Roma 16:20 - En Taar Weru a nunuwu' é Tontemboan

²⁰ Wo si Amang Kasuruan, si palemboian ing kaeluran, makala'us tumeri si kikiiten é sétang an darem ing kécéi miow sa. Wo pekiupusenku en upus aitambér i Yesus Kristus Apo'ta mewali-wali oka wo icamu.

Roma 16:20 ပူးပေါင်းရင်းမြစ်များ

Matius 4:10

Taan icua i Yesus ai sia, “Mangém ko, é kikiiten é sétang! Ang Kitap Le'nas aipatic in tana'i, ‘Ico musti kumuru en sumiri' a si Casuruan, si Amang Kasuruanmu, wo wayake' Sia em patus pengaselewiranmu.’ ”

Lukas 10:19

Wéan rékén sumama-sama', winéan-Kuo kawasa kamu en luméak si ula' rumacu-racung wo si kalajengking wosama' ka'i ro'na kalan iow pakasa eng kawasa i kikiiten é sétang, akar ra'ica wana e ro'na méma' icamu cawangkur.

Roma 15:33

Pekiupusenku woo a si Amang Kasuruan si palemboian ing kaeluran, mewali-wali oka wo icamu im baya. Ulit.

Roma 16:23

Si Gayus ka'i méé mai in siri' ai camu. Yaku si Paulus winéanna kaloasan mento' am baléna, taniitu ka'i sé jamaat ami mengali'us maapo' am baléna. Si Erastus si tinokéan mengaurus in doit ing kota, wo si Kwartus poowta esa paémanen méé ka'i in siri' ai camu. [

Roma 16:24

En upus aitambér i Yesus Kristus, Apo'ta, mewali-wali wo icamu im baya. Ulit.]

Roma 8:37

Taan mandé pakasa en itu sangkumenta, kita tantu uli-ulit muntung ampa'paan si Kristus imupuso icita.

1 Korintus 16:23

En upus tatambér i Apo' Yesus mewali-wali wo icamu.

Galatia 6:18

Poo-poow, pekiupusenku sa woo ro'na en upus aitambér i Apo'ta Yesus Kristus mewali-wali wo i roh miow! Ulit.

Filipi 4:23

Yaku sumombayang wosama' en upus tatambér i Apo' Yesus Kristus mewali-wali wo i roh miow!

1 Tesalonika 5:28

Pekiupusen ami a si Yesus Kristus Apo'ta wosama' tumambérai ing kamang ai camu.

2 Tesalonika 3:18

Pekiupusenku wosama' si Yesus Kristus, Apo'ta tumambérai in upus-Na ai camu im baya.

2 Timotius 4:22

Pangilekenku wosama' si Casuruan mewali-wali wo ico. Pangilekenku ka'i wosama' si Casuruan tumambérai in upus-Na ai camu im baya.

Filemon 1:25

En upus aitambér i Apo' Yesus Kristus mewali-wali wo icamu!

1 Yohanes 3:8

Taan si séi si mengéma-ngéma'pé' ing kamesé-meséaan, sia itu anu i kikiiten é sétang, ampa'paan si kikiiten é sétang itu tumo'tolke' mai indior mengéma-ngéma' ing kamesé-meséaan. Taan si Toyaang i Amang Kasuruan maai en tumeri im pakasa sé pengaémaan i kikiiten é sétang.

Wahyu 12:10

Wo kalingaanku en suara taangko' keli an sorga owo makua in tana'i, “Intarépé' imayo eng kalowiran asi Amang Kasuruan wo Sia tumuru' ing kawasa-Na wo merénta tanu Kolanota. Wo ka'i en témpona i Kristus si sinisir-Na tumuru' ing kakawasaan-Na. Ampa'paan si kikiiten é sétang aiténdélo ang kayo'baan, sia itu si menudu-nudu sé poo-poowta an esa paémanen endo wo em bengi an dior i Amang Kasuruan.

Wahyu 22:21

En upus aitambér i Apo' Yesus mewali-wali wo icamu im baya! Ulit.