Roma 16:19 - En Taar Weru a nunuwu' é Tontemboan

¹⁹ Pakasa en tou ilumingao in abar sapaoka kamu le'tek a si Amang Kasuruan, anaé aku uli-ulit arui ampa'paan icamu. Mandé in taniitu, pangilekenku wosama' kamu keli eng kailekan torona mengaéma' sé loor wo ra'ica makailek maéma' sé léwo'.

Roma 16:19 ပူးပေါင်းရင်းမြစ်များ

Matius 10:16

“Wéan rékén en anio'! Yutus-Ku kamu mangé tanuoka sé domba an uner é serigala. Ampa'paan in itu kamu musti mapinte-pinter tanu ula', wo lekep en até tanu mombo.

Lukas 10:3

Anaé, mangémo! En ulitna yutus-Ku kamu mangé, tanuoka ana' i domba an uner é serigala.

Roma 1:8

Kataré-taré aku kumua i makapulu'sama' a si Amang Kasuruanku ang karapi i ngaran i Yesus Kristus, ampa'paan kamu uli-ulit maéman akar keli en tou am bisa-wisa ang kayo'baan makaileko in andumoro' im paémanen iow.

1 Korintus 14:20

Poo-poow! Tioo em pakawerot iow tanuoka sé toyaangé' teké', wo mamualio toyaang teké' andumoro' ing kaléwo'an. Taan em pakawerot iow musti mamuali tanu in tou wangkoo.

Efesus 5:17

Ampa'paan in itu tioo mamuali tou bodok, taan rumaméjio mangé makailek sapa si casalé' i Casuruan.

Filipi 1:9

Wo si anioo en sombayangku, wosama' en upus iow a si Amang Kasuruan wo sé kakélé tou makaawes, wo makaawes ka'i eng kakailekan wutul andumoro' si wisa si wutul wo si wisa si ra'ica wutul,

Filipi 2:15

wosama' kamu menonou ang karapi in até weresi wo ra'ica wana kaséaan. Wo in taniitu, ituru' miow sapaoka kamu toya-toyaang i Amang Kasuruan sé ra'ica wana kaséaan an uner é tou léwo' wo a sé tou icasélé'kow. Anaé icamu oka e mamuali sendot an unér éra kaputé sé sumesendot mengatélang an untep ing kayo'baan.

Kolose 3:16

Wo iwayao e nunuwu' i Kristus kasake' an até miow ang karapi i mawuta-wuta akar kamu si esa wo si esa ro'na mensun-susuian wo mensin-sina'uan ang karapi wuta ing kapinteran asi Amang Kasuruan owo. Wo icantaro mangé e mazmur, kakantaren rarayoan wo kakantaren rohani wo mawéé mangé i makapulu'sama' a si Amang Kasuruan si lumembo mai an até miow.