Roma 2:15 - En Taar Weru a nunuwu' é Tontemboan

¹⁵ Anaé, asé peri éra ituo, imééo tuus sapaoka en ukum Torat itu aipatico an até éra. Em pakawerot éra sumangkum mengaséa' in owak in esa, sumangkum ka'i mengawutul in owak in esa, en itu aituru' in até weresi éra.

Roma 2:15 ပူးပေါင်းရင်းမြစ်များ

Yohanes 8:9

An tutuw éra luminga sapa sé aicua-Na itu, séra tumo'tol asé matu'a keli maesa-esa tumela'u in tampa itu. Wo tumela'uio' si Yesus oka in esa wo si wéwéné itu si makatulung an dior-Na.

Kisah Para Rasul 23:1

An tutuw i Paulus aisaru a sé anggota Mahkamah Agama, téintengenna séra wo kumua, “Éi poo-poow, akar asi endo anio' aku menonou ang karapi in até weresi an dior i Amang Kasuruan.”

Kisah Para Rasul 24:16

Ampa'paano in itu, yaku tatap rumaméji menonou ang karapi in até weresi an dior i Amang Kasuruan wo ka'i an dior é tou.

Roma 2:14

Sé tou ra'ica Yahudi, séra ra'ica makailek in ukum Torat. Taan sa émaan éra tanu en aiperénta an ukum Torat ampa'paan ing kasalé'an éra in esa, en itu itumuru' sapaoka en até éra makaileko si wisa si ro'na émaan wo si wisa si ra'ica toro émaan, mandé ka'i en ukum Torat itu ra'ipé' kailekan éra.

Roma 2:27

Wo in taniitu sé tou ra'ica Yahudi mandé séra ra'ica sinunat, taan sa séra mengaéma' in ukum Torat, séra oka en tumuru' ing kameséaan iow tou Yahudi. Ampa'paan kamu, mandé sinunato taan ra'ica mengaéma' in ukum Torat sé aipatico itu.

Roma 9:1

Sapa en icuaku anio' wutul, ampa'paan aku meesao ang karapi i Kristus. Yaku ra'ica matowo. En até weresiku si pakaakinen i Roh Le'nas méé kasairian,

2 Korintus 1:12

Kami marayo, sapaoka eng katouan ami asi cayo'baan anio', linangkoio ami ang karapi in lekep en até wo rondor en até. Kami menonou tanu siitu wuntulke' im paesaan wo icamu. Siituo eng kasairian in até weresi ami. Niéma' ami en itu, ra'ica ang karapi ing kapinteran é tou, taan ang karapi in upus aitambér i Amang Kasuruan.

2 Korintus 5:11

Kailekan ami sapa eng kaangéan i maindé' a si Amang Kasuruan, ampa'paan in iituo raméjin ami méé ing kapercayaan a sé tou andumoro' in owak ami. Kailekan wutul i Amang Kasuruan sé an untep in até ami. Wo paarapenku kakailekan iow en até ami.

1 Timotius 4:2

Sé tou mengasusui in sususuien mengasélé'kow itu, séra itu punek wo kotowo. En até weresi éra itu imariréimbengo.

Titus 1:15

A sé tou le'nas an dior i Casuruan, sapake' waya en émaanna le'nas. Taan sé tou najis wo sé ra'ica maéman a si Casuruan, em pawasan wo em pengaémaan éra ra'ica loor ampa'paan en até wo em bewerot éra najis.