Roma 2:21 - En Taar Weru a nunuwu' é Tontemboan

²¹ Sé tou walina pasusuian iow, taan kéitu réén kamu ra'ica masusui in owak iow in esa? Em pasusui iow: “Tioo marombit,” kéitu réén kamu in esa marombit?

Roma 2:21 ပူးပေါင်းရင်းမြစ်များ

Matius 21:13

Wo icua-Na ai séra, “Ang Kitap Le'nas awéan en aipatic in tana'i, ‘Em balé-Ku patuulen oka é tou walé pengasombayangan.’ Taan niéma'o miow tampa mauwak sé tou!”

Lukas 11:46

Taan isowat i Yesus ai séra, “Éi kamu sé makailek wutul in Torat, icawangkuro ka'i kamu! Ampa'paan kamu méma' in atoran-atoran uter keli sé ra'ica kaémaan é tou. Taan kamu in esa ra'ica kiim tumawang iséra tumambisa méma' in atoran-atoran itu mandé esake'.

Lukas 12:47

Si ata makailek ing kasalé'an i tuangna taan ra'ica matéi-téir wo ra'ica mengaéma' ing kasalé'an i tuangna, sia makéré oka in ukuman si mute-uter.

Lukas 19:22

Wo icua i tuangna a si ata itu, ‘Éi ata léwo'! Akimenku ko iciit in aicuamu in esa. Kailekanmuo em periku keté, mengaindo si ra'ica anuku wo mengaupu' si ra'ica ayusewku.’

Lukas 4:23

Wo icua i Yesus ai séra, “Tantu icua oka miow a Yaku si andéan anio', ‘Éi dokter, samaano mio' en owak-Mu in esa.’ Icua miow in taniitu ampa'paan liningao miow sapaoka Aku iméma'o ing kakaya'kaan ang kota Kapernaum wo en itu musti émaan-Ku ka'i an doong-Ku in esa.”

1 Korintus 9:27

Pelati-latinku wo kawasanku pakasa en owakku eng kumiit ing kasalé'an i Casuruan. Yaku méma' tanu siitu, wosama' aku ra'ica kaputé wo sé tou aicélong i Amang Kasuruan, taan aku makéré laasa kumawusai aku makua in Abar Kaaruien andumoro' i Yesus Kristus a sé tou.

Galatia 6:13

Séra sé makiit in atoran sunat, ra'ica ka'i paémaan éra waya sé an ukum Torat. Taan icasalé' éra kamu sunaten wosama' séra ro'na tumirayo in owak ampa'paan kamu makiit in atoran sunat.