Roma 16:3 - En Taar Weru a nunuwu' é Tontemboan

³ Icuao mangé en siri'ku a si Priskila wo a si penanaanna Akwila. Séra in dua kara-karapiku matawoi torona i Kristus Yesus.

Roma 16:3 ပူးပေါင်းရင်းမြစ်များ

Kisah Para Rasul 18:26

Wo ang karapi in da'ica wana kaindé'an tumo'tolo si Apolos masusui am balé paapo'an é agama Yahudi. Kelinga i Priskila wo si Akwila sé ipasusuina wo uwasen éra sia mangé am balé éra. Am bitu icua éra i makakii-kiit ai sia andumoro' im basa i Amang Kasuruan en lumowir sé tou.

Roma 16:10

Icuao ka'i mangé en siri'ku a si Apeles. Sia uli-ulit le'tek a si Kristus mandé ka'i meta'up ing keli pangepé'an. Wo icuao ka'i mangé en siri'ku a sé tou am balé i Aristobulus.

Roma 16:4

Séra in dua misi oka maté an tutuw séra tumawang yaku. Yaku ka'i kumua i makapulu'sama' ai séra in dua, taniitu ka'i pakasa sé jamaat ra'ica tou Yahudi méé ka'i mai i makapulu'sama' ai séra.

Roma 16:7

Icuao ka'i mangé en siri'ku a si Andronikus wo si Yunias sé poo-poowku tou Yahudi kaputéku. Séra in dua maémano a si Yesus Kristus an tutuw aku ra'ipé' maéman. Séra in dua uli-ulit katuusan an uner é ruru'du'an i Apo' Yesus wo sumangkumo a yuntep am bui mewali-wali wo yaku.

Roma 16:9

Icuao ka'i mangé en siri'ku a si Urbanus si carapita matawoi mewali-wali torona i Kristus. Wo icuao ka'i mangé en siri'ku a si Stakhis si icaupusku.

Roma 8:1

Intarépé', kita sé meesao ang karapi i Kristus Yesus ra'io ka'i ukumen i Amang Kasuruan.

Roma 8:11

Sa e Roh i Amang Kasuruan si tumou sumawel si Yesus an uner é tou maté maento' an untep in owak iow, eng kaangéanna en owak iow si ro'na maté itu, touen oka ka'i sumawel i Roh i Amang Kasuruan si tumouo sumawel si Yesus Kristus an uner é tou maté.

Roma 8:2

Ampa'paan kita sé meesao ang karapi Kristus Yesus, tumerima i Roh i Amang Kasuruan si méé mai ing katouan weru ai cita. Wo kawasa a si Roh i Amang Kasuruan itu, mekar icita asi kawasa ing kamesé-meséaan si makawali icita am papaté.

1 Korintus 16:16

Ampa'paan in ituo, pangilekenku ai camu, wosama' pengalingan iow sé tou tanu siitu wo ka'i a sé tou walina sé matawoi wo maselewir mewali-wali wo iséra.

1 Korintus 16:19

Sé jamaat am bia'i an Asia Teké' méé in siri' ai camu. Si Akwila wo si Priskila penanaanna, ang karapi é jamaat sé mengali'us am balé éra ka'i méé mai makapulu-pulu' siri' ai camu ang karapi i ngaran i Casuruan.

2 Korintus 12:2

Katuusanku si esa tou maéman a si Kristus, sia tumarépé'anke'mai icaangkai angé asi salé' katelu an sorga sangapulu' epat ngata'un ilumangkoio. Ra'ica kailekanku en owakna wutu-wutul icaangkai angé kuma'pa en itu asalo ipapaturu'an, si Amang Kasuruanke' e makailek.

2 Korintus 5:17

Anaé, si séike' si maesao wo si Kristus, sia wutu-wutul mamualio tou weru. Em peri ing katouan uré ra'io wana ka'i. Pakasa eng katouanna imaweruo waya.

Galatia 1:22

Akar asi témpo itu sé jamaat maéman a si Kristus an Yudea ra'ipé' kawisa isuméré ing gioku.

Filipi 2:25

Wo anggapenku ka'i perlu yutus angé sumawel si Epafroditus ai camu si aicirim iow en sumelewir ing kaperluanku. Sia imamuali poow an esa paémanen wo katawoiku mengakua in Abar Kaaruien andumoro' i Yesus Kristus wo mewali-wali maraméji méma' in tawoien si airu'du' i Amang Kasuruan.

Kolose 4:11

Si Yesus si patowan éra Yustus, méé ka'i mai in siri' ai camu. An uner é tou Yahudi am bia'i sé maémano a si Yesus Kristus, wayake' séra in telu sé matawoi ang karapiku torona ing kakolanoan i Amang Kasuruan. Séra wutu-wutul e miboro yaku.

2 Timotius 4:19

Timotius, icuao mio' en siri'ku a si Priska, a si Akwila wo a sé taranak i Onesiforus.