Roma 2:24 - En Taar Weru a nunuwu' é Tontemboan

²⁴ Ang Kitap Le'nas awéan aipatic in tana'i, “Ampa'pa- ano kamu tou Yahudi, akar e ngaran i Amang Kasuruan paojaten é tou walina.”

Roma 2:24 ပူးပေါင်းရင်းမြစ်များ

Matius 18:7

Icawangkuro eng kayo'baan ampa'paan kelian sé maéma' sé tou mengaéma' ing kamesé-meséaan. Mémang andumoro' in itu tantu awéan, taan icawangkuro si tou imakawali sé tou walina meséa'!

1 Timotius 5:14

Ampa'paan ituo icasalé'ku sé balu wéwéné wo'basé' wosama' séra masalé'pé' kawéngen sumawel. Sa séra kawéngené' sumawel, séra ro'napé' makéré toyaang wo murus im pamalé éra in esa. Wo in taniitu si kikiiten é sétang ra'- ica wana témpo e maké sé tou e muruk i ngaranta tou maéman.

1 Timotius 6:1

Awéan sé ata maémano a si Yesus, séra itu musti mengasiri' si tuang éra. Wo in taniitu, sé tou sé ra'ica maéman a si Yesus ra'ica wana alasan e mojat i ngaran i Amang Kasuruan wo ka'i in sususuienta.

Titus 2:5

Wo ka'i pasusuian angé sé inang-inang wo'bas itu wosama' menonou maké ing kapinteran asi Casuruan owo, menonou le'nas an dior i Casuruan, re'dem maelur im pamalé, loor en até wo le'tek a si penanaanna. Sa séra mengaéma' in taniitu, en Taar i Amang Kasuruan ra'ica ojaten é tou.

Titus 2:8

An tutuw ko masusui, musti pakénmu sé nunuwu' wutul wo sumoma wosama' ko ra'ica iséro' é tou. Wo in taniitu sé kaséké'mu malawi', ampa'paan ra'ica wana en andumoro' sé ra'ica loor ai cita sé ro'na ipemaa-maar oka éra.

2 Petrus 2:2

Wo kelian sé tou kumiit oka ing katouan é guru ra'ica wutul itu sé makiit ing kasalé'an in owak sé ra'ica loor. Wo ampa'paano sé pinengaéma' éra itu, kelian tou mojat oka in sususuien wutul i Amang Kasuruan.