Roma 15:31 - En Taar Weru a nunuwu' é Tontemboan

³¹ Isombayango mangé a si Amang Kasuruan wosama' téiran-Na aku am pawasan léwo' é tou ra'ica le'tek an tutuwku an Yudea. Wo ka'i sombayang angé wosama' en sumbangan aitambér é tou em paalinku mangé an Yerusalem, teriman é tou le'nas a mangé mbitu ang karapi in arui en até.

Roma 15:31 ပူးပေါင်းရင်းမြစ်များ

Kisah Para Rasul 22:24

Ampa'paano in itu peréntan i kikiiten é suraro Romawi e makawali si Paulus a markas. Am bitu, si Paulus pineriksa wo pasamboken wosama' ro'na kakailekan ampa'paan in sapa sé tou keli itu mengangko-ngangko' a si Paulus.

Kisah Para Rasul 25:2

A mangé mbitu, sé kikiiten é imam wo sé tou Yahudi sé pasiri-siriin mai meta'up wo isia eng kumua in tuduan éra a si Paulus.

Kisah Para Rasul 25:24

An tutuw i Paulus am bituo, icua i gubernur Festus, “Kolano Agripa si pasiri-siriinku wo sé pakasa in tou sé imewali-wali wo icami am bia'i. Séréno mai si tou anio', si patudun é pakasa in tou Yahudi an Yerusalem wo sé ang Kaisarea am bia'i. Séra imayo a yaku wo mangilek ang karapi i mengangko-ngangko' sapaoka sia musti makéré in ukumen patén.

Kisah Para Rasul 9:13

Isowat i Ananias, “O Tuang, pinalingakuo asé tou keli andumoro' sia. Keliano sé tou le'nas-Mu an Yerusalem sé niokoina.

Kisah Para Rasul 9:15

Taan icua i Casuruan a si Ananias, “Mangéo ko! Sinisir-Kuo si tou itu e mamuali ata-Ku eng kumua in Abar Kaaruien andumoro' Yaku a sé bangsa walina, a sé kolano wo ka'i a sé tou Israel.

Roma 15:25

Taan, intarépé' aku ang karoro'an i maangé an Yerusalem e maali in sumbangan a sé tou le'nas a mangé mbitu.

1 Korintus 16:15

Poo-poow, tantu katuusano miow si Stefanus wo sé pamaléna. Séra itu, sé tou kataré-taré mape'dis wo maémano a si Yesus an Akhaya. Wo séra imééo in owak an tawoien en sumelewir sé tou le'nas.

2 Korintus 1:10

Siao en lumowir icami asi papaté si kaindéén itu. Wo Siao ka'i en lumowir icami asi endo maai sa, ampa'paan ai Siake' em paarapan ami.

2 Korintus 8:4

Séra meki-kiupus ai cami sa woo ro'na séra kumiit méé ipatawang a sé tou le'nas an Yerusalem, ampa'paan en itu kamang ai séra.

2 Korintus 9:1

En ulitna ra'io sangali ipaticku ai camu andumoro' in doit tatawang en tumawang sé tou le'nas lengéi an Yerusalem.

2 Korintus 9:13

Wo asi kasamaan in até sé aituru' miow itu, kelian oka en tou an Yerusalem rumayo si Amang Kasuruan ampa'paan séra isumeréo icamu wutu-wutul menonou makiit wutul in Abar Kaaruien andumoro' i Yesus Kristus. Wo ka'i séra rumayo si Amang Kasuruan ampa'paan kamu wutul lekep en até mawéé in tatawang ai séra wo a sé pakasa in tou walina.

1 Tesalonika 2:15

Sé tou Yahudi sé mengaokoi itu ra'ica mengaéma' ing kasalé'an i Amang Kasuruan. Indior pinaté éra sé nabi wo si Apo' Yesus wo kami okoien éra ka'i wo yusér éra. Wo pakasa en tou nianggap érao kaséké'.

2 Tesalonika 3:2

Wo ka'i isombayang angé wosama' kami cawekar asé tou sé mengaéma' ing kalicokoan wo asé tou léwo', ampa'paan ra'ica im pakasa in tou mapercaya in taar i Casuruan itu.

2 Timotius 3:11

Kailekanmu ka'i tambisa sé tou mokoi yaku ang kota Antiokhia, an Ikonium wo an Listra akar aku mawendu ulit. Taan aku aiwekar i Casuruan am pakasa in itu.

2 Timotius 4:17

Taan mandé ka'i aku aitela'u éra, si Casuruan kasake' ang karapiku. Kineter-Na mai aku wosama' aku ro'na kumua in Abar Kaaruien andumoro' i Yesus Kristus a sé tou ra'ica Yahudi ang karapi i makakii-kiit. Wo iwekar-Na ka'i aku am pakasa sé kaléwo-léwo'an, tanuoka aku icawekar am ba'ba' i singa.