Roma 3:27 - En Taar Weru a nunuwu' é Tontemboan

²⁷ Ampa'paan in ituo ra'ica toro kita rumayo in owak. Kita nianggap wutul i Amang Kasuruan, ra'ica ampa'paan mengaéma' in ukum Torat. Ra'ica! Taan ampa'paan kita maéman a si Yesus Kristus.

Roma 3:27 ပူးပေါင်းရင်းမြစ်များ

Markus 16:16

Si séi e maéman a Yaku wo baptisen, sia malowir oka. Taan si séi si ra'- ica maéman a Yaku, makéré oka in ukuman.

Yohanes 3:36

Si séike' mangé si mercaya a si Toyaang-Na itu, sia makaanuo ing katouan akar ing kauré-uré. Taan si séike' en da'ica le'tek maéman ai Sia ra'ica kawisa makéré ing katouan akar ing kauré-uré, wo sia ukumen oka i Amang Kasuruan akar ing kauré-uré.

Roma 10:5

Indior aipatico i Musa in andumoro' é tou sé nianggap wutul ampa'paan mengakiit in ukum Torat tana'i: “Sé tou le'tek mengaéma' in ukum Torat, séra menonou oka akar ing kauré-uré ampa'paan in ukum Torat itu.”

Roma 11:6

Sinisir-Na séra ampa'paan in upus si aitambér-Nao, ra'ica ampa'paan im pengaémaan éra. Sa séra sinisir-Na ampa'paan im pengaémaan éra, eng kaangéanna, Sia sumisir séra en sumuli' im pengaémaan éra ra'ica ampa'paan in upus aitambér-Na.

Roma 2:17

Taan intarépé' tambisa réén wo icamu in esa? Kamu mangaku tou Yahudi wo mamangén an ukum Torat. Wo ka'i matirayo ampa'paan paweroten iow sapaoka kamu tou ipaupu-upus i Amang Kasuruan.

Roma 2:23

Iparayo miow sapaoka kamu makaileko in ukum Torat. Taan kamu in esa mengaroros i ngaran i Amang Kasuruan ang karapi in da'ica makiit in ukum Torat itu.

Roma 3:19

Taan intarépé' kailekanta sapaoka pakasa sé aipatic an ukum Torat, torona é tou sé menonou pakakawasan in ukum Torat. Wo in taniitu ra'ica wana mandé esake' tou e ro'na méé alasan sapaoka en owakna wutul, anaé pakasa en tou ang kayo'baan meséa' an dior i Amang Kasuruan.

Roma 3:26

Si Yesus maté en sumawel icita ampa'paan ing kamesé-meséaan, siitu en tuusna sapaoka si Amang Kasuruan ra'ica marapit. Wo in taniitu aituru'-Nao sapaoka Sia wutul; wo pakasa é tou maéman a si Yesus, nianggap i Amang Kasuruan wutul an dior-Na.

Roma 4:2

Si Abraham nianggap wutul i Amang Kasuruan ra'ica ampa'paan mengaéma' sé loor. Sa sia nianggap wutul i Amang Kasuruan ampa'paan mengaéma' sé loor, sia awéan alasan e rumayo in owakna in esa. Taan sia ra'ica toro rumayo in owakna an dior i Amang Kasuruan.

Roma 7:21

Anaé, tana'io e mamuali a yaku: Yaku masalé' méma' sé loor, taan si kasalé'-salé'anke' mengaéma' sé léwo' e mai an owakku.

Roma 7:23

taan an owakku awéané' kawasa walina mapetokol wo ing kasalé'anku eng kumiit in ukum i Amang Kasuruan itu. Ang kasomoiana aku rinantéo ing kawasa ing kamesé-meséaan si an untep in owakku.

Roma 7:25

Makapulu'sama' a si Amang Kasuruan ampa'paan Siao en lumowir yaku ampa'paano i Yesus Kristus Apo'ta. Anaé tana'i, en atéku masalé' kumiit in ukum i Amang Kasuruan, taan en owakku pakakawasané' ing kamesé-meséaan.

Roma 8:2

Ampa'paan kita sé meesao ang karapi Kristus Yesus, tumerima i Roh i Amang Kasuruan si méé mai ing katouan weru ai cita. Wo kawasa a si Roh i Amang Kasuruan itu, mekar icita asi kawasa ing kamesé-meséaan si makawali icita am papaté.

Roma 9:11

Wo ra'ipé' itumou sé rua toyaang itu, si Amang Kasuruan tumantuo im pawasa-wasa-Na. En itu ra'ica ampa'paan im pengaémaan é rua toyaang itu, ampa'paan an tutuw sé rua toyaang itu ra'ipé' maéma' sé loor wo sé léwo',

Roma 9:31

Taan sé tou Israel rumaméji makiit in ukum Torat wosama' séra nianggap wutul i Amang Kasuruan. Taan en ukum itu ra'ica kaémaan éra, anaé séra ra'ica nianggap wutul i Amang Kasuruan.

Roma 9:32

Kéitu séra ra'ica nianggap wutul i Amang Kasuruan? Ampa'paan séra rumaméji nianggap wutul i Amang Kasuruan ang karapi i makiit in ukum Torat, taan ra'ica ampa'paan maéman a si Amang Kasuruan. Anaé, séra icasangkil asi watu pengasangkilan wo icalepok.

1 Korintus 4:7

Si séi réén iméma' icamu lumébémai wo sé tou walina? Awéan réén sé mamualio anu miow wo ra'ica asi Amang Kasuruan owo? Pakasa sé anu miow itu asi Amang Kasuruan owo, sa taniitu kéitu réén kamu marayo-rayo in owak tanuoka kéndo' sé mamualio anu miow itu ra'ica aiwéé i Amang Kasuruan?

Galatia 2:16

Taan, kailekan ami ra'ica wana tou mandé esake' si nianggap wutul an dior-Na ampa'paan mengaéma' in ukum Torat. Sé tou nianggap wutul an dior-Na ampa'paan maéman a si Yesus Kristus. Anaé, kami in tou Yahudi ka'i maémano a si Yesus Kristus wosama' kami nianggap wutul an dior i Amang Kasuruan ampa'paan im paémanen, ra'ica ampa'paan i mengaéma' in ukum Torat. Ampa'paan ra'ica wana tou mandé esake' si nianggap wutul i Amang Kasuruan ampa'paan mengaéma' in ukum Torat.

Galatia 3:22

Taan ang Kitap Le'nas aipatic pakasa in tou ang kakawasaan ing kamesé-meséaan. Ampa'paano in itu wayake' sé tou maéman a si Yesus Kristus e ro'na tumerima in janji i Amang Kasuruan itu.