Roma 3:31 - En Taar Weru a nunuwu' é Tontemboan

³¹ Sa taniitu, ra'io réén wana eng katoronaan en ukum Torat itu ampa'paan kita maémano a si Yesus? Ra'ica taniitu! Taan ampa'paano taré kita maéman, en ukum Torat itu émaanta i mauli-ulit.

Roma 3:31 ပူးပေါင်းရင်းမြစ်များ

Matius 15:6

ra'io sangali pandungenna eng kaperluan i amangna kuma'pai i nangna. Wo in taniitu, en taar i Amang Kasuruan ra'io pengakiiten iow, em pengakiiten iow asaloke' ing kanaramen iow.

Matius 3:15

Wo isowat i Yesus ai sia, “Mandéo ico e maptis Yaku. Wo in taniitu niéma'tao eng kasalé'an i Amang Kasuruan.” Kelinga in itu, kiitan i Yohanes en aicua i Yesus.

Matius 5:17

“Tioo paweroten iow sa Aku maai ang kayo'baan e mai misi in ukum Torat kuma'pa ing kitap é nabi. Yaku mai ra'ica misi in itu taan mai lumekep waya in itu.

Matius 5:20

Icua-Ku mangé ai camu, sa ra'ica émaan iow eng kasalé'an i Amang Kasuruan lumébémai asé makailek wutul in Torat wo sé tou Farisi, en ulitna kamu ra'ica kawisa muntep ang Kakolanoan in Sorga.”

Lukas 20:16

Sia maai oka wo paténna sé tou matawoi in umana itu wo en umana itu ipapatawoina a sé tou walina.” Kelinga éra in itu wo icua é tou keli itu a si Yesus, “En itu tioo mamuali ai cami!”

Roma 10:4

Wo en ukum Torat linekepo i Kristus. Anaé, sa sé tou maéman ai Sia, séra nianggap wutul i Amang Kasuruan.

Roma 2:20

Paanggapen iow sapaoka kamu guru a sé tou bodok wo guru a sé tou ra'ipé' makailek in sususuien wutul. Ampa'paan paanggapen iow sapaoka kamu makaileko in ukum Torat wo maanggap pandéi wo makaileko in sususuien wutul.

Roma 3:4

Tantu émaan-Na! Ampa'paan si Amang Kasuruan itu wutul, wo pakasa en tou kotowo. Tanu en aipatic ang Kitap Le'nas andumoro' i Amang Kasuruan in tana'i, “Pakasa sé aicua-Mu wutul. An tutuw Ko in akimen, tantu Ico muntung.”

Roma 3:6

Wo em pakawerot é tou itu suméa'. Ampa'paan, sa si Amang Kasuruan marapitke', tambisa Sia ro'na makim ing kayo'baan anio' sa?

Roma 4:14

Ampa'paan sa sé touke' le'tek maéma' in ukum Torat en tumerima in aijanji i Amang Kasuruan, eng kaangéanna em paémanen éra a si Amang Kasuruan ra'ica wana en torona wo en janji itu ka'i ra'- ica mamuali.

Roma 7:22

An untep in atéku, icasalé'ku keli méma' in ukum i Amang Kasuruan,

Roma 7:25

Makapulu'sama' a si Amang Kasuruan ampa'paan Siao en lumowir yaku ampa'paano i Yesus Kristus Apo'ta. Anaé tana'i, en atéku masalé' kumiit in ukum i Amang Kasuruan, taan en owakku pakakawasané' ing kamesé-meséaan.

Roma 8:4

Niéma' i Amang Kasuruan in taniitu wosama' kita mamuali tou wutul, meputé ing kasalé'an-Na sé aipatic an ukum Torat. Wo kita ro'na menonou makiit ing kasalé'an i Roh-Na, ra'ica kumiit ing kasalé'an in owakta.

1 Korintus 9:21

Taniitu ka'i, an tutuwku mewali-wali wo sé tou ra'ica Yahudi, sé ra'ica makiit in ukum Torat, émaanku eng katouanku meputé wo iséra. Émaanku taniitu wosama' ro'na akinenku sé tou ra'ica Yahudi a si Kristus. Anaé, aku ra'ica toro ipeputé tanu tou sé ra'ica makiit im perénta-perénta i Amang Kasuruan, taan aku uli-ulit maéma' im perénta i Kristus.

Galatia 2:19

Ampa'paan aku tanu si tou imatéo asi ukum Torat wosama' aku menonou torona i Amang Kasuruan. Yaku aisalipo mewali-wali wo si Kristus.

Galatia 2:21

Ra'ica icélongku en upus aitambér i Amang Kasuruan. Ampa'paan sa awéan tou sé nianggap wutul an dior-Na ampa'paan makiit in ukum Torat, tantu em papaté i Kristus ra'ica wana en torona.