Roma 2:14 - En Taar Weru a nunuwu' é Tontemboan

¹⁴ Sé tou ra'ica Yahudi, séra ra'ica makailek in ukum Torat. Taan sa émaan éra tanu en aiperénta an ukum Torat ampa'paan ing kasalé'an éra in esa, en itu itumuru' sapaoka en até éra makaileko si wisa si ro'na émaan wo si wisa si ra'ica toro émaan, mandé ka'i en ukum Torat itu ra'ipé' kailekan éra.

Roma 2:14 ပူးပေါင်းရင်းမြစ်များ

Kisah Para Rasul 10:35

Teriman-Na waya sé tou am pakasa im bangsa sé maapo' ai Sia wo sé mengaéma' im butul.

Kisah Para Rasul 14:16

Indior aiwaya i Amang Kasuruan pakasa sé bangsa menonou makiit in lalan éra i esa wo i esa.

Kisah Para Rasul 17:30

Indior ra'ipé' kailekan é tou tambisa en lalan kumiit si Amang Kasuruan, wo pakasa en itu ra'io ka'i ta'néien-Na. Taan intarépé' pinerénta-Nao wosama' am bisa-wisake' pakasa en tou musti mape'dis ang kaléwo-léwo'an.

Roma 1:32

Kailekan éra, sa kumiit in ukum i Amang Kasuruan sé tou mengaéma' in tanu siitu patus ukumen patén. Taan séra mengaéma'ke' taré andumoro' in itu wo ka'i paénan érake' taré sé tou walina sé maéma' in tanu siitu.

Roma 2:12

Sa sé tou ra'ica Yahudi méma' ing kamesé-meséaan taan séra ra'ica makailek in ukum Torat, séra makéré oka ukuman ra'ica iciit in atoran-atoran an ukum Torat. Wo sé tou Yahudi sé makailek in atoran-atoran an ukum Torat wo mengaéma' ing kamesé-meséaan, séra ukumen oka iciit in atoran-atoran an ukum Torat.

Roma 2:15

Anaé, asé peri éra ituo, imééo tuus sapaoka en ukum Torat itu aipatico an até éra. Em pakawerot éra sumangkum mengaséa' in owak in esa, sumangkum ka'i mengawutul in owak in esa, en itu aituru' in até weresi éra.

Roma 2:27

Wo in taniitu sé tou ra'ica Yahudi mandé séra ra'ica sinunat, taan sa séra mengaéma' in ukum Torat, séra oka en tumuru' ing kameséaan iow tou Yahudi. Ampa'paan kamu, mandé sinunato taan ra'ica mengaéma' in ukum Torat sé aipatico itu.

1 Korintus 11:14

Sa sé tuama makawuuk lambot, eng kanaramen ipakuata ra'ica patus a sé tuama.

1 Korintus 9:21

Taniitu ka'i, an tutuwku mewali-wali wo sé tou ra'ica Yahudi, sé ra'ica makiit in ukum Torat, émaanku eng katouanku meputé wo iséra. Émaanku taniitu wosama' ro'na akinenku sé tou ra'ica Yahudi a si Kristus. Anaé, aku ra'ica toro ipeputé tanu tou sé ra'ica makiit im perénta-perénta i Amang Kasuruan, taan aku uli-ulit maéma' im perénta i Kristus.

Efesus 2:12

An tutuw itu kamu ra'ipé' maéman a si Kristus. Kamu ra'ipé' aicauntep a sé tou sé sinisir i Amang Kasuruan wo ra'ica tumerima pakasa sé aijanji-Na a sé tou-Na Israel. Wo kamu menonou ang kayo'baan anio' ra'ica wana em paarapen wo ka'i ra'ica makatuus si Amang Kasuruan.

Efesus 2:3

En ulitna indior icita im baya ka'i meputé wo sé tou ra'ica le'tek itu, ampa'paan kita makiité' ing kasalé'an in owak sé ra'ica wutul, asalo maarui in owak wo asalo memero-merot in léwo'. Kita anio' sé tou patus ukumen i Amang Kasuruan kaputé é tou walina.

Filipi 4:8

Anaé, é poo-poow, icuaku mangé ai camu, pakasa sé paanggapen wutul i Amang Kasuruan, pakasa e rarayo wo in sisiri', pakasa sé ra'ica marapit, pakasa sé le'nas, pakasa sé loor, pakasa sé manam pengalingan, pakasa sé patus paangkaian im bawangko' wo patus iparayo, weroteno mangé sumama-sama' en itu.