Roma 16:6 - En Taar Weru a nunuwu' é Tontemboan

⁶ Icuao ka'i mangé en siri'ku a si Maria, sia itu uli-ulit tumawoio mai repet torona miow.

Roma 16:6 ပူးပေါင်းရင်းမြစ်များ

Matius 27:55

Wo am bitu ka'i kelian wéwéné sé makaséré an tayang, sérao sé wéwéné makii-kiit si Yesus tumo'tolke' mai ang Galilea owo e sumelewir Sia.

Matius 5:47

Sa kamu mengawéé in siri' a sé poo-poow iowke', sapa eng kalébéana wo em pengaémaan é tou walina? Ra'ica réén sé bangsa ra'ica makatuus si Amang Kasuruan mengaéma' ka'i in taniitu?

Roma 16:12

Icuao ka'i mangé en siri'ku a si Trifena wo si Trifosa si tumawoio mai repet torona i Apo' Yesus. Wo siri'ku ka'i a si Persis si icaupusku. Sia ka'i uli-ulit tumawoio mai repet torona i Apo' Yesus.

Roma 16:5

Icuao ka'i mangé en siri'ku a sé jamaat sé mengali'usai maapo' am balé i Priskila wo si Akwila. Icuao ka'i mangé en siri'ku a si Epenetus, si poow an esa paémanen si icaupusku, siao si tou kataré-taré maéman a si Kristus an Asia.

Roma 16:7

Icuao ka'i mangé en siri'ku a si Andronikus wo si Yunias sé poo-poowku tou Yahudi kaputéku. Séra in dua maémano a si Yesus Kristus an tutuw aku ra'ipé' maéman. Séra in dua uli-ulit katuusan an uner é ruru'du'an i Apo' Yesus wo sumangkumo a yuntep am bui mewali-wali wo yaku.

1 Tesalonika 5:12

Poo-poow, pangileken ami ai camu wosama' pasiriin angé sé tou an uner iow sé matawoi mauli-ulit torona i Casuruan. Séra mengaakin icamu wo masina'u icamu kumiit ing kasalé'an i Casuruan.

1 Timotius 5:10

wo kailekan ka'i é tou sapaoka sia matawoi in loor tanumai: pengaurusenna in sama' sé toyaangna, pengasungkulenna in sama' sé tou mengaai am baléna, pengaselewiranna in sama' sé tou maéman wo pengatawangenna sé tou ang kasusaan wo mengéma-ngéma' in loor a sé pakasa in tou.