Roma 2:16 - En Taar Weru a nunuwu' é Tontemboan

¹⁶ Tanu siituo e imamuali asi endo kaka'puan ing kayo'baan sa. Asi endo itu si Amang Kasuruan méé kawasa a si Kristus Yesus e makim waya sé icaenep an até é tou wo sé pawero-weroten é tou. Siituo sé ipakuaku iciit in Abar Kaaruien andumoro' i Yesus Kristus.

Roma 2:16 ပူးပေါင်းရင်းမြစ်များ

Matius 16:27

Ampa'paan si Toyaang i Tou maai oka mewali-wali wo sé malaékat-Na ang kawasa wangko' i Amang-Na. An tutuw itu suliin-Na oka sé tou kiit im pinengaéma' éra.

Lukas 8:17

Ampa'paan ra'ica wana mandé esake' si ipakaenep wo ra'ica ipapaturu' oka wo ra'ica wana sé ipakaenep wo ra'ica kakailekan oka wo ipakua-kua.

Yohanes 12:48

Taan si séike' eng kumélong Yaku wo ra'ica tumerima sé ipakua-Ku, séra ukumen oka i Amang Kasuruan asi endo kaka'puan kiit i nunuwu' sé aicua-Kuo.

Kisah Para Rasul 10:42

Wo ru'du'-Na kami kumua in Abar Kaaruien andumoro' i Yesus Kristus a sé pakasa im bangsa wo masairi sapaoka Sia si aitantuo i Amang Kasuruan e mai makim pakasa sé tou menonoué' wo sé tou imatéo.

Kisah Para Rasul 17:31

Ampa'paan aitantu-Nao asi esa témpo e makim sé tou karapi i ra'ica marapit, wo aituru'-Nao esa Tou mamuali akim. Wo aituru'-Nao en itu a sé pakasa in tou ang karapi in tumou sumawel si Tou itu am papaté.”

Roma 16:25

Irayoo mangé si Amang Kasuruan! Siao e ro'na méma' im paémanen iow makaketer tanu en aituru' an Abar Kaaruien andumoro' i Yesus Kristus si pakua-kuaku. En Abar Kaaruien itu pengakuaku kiit in aituru' i Amang Kasuruan si paene-enep-Na tumo'tolai indior.

Roma 2:5

Taan kamu anio' keté ngaas wo ra'ica kiim mape'dis. Ampa'paano in itu, icamuo in esa e méma' in ukuman iow makaute-uter asi endo kaka'puan ing kayo'baan sa. Asi endo itu oka si Amang Kasuruan tumuru' ing kae'bowan-Na wo mukum waya sé tou ang karapi in da'ica mengarapit.

Roma 3:6

Wo em pakawerot é tou itu suméa'. Ampa'paan, sa si Amang Kasuruan marapitke', tambisa Sia ro'na makim ing kayo'baan anio' sa?

1 Korintus 15:1

Poo-poow, intarépé' casalé'ku en tuma'néi sumawel ai camu en Abar Kaaruien andumoro' i Yesus Kristus si aicuakuo indior ai camu. En Abar Kaaruien itu tinerimao miow wo akar intarépé' pakatimboiané' miow.

1 Korintus 4:5

Ampa'paan in tuo tioo kamu mario-rior en tumantu si esa tou meséa' kuma'pa ra'ica, sa ra'ipé' an témpona. Entoon akar si Apo' Yesus maai sumawel. Sia oka e muka' im pakasa sé pakaenep é tou ang kariréimbengan wo Sia oka ka'i en tumuru' pakasa em pawasa-wasan é tou an até. Asi témpo itu oka ka'i si Amang Kasuruan méé mai i rarayo a sé tou asi esa wo si esa sé patus tumerima i rarayo.

2 Korintus 5:10

Ampa'paano icita im baya uli-ulit sumaru oka an dior i Kristus in akimen wo iesa wo esa tou makéré oka in susuli' kumiit sapa sé pinengaéma'na ang kauré menonou asi kayo'baan anio', loor kuma'pa léwo'.

Galatia 1:11

Poo-poow, si casalé'ku kailekan iow sapaoka en Abar Kaaruien andumoro' i Yesus Kristus si ipakuaku itu ra'ica asé tou owo.

1 Timotius 1:11

En sususuien wutul itu aipatic an Abar Kaaruien andumoro' i Yesus Kristus, si asi Amang Kasuruan wangko' owo si patus parayo. Wo en Abar Kaaruien itu aitokéo a yaku en icua.

2 Timotius 2:8

Ta'néien in sumama-sama' en anio': si Yesus Kristus taranak i Daud, wo maté taan tinou sumawel i Amang Kasuruan. Si anioo en Abar Kaaruien si pakua-kuakuo am bisa-wisa.

2 Timotius 4:1

Si Kristus Yesus maai oka sumawel wo Sia mai kumawasa tanu Kolano. Siao e makim sé tou menonoué' wo sé tou imatéo. Ampa'paano in itu intarépé' an dior i Amang Kasuruan wo si Kristus Yesus, uli-ulit icuaku ai co é Timotius wosama':

2 Timotius 4:8

Yaku, aitu'tulo i Casuruan mahkota ampa'paan aku mengaéma' im butul an dior-Na. E mahkota itu iwéé-Na oka a yaku asi endo Sia mai makim pakasa in tou. E mahkota itu ra'ica yakuke' e ro'na makéré, taan teriman oka ka'i é pakasa in tou sé mengento-ento' Sia maai sumawel ang kayo'baan. Si Casuruanta anio' ulit Akim si ra'ica marapit.

Ibrani 9:27

Kaputé in tou aitantuo mai i Amang Kasuruan wayake' i makasa maté wo kumawus in itu akimen.

1 Petrus 4:5

Taan panowaten éra oka a si Amang Kasuruan si tu'tulo makim pakasa in tou sé menonou wo sé tou imatéo.

2 Petrus 2:9

Anaé, ro'na kailekanta sapaoka si Amang Kasuruan tumawang sé tou sé masiri' Sia an tutuw séra am pangepé'an, wo sume'sek sé tou léwo' in ukumen asi endo Sia mai makim pakasa in tou.