Roma 16:1 - En Taar Weru a nunuwu' é Tontemboan

¹ An suratku anio' aicuaku andumoro' si poowta wéwéné an esa paémanen makangaran Febe wosama' sia katuusan iow. Sia mengaselewir sé jamaat ang Kengkrea.

Roma 16:1 ပူးပေါင်းရင်းမြစ်များ

Matius 12:50

Ampa'paan si séike' si mengaéma' ing kasalé'an i Amang-Ku an sorga, siao si poow-Ku tuama, poow-Ku wéwéné wo inang-Ku.”

Markus 10:30

si tou itu, an jaman anio'ke' makéré oka sumawel sangaatus lumepet: walé, kapetuari tuama kuma'pa wéwéné, inang, toyaang wo uma, mandé ka'i meta'up in okoi, wo an jaman mengangai kéréanna oka eng katouan akar ing kauré-uré.

Lukas 8:3

Wo awéan ka'i si wéwéné makangaran Yohana penanaan i Khuza. Si Khuza anio', kikiiten mengaurus in doit i colano Herodes. Wo awéan ka'i si Susana wo keli sé wéwéné walina. Séra mengaselewir a si Yesus wo sé murit-Na mapaké ing kasiyaan éra.

Kisah Para Rasul 18:18

Si Paulus mento'pé' ka'i piraan ngando ang Korintus. Wo sia mekiupus en tumela'u sé poo-poow maéman am bitu wo suméngkot angé an sangkum in Siria mewali-wali wo si Priskila wo si Akwila. Ra'ipé' mangé am bitu, si Paulus kumunting im buukna akar i mala'ngas ang kota Kengkera. Sia méma' in taniitu e mamuali tuus in janjina indior a si Amang Kasuruan, niéma'nao.

2 Korintus 3:1

Paweroten iow réén kami marayo in owak ami ka'i? Ra'ica taniitu em paémaan ami. Awéan piraan tou maperlu in surat kaloasan e mangé ituru' ai camu, kuma'pa surat aipatic iow paalin angé an tampa walina. Taan icami ra'ica maperlu sé surat tanu siitu.

1 Timotius 5:2

Taniitu ka'i wo sé wéwéné sé matu'a mai ai co. Musti sina'uenmu mangé in sama' séra tanu ko manuwu' a si inangmu in esa. Wo sé mangala'un, sina'uenmu mangé ka'i séra ang karapi ing kale'nasan in atému tanu ko manuwu' a si tuarimu in esa.

Filemon 1:2

wo ka'i a si Apfia poowta wéwéné an esa paémanen wo a si Arkhipus karapita si mewali-wali maraméji mengakua andumoro' i Yesus a sé tou. Wo ipatic ka'i a sé jamaat sé mengali'us maapo' am balému.

Yakobus 2:15

En tuusna tana'i: Awéan poow iow tuama kuma'pa wéwéné ra'ica wana karai kuma'pa ra'ica awes eng kakanen susur in endo.