Roma 2:12 - En Taar Weru a nunuwu' é Tontemboan

¹² Sa sé tou ra'ica Yahudi méma' ing kamesé-meséaan taan séra ra'ica makailek in ukum Torat, séra makéré oka ukuman ra'ica iciit in atoran-atoran an ukum Torat. Wo sé tou Yahudi sé makailek in atoran-atoran an ukum Torat wo mengaéma' ing kamesé-meséaan, séra ukumen oka iciit in atoran-atoran an ukum Torat.

Roma 2:12 ပူးပေါင်းရင်းမြစ်များ

Matius 11:22

Taan icua-Ku mangé ai camu, a si endo kaka'puan ing kayo'baan, en ukuman iow lébé uter wo in ukuman é tou ang kota Tirus wo en Sidon.

Matius 11:24

Taan icua-Ku mangé ai camu: Asi endo kaka'puan ing kayo'baan, en ukuman iow lébé uterai wo in ukuman é tou an Sodom itu.”

Yohanes 19:11

Isowat i Yesus, “Ico ra'ica makaanu kawasa sapa-sapa a Yaku sa eng kawasa itu ra'ica aiwéé mai ai co an dangka' owo. Ampa'paan in itu si tou sumarakan Yaku ai co, eng kamesé-meséaanna lébé uter wo eng kamesé-meséaanmu.”

Kisah Para Rasul 2:23

Si Yesus anio' aisarakano i Amang Kasuruan ai camu kiit im basa-Na. Wo Sia aisalip wo pinatéo miow ang karapi in sumarakan Sia a sé tou sé ra'ica makiit in ukum.

Roma 1:32

Kailekan éra, sa kumiit in ukum i Amang Kasuruan sé tou mengaéma' in tanu siitu patus ukumen patén. Taan séra mengaéma'ke' taré andumoro' in itu wo ka'i paénan érake' taré sé tou walina sé maéma' in tanu siitu.

Roma 4:15

En ukum Torat itu makawalike' sé tou in ukumen i Amang Kasuruan, ampa'paan ra'ica kawooan éra méma' in itu. Taan sa woo en ukum Torat ra'ica iwéé i Amang Kasuruan, ra'ica wana tou e mengaéma' ing kameséaan.

Roma 8:3

En ukum Torat ra'ica kawisa lumowir icita, ampa'paan kita makiit in ukum Torat si ra'ica kaémaanta. Taan niéma'o i Amang Kasuruan si ra'ica kaémaan in ukum Torat. Sia mutuso mai si Toyaang-Na in esa ang kayo'baan anio' mamuali tou tanu iméma'o ing kamesé-meséaan wo imaté e mekar sé tou iméma' ing kamesé-meséaan. Wo ampa'paan im papaté i Toyaang-Na itu, kinala-Nao eng kawasa ing kamesé-meséaanta in tou.

1 Korintus 9:21

Taniitu ka'i, an tutuwku mewali-wali wo sé tou ra'ica Yahudi, sé ra'ica makiit in ukum Torat, émaanku eng katouanku meputé wo iséra. Émaanku taniitu wosama' ro'na akinenku sé tou ra'ica Yahudi a si Kristus. Anaé, aku ra'ica toro ipeputé tanu tou sé ra'ica makiit im perénta-perénta i Amang Kasuruan, taan aku uli-ulit maéma' im perénta i Kristus.

Galatia 3:10

Taan sé tou rumaméji mamuali wutul an dior i Amang Kasuruan ang karapi i mamangén asi mengaéma' in ukum Torat, séra itu kutuken oka tanu ukuman i Amang Kasuruan. Ampa'paan ang Kitap Le'nas aipatic in tana'i, “Si séi si ra'ica le'tek mengaéma' im pakasa in atoran ang kitap Torat, sia itu ukumen oka im patén i Amang Kasuruan.”

Galatia 3:22

Taan ang Kitap Le'nas aipatic pakasa in tou ang kakawasaan ing kamesé-meséaan. Ampa'paano in itu wayake' sé tou maéman a si Yesus Kristus e ro'na tumerima in janji i Amang Kasuruan itu.

Yakobus 2:10

Ampa'paan si séi eng kumiit im pakasa in ukum i Amang Kasuruan taan esake' en da'ica émaanna, sia sumangkalo pakasa in ukum itu.