Roma 2:3 - En Taar Weru a nunuwu' é Tontemboan

³ Wo kamu é poo-poow, ipatudu miow sé tou walina sapaoka séra patus in ukumen, tioo mawerot kamu ro'na icawekar an ukuman i Amang Kasuruan ampa'paan kamu in esa mengaéma' sé andumoro im pengaémaan éra.

Roma 2:3 ပူးပေါင်းရင်းမြစ်များ

Matius 23:33

Éi camu tou léwo', eng kaléwo' miow meputé wo si ula' rumacu-racung, ampa'paan kamu taranak é tou léwo'. Tumambisa kamu ro'na icawekar an ukuman in api ra'ica mape'de-pe'del akar ing kauré-uré?

Matius 26:53

Kuma'pa werotenmu réén Aku ra'ica makawoo mekiupus a si Amang-Ku wosama' iru'du'-Na sé malaékat-Na ilumébémai asé sangapulu' rua ngareru' suraro é malaékat e mai tumawang Yaku?

Lukas 12:14

Taan icua i Yesus ai sia, “Éi poow, si séi réén e mangkai Yaku mamuali akim kuma'pa mengawéténg im budel si aitela'u é matu'a miow?”

Lukas 22:58

Wo ra'ica mento' uré, awéan ka'i esa tuama, sérénna si Petrus wo icuana, “Ico ka'i esaan asé makiit si Yesus to?” Taan icua i Petrus, “Ra'ica, ra'ica yaku.”

Lukas 22:60

Taan icua i Petrus ka'i, “Ra'ica, ra'ica kailekanku sapa em pakuamu itu.” An tutuw itu, ang karoro'anna i maroma'pé' wo kumukuko mai si co'ko'.

Roma 1:32

Kailekan éra, sa kumiit in ukum i Amang Kasuruan sé tou mengaéma' in tanu siitu patus ukumen patén. Taan séra mengaéma'ke' taré andumoro' in itu wo ka'i paénan érake' taré sé tou walina sé maéma' in tanu siitu.

Roma 2:1

Éi poo-poow, kailekan iow sapaoka sé tou mengaéma' ing kaléwo'an ukumen oka i Amang Kasuruan. Anaé, si séi réén kamu akar akimen iow sé tou walina? Kamu in esa ka'i ra'ica icawekar ang kameséaan! Ampa'paan sa kamu maakim sé tou walina taan kamu in esa maéma' ing kameséaan tanu iséra, eng kaangéanna kamu imakimo ka'i in owak iow in esa.

Roma 2:2

Kailekanta sa si Amang Kasuruan méé in ukuman a sé tou sé mengaéma' ing kameséaan, em pinusé'-Na itu wutul.

Roma 9:20

Taan kita ra'ica toro kumua in taniitu, kita anio' touke'. Wo kita in tou ra'ica wana hak eng kumua a si Amang Kasuruan sapaoka Sia meséa'. Ro'na réén eng kuré' kumua a si mengaéma' ing kuré, “Kéitu réén aku niéma'mu tana'i?”

1 Tesalonika 5:3

Awéan en orasna sé tou eng kumua in tana'i, “Eng katouanta arui wo elur, ra'ica toro maindé-indé'.” Taan tumarépé'anke'mai séra tenan oka ing kawenduan meputé wo ing kawenduan si pinendam i wéwéné an tutuw i makéré toyaang. Sé tou itu ra'ica wana en icawekar asi kawenduan itu.

Ibrani 12:25

Ampa'paan in ituo, sa si Amang Kasuruan maroma' ai camu tioo ipakélong. Indior sé tou Israel ra'ica mengalinga in taar i Amang Kasuruan sé ipakua i Musa ai séra ang kayo'baan, akar séra makéré in ukuman. Wopé'taré icita anio', sa kita ra'ica mengalinga in taar-Na si an sorga owo, tantu kita ra'ica icaséip an ukuman.

Ibrani 2:3

Sa taniitu, tambisa réén kita? Kita ra'ica toro icawekar an ukuman, sa ra'ica wéanta rékén en abar andumoro' ing kalowiran si lébé pentingai wo in taar itu. Ampa'paan si Apo' Yesus in esa eng kataré-taré makua in abar andumoro' ing kalowiran itu, wo sé tou kataré-taré iluminga in itu, aicuao éra en abar itu ai cita akar kakailekanta sapaoka en abar itu wutul.