Roma 3:5 - En Taar Weru a nunuwu' é Tontemboan

⁵ An tutuw kita mengaéma' sé ra'ica wutul, em peri wutul i Amang Kasuruan kaséré-séréan. Wo sapa en icuata sa kita icae'bow-Na ampa'paan kita mengaéma' sé ra'ica wutul? Icuata réén Sia marapitke'? En itu pakawerotke' é tou.

Roma 3:5 ပူးပေါင်းရင်းမြစ်များ

Roma 12:19

Poo-poow sé icaupusku, tioo pasuliin iow in léwo' sé tou mengaéma' in léwo' ai camu, taan mandéo si Amang Kasuruan en tumuru' ing kae'bowan-Na. Ampa'paan ang Kitap Le'nas aipatic in tana'i, “Icua i Casuruan: Yakuo en awéan hak en sumuli', Yaku oka e méé in ukuman.”

Roma 2:5

Taan kamu anio' keté ngaas wo ra'ica kiim mape'dis. Ampa'paano in itu, icamuo in esa e méma' in ukuman iow makaute-uter asi endo kaka'puan ing kayo'baan sa. Asi endo itu oka si Amang Kasuruan tumuru' ing kae'bowan-Na wo mukum waya sé tou ang karapi in da'ica mengarapit.

Roma 3:19

Taan intarépé' kailekanta sapaoka pakasa sé aipatic an ukum Torat, torona é tou sé menonou pakakawasan in ukum Torat. Wo in taniitu ra'ica wana mandé esake' tou e ro'na méé alasan sapaoka en owakna wutul, anaé pakasa en tou ang kayo'baan meséa' an dior i Amang Kasuruan.

Roma 3:7

Wo awéan wona' ka'i tou mengakua in tana'i, “Sa aku mengaéma' in léwo', em peri wutul i Amang Kasuruan kaséré-séréan, anaé Sia irayo wo siriin oka é tou. Sa taniitu, kéitu réén aku akimené' tanu tou ang kamesé-meséaan?”

Roma 4:1

Anaé, kita ro'na kumua andumoro' i Abraham si apo'ta tou Yahudi tumambisa réén sia nianggap wutul i Amang Kasuruan?

Roma 5:8

Taan si Kristus imatéo torona icita an tutuw kita mengaéma'pé' ing kamesé-meséaan. En itu itumuru'o sapaoka eng kaupusan i Amang Kasuruan ai cita uli-ulit wangko'.

Roma 6:1

Sa taniitu, sapapé' en icuata intarépé'? Ro'napé' réén kita mengéma-ngéma' ing kamesé-meséaan wosama' en upus aitambér i Amang Kasuruan mengawe-ngawes ai cita?

Roma 6:19

Em pakawerot iow tanu tou ra'ica rior makailek, anaé aku maké in andéan ata, wosama' kamu rior makailek sapa em peangé-angénku. Indior kamu sumarakano waya ing katouan iow mamuali ata ing kasamekan wo ing kaléwo-léwo'an akar kamu mengéma-ngéma' in léwo'. Taniituo ka'i intarépé', musti isarakan iow waya eng katouan iow mamuali ata mengaéma' im butul akar makawali icamu ang katouan le'nas.

Roma 7:7

Sa taniitu, sapa e ro'na icuata? Ra'ica réén loor en atoran an ukum Torat itu? Tantu loor! Wo ampa'paan taré in ukum Torat ituo, kinailekankuo en andumoro' ing kamesé-meséaan. Wo ra'ica kailekanku e mengasalé' in anu é tou itu suméa', sa an ukum Torat ra'ica icumua, “Tioo mengasalé' in anu é tou.”

Roma 8:31

Ampa'paano in itu sapa en icuata andumoro' im pakasa in itu? Sa si Amang Kasuruan mewali-wali wo icita, si séi e ro'na sumundur icita?

Roma 9:30

Anaé, ro'na icuata in tana'i: Sé tou walina sé ra'ica Yahudi ra'ica rumaméji nianggap wutul i Amang Kasuruan, taan séra nianggap-Na wutul ampa'paan séra maéman a si Yesus.

1 Korintus 15:32

Sa aku kumiitke' mako im bewerot é tou, ra'ica wana eng kalébéanku en sumundur in sé tou masalé' sumera' yaku tanuoka sé binatang léwo' ang kota Efesus. Anaé, sa sé tou imatéo ra'io touen sumawel, aweso taré kita meputé sé ipakua é tou, e makua in tana'i, “Mayo kita mengangan wo mengele-ngelep wo maaru-arui, ampa'paan asi endo woondo kita matéo.”

1 Korintus 9:8

Sé aicuaku itu, ra'ica asalo kumiit im pakawerot é tou, taan aisusui ang Kitap Le'nas ka'i tanu siitu.

2 Korintus 6:4

Aituru'o ami sapaoka am baya-waya kami ata i Amang Kasuruan. Ampa'paan eng kawenduan, eng kasusaan wo ing kawenduan pinendam amio ang karapi in talesen,

2 Korintus 7:11

Anaé, intarépé' séréno sapa sé imamuali ai camu ampa'paano ing kawenduan si casalé' i Amang Kasuruan itu. En itu, iméma' icamu lébé mauli-ulit kumiit ing kasalé'an i Amang Kasuruan; wo kamu rumaméji méé tuus sapaoka kamu ra'ica meséa'; kamu masuut wo maindé' mengaéma' ing kamesé-meséaan; kamu lébé lumelo wo makaincaya' méma' sapa sé loor wo ra'ica marapit ; wo kamu méé ukuman a sé tou meséa'. Anaé, kamu itumuru'o in tuus, kamu ra'ica meséa' am pakasa in itu.

Galatia 2:18

Ampa'paan aku ra'io ka'i menonou mengakiit in ukum Torat. Wo sa aku maréng sumawel kumiit in ukum Torat, eng kaangéanna yaku in esa e méma' yaku tou ang kamesé-meséaan ampa'paan aku ra'io ka'i mengakiit in ukum Torat.

Galatia 3:15

Poo-poow, wéanku oka esa paandéan asi kanaramen é tou ang katouan susur in endo. Sa awéan tou méma' esa perjanjian, wo em perjanjian itu pinusé'o, ra'io toro batalen kuma'pa awesan i esa tou sapake' a si perjanjian itu.

Wahyu 15:3

Séra makantar ing kakantaren i Musa si ata i Amang Kasuruan wo kakantaren i Toyaang i Domba. Eng kakantaren itu tana'i, “O Amang Kasuruan Si Makakawasa, uli-ulit wangko' wo kakaya'kaan pakasa sé niéma'-Mu! O Kolano pakasa im bangsa. Pakasa sé niéma'-Mu uli-ulit ra'ica marapit wo wutul.

Wahyu 18:20

Maaru-aruio mangé éi sorga, éi tou le'nas, sé ruru'du'an wo sé nabi! Ampa'paan sia niukumo i Amang Kasuruan, tanu in susuli' a sé kaléwo-léwo'an sé niéma'na ai camu.”