Roma 16:13 - En Taar Weru a nunuwu' é Tontemboan

¹³ Icuao ka'i mangé en siri'ku a si Rufus. Sia tou si sinisir ampa'paan im paémanenna a si Apo' Yesus. Wo icuao ka'i mangé en siri'ku a si inangna si nianggapkuo inangku in esa.

Roma 16:13 ပူးပေါင်းရင်းမြစ်များ

Matius 20:16

Taniituo ka'i e mamuali sa, sé tou kumataré-taré mamuali oka tou sumomo-somoi, wo sé tou sumomo-somoi mamuali oka tou kumataré-taré.”

Markus 15:21

An tutuw itu, séra meta'up wo si esa tou makangaran Simon. Sia tou Kirene, amang i Aleksander wo si Rufus. Sia meunte-untepé' mangé ing kota Yerusalem wo leséén é suraro sia muléng in salip i Yesus.

Markus 3:35

Si séike' si mengaéma' ing kasalé'an i Amang Kasuruan, siao si poow tuama wo poow wéwéné wo inang-Ku.”

Yohanes 15:16

Ra'ica icamu en isumisir Yaku, taan Yakuo en isumisir icamu mamuali murit-Ku. Kamu winéan-Kuo tawoien, wosama' kamu mangé wo méé wua'na kumeli-keli sé ra'ica maka'pu. Anaé, sapake' em pangileken iow a si Amang-Ku a ngaran-Ku, en itu iwéé-Na oka ai camu.

Yohanes 19:27

Wo icua-Na a si murit icaupus-Na itu, “Si anioo si inangmu!” Tumo'tolke' asi tempo' itu, si inang i Yesus tinerima i murit itu mento' am baléna.

Roma 16:12

Icuao ka'i mangé en siri'ku a si Trifena wo si Trifosa si tumawoio mai repet torona i Apo' Yesus. Wo siri'ku ka'i a si Persis si icaupusku. Sia ka'i uli-ulit tumawoio mai repet torona i Apo' Yesus.

Roma 16:14

Wo icuao ka'i mangé en siri'ku a si Asinkritus, Flegon, Hermes, Patrobas, Hermas wo a sé pakasa sé poo-poow esa paémanen sé mewali-wali wo iséra.

Efesus 1:4

Ra'ipé' niéma' i Amang Kasuruan eng kayo'baan anio', sinisir-Nao kita wosama' meesa ang karapi i Kristus wo mamuali anu-Na si ra'ica wana kaséaan sapa-sapa an dior-Na.

2 Tesalonika 2:13

Poo-poow sé icaupus i Casuruan! Kami mengua-ngua i makapulu'sama' a si Amang Kasuruan andumoro' icamu, ampa'paan sinisir-Nao kamu asi kataré-taré en lowiren. Wo eng kalowiran itu mamuali ai camu, ampa'paan tatawoi i Roh Le'nas, si lume'nas icamu wo ampa'paan kamu maéman in sususuien wutul i Amang Kasuruan.

1 Timotius 5:2

Taniitu ka'i wo sé wéwéné sé matu'a mai ai co. Musti sina'uenmu mangé in sama' séra tanu ko manuwu' a si inangmu in esa. Wo sé mangala'un, sina'uenmu mangé ka'i séra ang karapi ing kale'nasan in atému tanu ko manuwu' a si tuarimu in esa.

2 Yohanes 1:1

En surat anio' a yaku owo si penatua an jamaat. Ipaticku en surat anio' a si inang si sinisir i Amang Kasuruan, wo ka'i a sé toyaang i inang sé icaupusku kumiit in sususuien wutul i Amang Kasuruan. Wo ra'ica yakuke' e mengaupus icamu, taan pakasa in tou sé makailek in sususuien wutul mengaupus camu.