Roma 15:7 - En Taar Weru a nunuwu' é Tontemboan

⁷ Ampa'paano in itu, mensung-sungkulano mangé kamu si esa wo si esa, meputé si Kristus ka'i isumungkulo icamu. Wo in taniitu si Amang Kasuruan iparayo-rayo wo pasiri-siriin.

Roma 15:7 ပူးပေါင်းရင်းမြစ်များ

Matius 10:40

Si séike' en sumungkul icamu, en itu meputé sia isumungkulo Yaku. Wo si séike' en sumungkul Yaku, sia ka'i isumungkulo si Amang Kasuruan si mutusai Yaku.

Markus 9:37

“Si séike' en sumungkul si toyaang teké' tanu si anio' ang karapi i ngaran-Ku, sia isumungkulo Yaku. Si séike' en sumungkul Yaku, ra'ica Yaku en sinungkulna, taan Sia si mutus Yaku.”

Lukas 15:2

Wo sé tou Farisi wo sé makailek wutul in Torat tumo'tolo mengimbu-ngimbulu. Icua éra, “Si Tou anio' tumerima sé tou iméma ing kamesé-meséaan wo kuman mewali-wali wo iséra.”

Lukas 9:48

Icua-Na a sé murit-Na, “Si séi en sumungkul si toyaang teké' anio' ang karapi in arui en até ampa'paan makiit Yaku, sia sumungkulo Yaku. Wo si tou isumungkul Yaku, sia isumungkulo si Amang Kasuruan si imutus Yaku. Anaé, si séi si mawerot in owakna tou wawa', siao itu si tou iparangka-rangka'.”

Yohanes 13:34

Kamu wéan-Ku perénta weru, meupu-upusan angé kamu. Kamu musti meupu-upusan angé, kaputé Yaku mengaupus camu.

Yohanes 6:37

Pakasa en tou sé aiwééo i Amang-Ku a Yaku maai oka a Yaku, wo si séike' si maai a Yaku, sia ra'ica kawisa yusér-Ku.

Roma 15:9

Wo si Kristus mai ang kayo'baan torona ka'i é tou ra'ica Yahudi, wosama' séra ro'na rumayo wo sumiri' si Amang Kasuruan ampa'paan ing kaupusan-Na ai séra. Ang Kitap Le'nas aipatic in tana'i, “Ampa'paano in itu rayoku oka si Amang Kasuruan an uner é tou ra'ica Yahudi, wo kantarku oka eng kakantaren rarayoan e rumayo i ngaran-Mu.”

Roma 5:2

Wo ampa'paan kita maéman a si Yesus, kita imakéré in upus aitambér i Amang Kasuruan. Wo ampa'paan in upus aitambér ituo kita menonou intarépé'. Wo kita maaru-arui ampa'paan makaanu im paarapen sapaoka kita makéré oka bagéan a rarayo wo in sisiri' asi Amang Kasuruan owo.

Efesus 1:12

Anaé, icami sé tou Yahudi eng kataré-taré maarap a si Kristus, ro'na rumayo Sia ampa'paan wangko' eng kawasa-Na.

Efesus 1:18

Isombayangku ka'i wosama' wukaan-Na mai en até miow akar kakailekan iow em paarapen si aiwéé-Na an tutuw iow tinowa-Na, wo akar kakailekan iow taloso wangko' eng kasiyaan im bagéan sé aitu'tul-Nao a sé tou le'nas.

Kolose 3:13

Sa awéan tou e méma' ing kaséaan ai camu, ituru'o mangé eng katalesenan iow a si tou itu wo sa awéan ai camu si menii-niim in léwo' membém-béan angé ing kaampungan. Tanu si Casuruan mééo ing kaampungan ai camu, mengaéma'o mangé tanu siitu.