Roma 16:22 - En Taar Weru a nunuwu' é Tontemboan

²² Si matic in surat i Paulus anio' yakuo si Tertius, yaku ka'i méé in siri' ai camu ang kerapi ingaran i Casuruan.

Roma 16:22 ပူးပေါင်းရင်းမြစ်များ

Roma 16:8

Icuao ka'i mangé en siri'ku a si Ampliatus si icaupusku ang kerapi ngaran i Apo' Yesus.

1 Korintus 16:21

En siri' anio' kamaku in esa imatic: Siri' a yaku owo Paulus.

Galatia 6:11

Séréno sumama-sama' en uru-urup sela anio'. Yakuo si matic im bagéan anio' maké ing kamaku in esa.

Kolose 3:17

Wo sapake' mangé en émaan iow kuma'pa icua miow, émaano mangé waya en itu kumiit ing kasalé'an i Apo' Yesus, ang karapi i makua makapulu'sama' a si Amang Kasuruan, Amangta, ampa'paano i Yesus Kristus.

Kolose 4:18

Yaku Paulus ka'i méé mai in siri' ai camu. En siri' anio' yaku in esa e matic. Ta'néien iow angé sapaoka aku an untepé' im bui! Isombayangku sa woo ro'na en upus aitambér i Amang Kasuruan mewali-wali wo icamu.

2 Tesalonika 3:17

En siri' anio' a yaku owo, Paulus. En siri' anio' aipaticku ing kamaku in esa. Pakasa en surat aipaticku maké in tuus tanu siitu. Siituo en tuusna sapaoka en surat itu wutu-wutul a yaku owo.

Filemon 1:19

Yaku Paulus, kamakuo in esa e matic in anio': “Yaku oka en tumu'bus pakasa in utang i Onesimus.” Wo ra'io sangali ita'néiku sapaoka ko awéan utang a yaku e makawali ico makéré ing katouan weru an tutuw ko mamualio tou maéman.