Roma 15:3 - En Taar Weru a nunuwu' é Tontemboan

³ Ampa'paan si Kristus ka'i ra'ica mangéré-ngéré ing kaaruian in owak-Na in esa. Ang Kitap Le'nas aipatic in tana'i, “Nunuwu' iparoros é tou an tutuw séra mengaroros si Amang Kasuruan, intarépé' itumenao a Yaku.”

Roma 15:3 ပူးပေါင်းရင်းမြစ်များ

Matius 10:25

Loor sa si esa murit mamuali puté wo si guruna wo si esa ata puté wo si tuangna. Sa si makawalé patuulen im Beelzebul, wopé'taré pakasa sé am balé itu, tantu ngaranan oka éra in lébé wurukai.

Matius 26:39

Kumawus in itu si Yesus maya' mangé toyo', Sia kumundu wo sumombayang, “O Amang-Ku, sa woo ro'na, angkaien woo mai eng kawenduan anio' a Yaku. Taan ra'ica iciit ing kasalé'an-Ku e mamuali, iciito ing kasalé'an i Amang.”

Matius 26:42

Kumawus in itu si Yesus maréng angé ka'i sumombayang ing karua, icua-Na, “O Amang-Ku, sa réén musti wuléngen-Ku eng kawenduan anio', mandéo kasalé'an i Amang e mamuali.”

Matius 27:44

Taniitu ka'i sé rua tou léwo' sé aisalip mewali-wali wo Sia, séra maséro' tanu siitu ai Sia.

Yohanes 15:10

Sa kamu le'tek mengéma-ngéma' im perénta-Ku, kamu ro'na mendam in upus-Ku, meputé Yaku le'tek mengéma-ngéma' im perénta i Amang-Ku, akar Aku mendam in upus-Na.

Yohanes 15:24

Sa ra'ica niéma'-Ku en tuu-tuus kakaya'kaan sé ra'ica kawisa émaan é tou walina, tantu séra ra'ica iméma' ing kamesé-meséaan. Taan intarépé' mandé ka'i sinéré érao pakasa sé niéma'-Ku, taan Yaku wo Si Amang-Ku kasake' ipasuu-suut éra.

Yohanes 4:34

Icua i Yesus ai séra, “Eng kakanen-Ku mengaéma' ing kasalé'an i Amang Kasuruan si mutusai Aku wo lumekep in tawoien si aiwéé-Na a Yaku.

Yohanes 5:30

Icua ka'i i Yesus, “Yaku ra'ica toro méma' sapa-sapa sa asalo kumiit ing kasalé'an-Ku in esa. Yaku mengaakim kumiit in sapa en lininga-Ku asi Amang-Ku owo. Wo Yaku maakim ra'ica marapit ampa'paan ra'ica kumiit ing kasalé'an-Ku in esa taan kumiit ing kasalé'an i Amang si mutusai Yaku.

Yohanes 6:38

Ampa'paan Aku tumumpao mai an sorga owo ra'ica méma' ing kasalé'an-Ku in esa taan méma' ing kasalé'an i Amang Kasuruan si mutuso mai Aku.

Yohanes 8:29

Wo Sia si mutusai Yaku, mewali-wali wo Yaku. Ra'ica kawisa wo iwaya-Na Yaku in esa, ampa'paan sapa sé pengéma-ngémaan-Ku maarui in até-Na.”

2 Korintus 8:9

Ampa'paan kailekano miow en upus aitambér i Apo'ta Yesus Kristus ai camu: Mandé ka'i Sia siya', taan torona ing kapentingan iow, niéma'-Na en owak-Na malengéi, wosama' kamu masiya'.

Filipi 2:5

Em peri miow musti meputé wo im peri i Kristus Yesus.

Filipi 2:8

An tutuw Sia mamuali tou, iwawa'-Na en owak-Na wo le'tek a si Amang Kasuruan akar imaté, wo akar imaté ang kayu salip.