Roma 4:10 - En Taar Weru a nunuwu' é Tontemboan

¹⁰ Sa taniitu, kawisa réén si Abraham nianggap wutul i Amang Kasuruan? An tutuw sia ra'ipé' sinunat kuma'pa sinunato? Tantu karu' an tutuw sia ra'ipé' sinunat.

Roma 4:10 ပူးပေါင်းရင်းမြစ်များ

Roma 4:11

Anaé, an tutuw i Abraham ra'ipé' sinunat, sia maémano a si Amang Kasuruan. En sunat itu asalo tuus sapaoka si Abraham tinerima i Amang Kasuruan wo nianggap-Na wutul ampa'paan maéman ai Sia. Anaé, si Abraham tinerima i Amang Kasuruan an tutuw sia ra'ipé' sinunat. Ampa'paan in ituo sia mamuali amang im pakasa é tou maéman mandé ka'i sé tou maéman itu ra'ica sinunat. Wo ampa'paano im paémanen éra, séra nianggap wutul i Amang Kasuruan.

Roma 4:9

E nunuwu' kamangen en aicua i Daud itu ra'ica toronake' é tou sinunat, taan ka'i torona é tou ra'ica sinunat. Aicuao ami an dangka', sapaoka si Abraham nianggap wutul i Amang Kasuruan ampa'paan im paémanenna.

Galatia 5:6

Ampa'paan torona é tou sé meesao wo si Kristus Yesus, sia sinunat kuma'pa ra'ica sinunat en itu ra'ica penting. Em penting am bia'i em paémanen si aituru' ang karapi in upus a sé tou walina.

Galatia 6:15

Ampa'paan sinunat kuma'pa ra'ica sinunat, en itu ra'ica penting. Em penting ang katouanta, wineru i Amang Kasuruan.