si Mesias itu, si Toyaang i Amang Kasuruan si menonou!”

Matius 8:11

Icua-Ku ai camu, kelian en tou maai oka a micona wo a makona owo en lumukut kuman mewali-wali wo si Abraham, Ishak wo si Yakub an untep ing Kakolanoan in Sorga.

Lukas 19:9

Wo icua i Yesus ai sia, “Asi endo anio', pakasa sé am balé anio' linowiro i Amang Kasuruan, ampa'paan ko wutu-wutul maéman a si Amang Kasuruan meputé si apo'mu Abraham.

Yohanes 3:33

Taan si séike' si tou si mercaya sé ipengua-ngua-Na itu tantu pinangakunao sapaoka si Amang Kasuruan itu wutul.

Yohanes 3:36

Si séike' mangé si mercaya a si Toyaang-Na itu, sia makaanuo ing katouan akar ing kauré-uré. Taan si séike' en da'ica le'tek maéman ai Sia ra'ica kawisa makéré ing katouan akar ing kauré-uré, wo sia ukumen oka i Amang Kasuruan akar ing kauré-uré.

Yohanes 6:35

Icua i Yesus ai séra, “Yaku anioo eng kakanen si mengaéma' sé tou menonou akar ing kauré-uré. Wo si tou maai a Yaku, sia itu ra'io ka'i kawisa i maarem, wo si séike' si maéman a Yaku, sia itu ra'io ka'i kawisa i maré'om.

Yohanes 6:40

Ampa'paan si anioo eng kasalé'an i Amang-Ku: Si esa wo si esa tou suméré sé niéma' i Toyaang wo maéman ai Sia, makéré oka ing katouan akar ing kauré-uré. Séra touen-Ku sumawel am papaté asi endo kaka'puan ing kayo'baan.”

Yohanes 6:47

En ulitna icua-Ku mangé ai camu, si séike' si maéman a Yaku, sia itu ro'na menonou akar ing kauré-uré.

Yohanes 8:33

Isowat éra ai Sia, “Kami anio' taranak i Abraham wo kami ra'ipé' kawisa mamuali ata i séike' mangé. Tumambisa réén Ko makua kami anio' ra'io ka'i mamuali ata?”

Roma 10:11

Ang Kitap Le'nas aipatic in tana'i, “Si séike' e maéman ai Sia, ra'ica kawisa ipapalawi'.”

Roma 10:4

Wo en ukum Torat linekepo i Kristus. Anaé, sa sé tou maéman ai Sia, séra nianggap wutul i Amang Kasuruan.

Roma 10:6

Taan awéan ka'i en aipatic andumoro' sé tou nianggap wutul i Amang Kasuruan ampa'paano im paémanen. Tana'i en aipatic, “Tioo kamu makua an até miow, ‘Si séi en sumosor angé an sorga?’ ” (Eng kaangéanna, e makawali mai si Kristus tumumpa ang kayo'baan eng kumua tumambisa wosama' malowir).

Roma 3:22

sapaoka sé tou ro'na nianggap wutul i Amang Kasuruan, ampa'paan maéman a si Yesus Kristus. Niéma' i Amang Kasuruan in taniitu torona im pakasa é tou maéman a si Yesus Kristus. Ampa'paan pakasa en tou puté waya an dior i Amang Kasuruan.

Roma 3:26

Si Yesus maté en sumawel icita ampa'paan ing kamesé-meséaan, siitu en tuusna sapaoka si Amang Kasuruan ra'ica marapit. Wo in taniitu aituru'-Nao sapaoka Sia wutul; wo pakasa é tou maéman a si Yesus, nianggap i Amang Kasuruan wutul an dior-Na.

Roma 3:30

ampa'paan Si Amang Kasuruan wayake' in esa. Anggapen-Na wutul sé tou Yahudi wo ka'i sé tou walina ampa'paano im paémanen éra.

Roma 4:10

Sa taniitu, kawisa réén si Abraham nianggap wutul i Amang Kasuruan? An tutuw sia ra'ipé' sinunat kuma'pa sinunato? Tantu karu' an tutuw sia ra'ipé' sinunat.

Roma 9:30

Anaé, ro'na icuata in tana'i: Sé tou walina sé ra'ica Yahudi ra'ica rumaméji nianggap wutul i Amang Kasuruan, taan séra nianggap-Na wutul ampa'paan séra maéman a si Yesus.

Roma 9:33

Wéanio' rékén sumama-sama', tanu in aipatic ang Kitap Le'nas tana'i, “Aiweta'-Kuo ang kuntung Sion esa watu e méma' sé tou icasangkil, si esa watu wangker si méma' oka sé tou icalepok. Taan si séi e maéman a si Casuruan, ra'ica ipapalawi'.”

Roma 9:6

Mandé ka'i in taniitu, ra'ica icuaku sapaoka si Amang Kasuruan ra'ica lumekep in janji-janji-Na a sé tou Israel. Ampa'paan ra'ica pakasa sé taranak Israel sisiren i Amang Kasuruan mamuali tou-Na.

2 Korintus 1:22

wo isumégél icita tanu tuus anu-Na. Wo Siao e méé mai si Roh Le'nas an atéta tanu titimboian sapaoka iwéé-Na oka pakasa sé aijanji-Na ai cita.

Galatia 3:22

Taan ang Kitap Le'nas aipatic pakasa in tou ang kakawasaan ing kamesé-meséaan. Ampa'paano in itu wayake' sé tou maéman a si Yesus Kristus e ro'na tumerima in janji i Amang Kasuruan itu.

Galatia 3:29

Wo sa kamu anu i Kristus, kamu ka'i taranak i Abraham wo teriman oka miow sapa si aijanjio i Amang Kasuruan a si Abraham.

Galatia 3:7

Anaé, kailekan iow sapaoka pakasa en tou maéman a si Amang Kasuruan, séra ituo sé taranak i Abraham.

Galatia 5:5

Taan kita maarap nianggap-Na wutul ampa'paan ing kawasa i Roh Le'nas wo ampa'paan im paémanenta a si Kristus.

Galatia 6:16

Wo si séike' sé menonou mengakiit sapa sé ipakuaku itu, isombayangku sa woo ro'na si Amang Kasuruan méé mai ing kaeluran wo tumuru' ing kaupusan-Na ai séra. Sé tou menonou tanu siitu sérao sé wutu-wutul tou i Amang Kasuruan mandé ka'i séra tou Yahudi kuma'pa tou ra'ica Yahudi.

Efesus 1:13

Taniitu ka'i camu tou ra'ica Yahudi sé lumingao in sususuien wutul i Amang Kasuruan, siituo en Abar Kaaruien si mengawéé ing kalowiran ai camu. Wo an tutuw iow maémano a si Kristus, tinerimao miow e Roh Le'nas si aijanji-Na tanu tuus kamu imamualio tou-Na.

Efesus 4:30

Tioo pengaémaan iow si Roh Le'nas i Amang Kasuruan itu masusa. Ampa'paan si Roh Le'nas itu mamuali tuus sapaoka icamu itu anu i Amang Kasuruan akar asi endo Sia maai sumawel en lumowir icamu.

Filipi 3:9

wo meesa ang karapi-Na. Anaé, aku ra'ica nianggap wutul i Amang Kasuruan ampa'paan i rumaméji makiit in ukum Torat, taan aku nianggap wutul ampa'paan maéman a si Kristus. Ampa'paan sé tou nianggap wutul i Amang Kasuruan kiit im paémanen éra.

Ibrani 11:7

Ampa'paan si Nuh awéan paémanen, sia kinuanan i Amang Kasuruan sapa sé mamuali oka sa, sé ra'ipé' sumangkum ako sinéréna, wo ang karapi ing katale'tekanna émaanna esa kapal wangker en lumowir sé pamaléna asi sonop wangko'. Wo in taniitu ituru'na sapaoka sé tou ang kayo'baan patus ukumen, wo sia in esa tinerima i Amang Kasuruan tanu tou nianggap wutul ampa'paan im paémanenna.

2 Petrus 1:1

En surat anio' a yaku owo, Simon Petrus. Yaku anio' ata wo ruru'du'an i Yesus Kristus. Ipaticku en surat anio' ai camu sé maémano a si Yesus Kristus kaputé ami. Si Yesus Kristus itu Amang Kasuruan wo Lumolowirta. Sia iméma' icamu maéman ampa'paan si pengaémaan-Na wutul wo ra'ica marapit.

Wahyu 9:4

Sé komong itu ka'i pinerénta ra'ica toro luméwo' in dukut, in tina-tinanem kuma'pa in tuu-tuura ing kayu ang kayo'baan, taan asalo sé tou sé an tuintung éra ra'ica wana ségél i Amang Kasuruan.