Roma 2:13 - En Taar Weru a nunuwu' é Tontemboan

¹³ Ampa'paan ra'ica sé tou e malinga in ukum Torat sé wutul an dior i Amang Kasuruan, taan sé tou mengaéma' in atoran-atoran an ukum Torat ituo sé anggapen wutul an dior i Amang Kasuruan.

Roma 2:13 ပူးပေါင်းရင်းမြစ်များ

Lukas 18:14

Icua-Ku ai camu: An tutuw si tou matagi im pajak itu maréng am baléna, sia si nianggap wutul i Amang Kasuruan, taan si tou ang golongan Farisi itu ra'ica. Ampa'paan si séi e mengarangka' in owak, sia iwawa' oka. Wo si séike' e mengawawa' in owak, sia iparangka-rangka' oka.”

Lukas 8:21

Taan icua i Yesus ai séra, “Sé tou iluminga wo sé mengaéma' in Taar i Amang Kasuruan, sérao si inang-Ku wo sé mepoow wo Yaku.”

Yohanes 13:17

Kailekano miow waya sé aisusui-Ku anio', anaé sa kiiten iow sé ipasusui-Ku, kamu kamangen oka.

Kisah Para Rasul 13:39

Anaé, si séi si maéman a si Yesus, nianggap wutul i Amang Kasuruan.

Roma 10:5

Indior aipatico i Musa in andumoro' é tou sé nianggap wutul ampa'paan mengakiit in ukum Torat tana'i: “Sé tou le'tek mengaéma' in ukum Torat, séra menonou oka akar ing kauré-uré ampa'paan in ukum Torat itu.”

Roma 2:25

Pakasa sé tou Yahudi sinunato. Sa kamu le'tek mengaéma' in ukum Torat, en sunat itu awéan torona. Taan sa kamu ra'ica mengaéma' in ukum Torat, en sunat iow itu ra'ica wana torona ai camu.

Roma 3:20

Ampa'paan ra'ica wana tou mandé esake' sé nianggap wutul an dior i Amang Kasuruan ampa'paan mengaéma' in ukum Torat. Taan, ampa'paano taré in ukum Torat ituo sé tou makailek ing kamesé-meséaan.

Roma 3:23

Pakasa en tou iméma'o ing kamesé-meséaan, akar séra ra'ica makéré im bagéan a rarayo wo in sisiri' i Amang Kasuruan.

Roma 3:30

ampa'paan Si Amang Kasuruan wayake' in esa. Anggapen-Na wutul sé tou Yahudi wo ka'i sé tou walina ampa'paano im paémanen éra.

1 Korintus 4:4

Pawerotenku, aku ra'ica wana kaséaan sapa-sapa, taan en itu ra'ica mamuali tuus sapaoka aku wutu-wutul ra'ica meséa. Si Apo' Yesuske' in esa en tumantu mai yaku meséa' kuma'pa ra'ica.

Galatia 2:16

Taan, kailekan ami ra'ica wana tou mandé esake' si nianggap wutul an dior-Na ampa'paan mengaéma' in ukum Torat. Sé tou nianggap wutul an dior-Na ampa'paan maéman a si Yesus Kristus. Anaé, kami in tou Yahudi ka'i maémano a si Yesus Kristus wosama' kami nianggap wutul an dior i Amang Kasuruan ampa'paan im paémanen, ra'ica ampa'paan i mengaéma' in ukum Torat. Ampa'paan ra'ica wana tou mandé esake' si nianggap wutul i Amang Kasuruan ampa'paan mengaéma' in ukum Torat.

Galatia 5:4

Sa kamu rumaméji nianggap-Na wutul ampa'paan mengaéma' in ukum Torat, kamu aicatanéo wo si Kristus. Wo in taniitu icélong iow en upus aitambér i Amang Kasuruan.

Yakobus 1:27

Taan imaapo' im butul wo lekep an dior i Casuruan Amangta, tanu si anio': Tumawang sé toyaang ula wo sé wéwéné balu ang kasusaan éra wo matéir in owak wosama' ra'ica kumiit ing kasalé'an ing kayo'baan anio'.

1 Yohanes 2:29

Sa kailekan iow Sia itu wutul, musti ka'i kailekan iow sa sé tou sé mengaéma' im butul, séra ituo sé toya-toyaang i Amang Kasuruan.

1 Yohanes 3:7

Toya-toyaangku, kamu ra'ica toro isélé'kow é tou walina. Séi si maéma' im butul, sia itu tou wutul puté wo si Kristus itu wutul.