Roma 3:29 - En Taar Weru a nunuwu' é Tontemboan

²⁹ Si Amang Kasuruan itu ra'ica Kasuruan é tou Yahudike', taan Sia itu ka'i Kasuruan é tou walina,

Roma 3:29 ပူးပေါင်းရင်းမြစ်များ

Matius 22:32

‘Yakuo si Amang Kasuruan si pengaapo'an i Abraham, i Ishak wo si Yakub.’ An tutuw i Amang Kasuruan icumua in itu, si Abraham, Ishak wo si Yakub imatéo, taan séra kasake' menonou mewali-wali wo Sia. Anaé, si Amang Kasuruan itu ra'ica Kasuruan é tou imatéo, taan Kasuruan é tou menonou.”

Matius 28:19

Ampa'paano in itu, mangém am pakasa im bangsa, wo émaano mangé séra mamuali murit-Ku. Baptiseno mangé séra ang karapi ngaran i Amang, i Toyaang wo i Roh Le'nas.

Kisah Para Rasul 10:34

Wo tumo'tolo si Petrus rumoma', “En ulitna intarépé'o kailekanku sa si Amang Kasuruan itu ra'ica mengasisir tou.

Kisah Para Rasul 22:21

Taan icua i Casuruan a yaku, ‘Mangém, iru'du'-Ku oka ko mangé tumayang asi tampa anio' wo mangé a sé bangsa ra'ica Yahudi.’ ”

Kisah Para Rasul 26:17

Asi endo maai sa, ico okoien oka é bangsa Israel wo sé bangsa walina, taan ko lowiren-Ku oka an uner éra. Intarépé', ru'du'-Ku ko mangé ai séra,

Kisah Para Rasul 9:15

Taan icua i Casuruan a si Ananias, “Mangéo ko! Sinisir-Kuo si tou itu e mamuali ata-Ku eng kumua in Abar Kaaruien andumoro' Yaku a sé bangsa walina, a sé kolano wo ka'i a sé tou Israel.

Roma 1:16

Yaku ra'ica malawi' mengakua in Abar Kaaruien andumoro' i Yesus Kristus itu, ampa'paan en Abar itu awéan kaketeran i Amang Kasuruan en lumowir im pakasa sé tou maéman; kataré-taré sé tou Yahudi wo ka'i sé tou walina.

Roma 10:12

E nunuwu' i Amang Kasuruan itu torona im pakasa é tou, ampa'paan sé tou Yahudi wo sé tou walina puté waya. Si Casuruan wayake' in esa, Sia itu Kasuruan é pakasa sé tou. Wo pakasa en tou sé mekiupus ai Sia kamangen-Na oka ang karapi i lumébé-lébé.

Roma 15:16

Yaku mamuali ata maselewir a si Kristus Yesus e mengakua in Abar Kaaruien andumoro' i Yesus Kristus a sé tou ra'ica Yahudi. En tawoienku tanu in tawoien é imam si mengawéé i raragés, ampa'paan aku makawali sé tou ra'ica Yahudi a si Amang Kasuruan wosama' séra teriman-Na tanu raragés si casalé'-Na wo si line'naso i Roh Le'nas.

Galatia 3:14

Si Yesus Kristus pinatéo ang kayu salip wosama' eng kamang i Amang Kasuruan si aijanjio a si Abraham, iwéé a sé pakasa en tou sé maéman icauntep sé tou ra'ica Yahudi. Anaé, sa kita maéman a si Yesus si maté ang kayu salip, kita ro'na tumerima i Roh Le'nas si aijanjio i Amang Kasuruan indior.

Efesus 3:6

Wo si anioo em pawasa-wasan-Na sé icaenep itu: Sé tou ra'ica Yahudi kumiit makéré im bagéan asi Amang Kasuruan owo ampa'paan séra maéman in Abar Kaaruien andumoro' i Yesus Kristus. Wo séra imamualio esa owak, wo mekiit makéré ing kama-kamang sé aijanjio i Amang Kasuruan ampa'paan i Kristus Yesus.

Kolose 3:11

Wo in taniitu, kamu sé mamualio weru, ra'io wana em bédana, tou Yunani kuma'pa tou Yahudi, tou sinunat kuma'pa tou ra'ica sinunat, tou Barbar kuma'pa tou Skit, ata kuma'pa ra'ica ata, pakasa waya puté. Taan si penting keli si Kristus wo Sia menonouo an owak iow im baya.