Roma 15:8 - En Taar Weru a nunuwu' é Tontemboan

⁸ Ta'néiku ai camu sapaoka si Kristus imayo ang kayo'baan en sumelewir a sé tou Yahudi en tumuru' sapaoka uli-ulit émaan i Amang Kasuruan sé aijanji-Na a sé apo-apo'ta.

Roma 15:8 ပူးပေါင်းရင်းမြစ်များ

Matius 15:24

Isowat i Yesus, “Yaku ayutus asaloke' a sé domba sé icatala asé tou Israel.”

Matius 20:28

En itu meputé wo si niéma' i Toyaang i Tou. Sia maai ang kayo'baan anio' ra'ica maai selewiran é tou taan en sumelewir sé tou wo méé in owak-Na in esa en tumu'bus ing kamesé-meséaan é tou keli.”

Yohanes 1:11

Sia mai a sé tou-Na Yahudi taan Sia ra'ica tinerima éra.

Yohanes 10:16

Taan Yaku awéané' ka'i domba walina sé ra'ica asi kurungan anio', sé domba itu musti ka'i akinen-Ku wo lingan oka éra en suara-Ku. Wo séra mamuali oka sangareru' wo sé domba-Ku ang kurungan anio', wo makaanu esa gembala, siituo Aku.

Kisah Para Rasul 13:46

Taan ang karapi in da'ica wana kaindé'an, icua i Paulus wo si Barnabas, “Mémang wutul, en Taar i Amang Kasuruan itu musti icuao owo ai camu. Taan ra'ica kiim iow mercaya, kamu mawerot en owak iow ra'ica patus makéré ing katouan akar ing kauré-uré. Ampa'paano in itu, kamu itela'u ami wo kami maangé a sé tou ra'ica Yahudi eng kumua in taar i Casuruan itu.

Roma 11:22

Anaé, intarépé' kaséréano sapaoka si Amang Kasuruan itu uli-ulit sama' wo sa Sia mengaukum uter keli. En ukuman-Na uter a sé tou mengaéma' ing kamesé-meséaan, taan Sia loor ai camu sa kamu uli-ulit menonou mamangén ang kasamaan in até-Na. Sa kamu ra'ica menonou tanu siitu, kamu itiya'-Na oka tanu im panga-pangana sé pinokol itu.

Roma 11:30

Indior, kamu sé tou ra'ica Israel ra'ica le'tek a si Amang Kasuruan. Taan intarépé' kamu itumerimao ing kaupusan-Na ampa'paano sé tou Israel ra'ica le'tek ai Sia.

Roma 15:16

Yaku mamuali ata maselewir a si Kristus Yesus e mengakua in Abar Kaaruien andumoro' i Yesus Kristus a sé tou ra'ica Yahudi. En tawoienku tanu in tawoien é imam si mengawéé i raragés, ampa'paan aku makawali sé tou ra'ica Yahudi a si Amang Kasuruan wosama' séra teriman-Na tanu raragés si casalé'-Na wo si line'naso i Roh Le'nas.

Roma 3:26

Si Yesus maté en sumawel icita ampa'paan ing kamesé-meséaan, siitu en tuusna sapaoka si Amang Kasuruan ra'ica marapit. Wo in taniitu aituru'-Nao sapaoka Sia wutul; wo pakasa é tou maéman a si Yesus, nianggap i Amang Kasuruan wutul an dior-Na.

Roma 3:3

Taan tambisa sa an uner éra awéané' sé ra'ica le'tek a si Amang Kasuruan? Anaé, tambisa eng kale'tekkan i Amang Kasuruan asi janji-Na ai séra itu batalen-Na?

Roma 4:16

Anaé, en janji i Amang Kasuruan itu, iwéé-Na ampa'paan sé tou maéman ai Sia. Itambér-Na en itu ampa'paan ing kaupusan-Na wosama' pakasa sé taranak i Abraham makéré in janji itu. Wo en janji itu ra'ica toronake' é tou Yahudi sé menonou makiit in ukum Torat, taan ka'i torona im pakasa sé tou maéman a si Amang Kasuruan, meputé si Abraham maéman ai Sia. Ampa'paan in ituo si Abraham mamuali amangta im pakasa é tou maéman.

1 Korintus 1:12

Em peangé-angénku tana'i: Awéan tou an uner iow sé makua, “Yaku makiit si Paulus”, awéan ka'i sé makua, “Yaku makiit si Apolos”, sé walina ka'i makua, “Yaku anio' makiit si Petrus” wo sé walina ka'i makua, “Yaku makiit si Kristus.”

1 Korintus 10:19

Kaangéan iow réén sapa sé pakuaku itu? Eng kaangéanna tana'i: sé opo-opo' wo eng kakanen ayumper a sé opo-opo', rua-rua itu ra'ica wana torona.

1 Korintus 10:29

Em paangé-angénku até weresi i tou icumua ai camu, ra'ica até weresi miow in esa. Awéan wona' ai camu mamuéi in tana'i, “Kéitu réén eng kaloasanku musti aitantu in até weresi é tou walina?

1 Korintus 15:50

Poo-poow, em peangé-angénku tana'i: en owakta intarépé' niéma' an enda wo an sama'na owo. Wo en owakta anio' sa, ra'- ica toro muntep ang kayo'baan weru i Amang Kasuruan. En owak si ro'na maté tanu si anio' ra'io ka'i pakénta ampa'paan a mangé mbitu ra'io wana ka'i e maté.

2 Korintus 1:20

Ampa'paan pakasa en janji i Amang Kasuruan, linekepo i Apo' Yesus. Ampa'paan in ituo icuata, “Ulit” a si Amang Kasuruan ampa'paan i Yesus Kristus. Wo icami méma' taniitu wosama' si Amang Kasuruan iparayo wo pasiriin.

Efesus 2:12

An tutuw itu kamu ra'ipé' maéman a si Kristus. Kamu ra'ipé' aicauntep a sé tou sé sinisir i Amang Kasuruan wo ra'ica tumerima pakasa sé aijanji-Na a sé tou-Na Israel. Wo kamu menonou ang kayo'baan anio' ra'ica wana em paarapen wo ka'i ra'ica makatuus si Amang Kasuruan.