Roma 3:30 - En Taar Weru a nunuwu' é Tontemboan

³⁰ ampa'paan Si Amang Kasuruan wayake' in esa. Anggapen-Na wutul sé tou Yahudi wo ka'i sé tou walina ampa'paano im paémanen éra.

Roma 3:30 ပူးပေါင်းရင်းမြစ်များ

Roma 2:26

Anaé, sa sé tou ra'ica Yahudi mengaéma' in ukum Torat, mandé séra ra'ica sinunat, tantu séra teriman i Amang Kasuruan mamuali tou-Na tanu sé tou sinunato.

Roma 2:27

Wo in taniitu sé tou ra'ica Yahudi mandé séra ra'ica sinunat, taan sa séra mengaéma' in ukum Torat, séra oka en tumuru' ing kameséaan iow tou Yahudi. Ampa'paan kamu, mandé sinunato taan ra'ica mengaéma' in ukum Torat sé aipatico itu.

Roma 3:22

sapaoka sé tou ro'na nianggap wutul i Amang Kasuruan, ampa'paan maéman a si Yesus Kristus. Niéma' i Amang Kasuruan in taniitu torona im pakasa é tou maéman a si Yesus Kristus. Ampa'paan pakasa en tou puté waya an dior i Amang Kasuruan.

Roma 3:28

Anaé tana'i: Sé tou nianggap wutul i Amang Kasuruan ampa'paan séra maéman a si Yesus, ra'ica ampa'paan mengaéma' in ukum Torat.

Roma 4:16

Anaé, en janji i Amang Kasuruan itu, iwéé-Na ampa'paan sé tou maéman ai Sia. Itambér-Na en itu ampa'paan ing kaupusan-Na wosama' pakasa sé taranak i Abraham makéré in janji itu. Wo en janji itu ra'ica toronake' é tou Yahudi sé menonou makiit in ukum Torat, taan ka'i torona im pakasa sé tou maéman a si Amang Kasuruan, meputé si Abraham maéman ai Sia. Ampa'paan in ituo si Abraham mamuali amangta im pakasa é tou maéman.

Roma 4:9

E nunuwu' kamangen en aicua i Daud itu ra'ica toronake' é tou sinunat, taan ka'i torona é tou ra'ica sinunat. Aicuao ami an dangka', sapaoka si Abraham nianggap wutul i Amang Kasuruan ampa'paan im paémanenna.

Galatia 3:20

En ukum Torat aicua a sé tou Israel maké esa tou e makawali. Taan an tutuw i Amang Kasuruan méma' in janji a si Abraham ra'ica maké si makawali. Ampa'paan Sia in esa e méma' in janji itu.

Galatia 3:28

Anaé, pakasa in tou maéman a si Kristus ra'io wana em béda, mandé kai séra tou Yahudi kuma'pa tou ra'ica Yahudi, ata kuma'pa tou ra'io pakakawasan é tou walina, tuama kuma'pa wéwéné. Ampa'paan kamu im baya nianggap meputé an dior i Amang Kasuruan ampa'paano i Yesus Kristus.

Galatia 3:8

Ang Kitap Le'nas, ro'na kakailekanta sapaoka tumo'tolke' mai indior aitantuo i Amang Kasuruan sé tou ra'ica Yahudi anggapen-Na oka wutul an dior-Na sa séra maéman a si Kristus. En Abar Kaaruien itu aicuao i Amang Kasuruan indior a si Abraham an janji anio', “Pakasa im bangsa ang kayo'baan kamangen oka, ampa'paan ico.”

Galatia 5:6

Ampa'paan torona é tou sé meesao wo si Kristus Yesus, sia sinunat kuma'pa ra'ica sinunat en itu ra'ica penting. Em penting am bia'i em paémanen si aituru' ang karapi in upus a sé tou walina.

Galatia 6:15

Ampa'paan sinunat kuma'pa ra'ica sinunat, en itu ra'ica penting. Em penting ang katouanta, wineru i Amang Kasuruan.

Filipi 3:3

Taan icitao sé tou wutu-wutul sinunat, ra'ica iséra. Ampa'paan icitao sé tou mengaapo' a si Amang Kasuruan si pakaakinen i Roh-Na, wo mengatirayo ampa'paan meesa wo si Kristus Yesus, wo ra'ica mengamangén a si sapa sé kaséréan tanumai atoran in sunat.

1 Timotius 2:5

Si Amang Kasuruan wayake' in esa, wo ka'i wayake' in esa e makawali sé tou a si Amang Kasuruan, Siao si Kristus Yesus.